Arkiv-Lajme të përditësuara

Një pus nafte i kompanisë ‘Bankers Petrolium’ ka shpërthyer mëngjesin e sotëm në fshatin Marinzë të Fierit. 

Shpërthimi i gazit, gjatë punimeve për shpimin e një pusi të ri në zonën naftëmbajtëse të Marinzës në Fier, krijoi panik te banorët e zonës. 

Dy fontana gazi me një lartësi rreth 100 metra tmerruan banorët, të cilët janë larguar me shpejtësi nga shtëpitë e tyre. Shpërthimi i gazit ndodhi rreth orës 05.00, ndërsa në të gjithë zonën dhe rrugët e fshatit filloi të dalë ujë i përzier me argjil. 

Top Channel ka siguruar dosjen e plotë prej 224 faqesh të hetimit të kryer nga Prokuroria e Napolit, lidhur me një aferë korruptive në shtetin fqinj, ku të pandehur janë marrë 12 persona, mes tyre kryetarë bashkish e biznesmenë. 

Ndryshe nga herët e tjera, ku formacioni kuqezi për një ndeshje zyrtare mësohej rreth 24 orë më parë, këtë herë ndaj Armenisë, paqartësitë mbi formën e disa lojtarëve kryesorë kanë bërë që De Biasi të ketë ende dyshime për ekipin, që do të nxjerrë këtë të diel në fushë që nga minuta e parë. 

Mërgim Mavraj është një nga pikëpyetjet e mëdha të trajnerit 58-vjeçar. Për mbrojtësin e dëmtuar, stafi mjekësor po bën gjithçka që ai të jetë në fushë dhe vetëm gjatë ditës së sotme do të mësohet fati i tij.

Lideri i Bashkimit Demokratik për Integrim, Ali Ahmeti ka theksuar se, pa përfshirjen e faktorit shqiptar në dialogun për tejkalimin e krizës politike në Maqedoni, zgjidhja nuk mund jetë e qëndrueshme. 

Këtë deklaratë, Ahmeti e ka bërë një ditë pasi u konfirmua lajmi se negociatat, që nisin të hënën në Bruksel për krizën në Shkup, do të zhvillohen vetëm midis partive maqedonase, VMRO-DPMNE-së në pushtet dhe LSDM-së në opozitë.

Aksioni kundër vjedhjes së energjisë elektrike ka vazhduar edhe gjatë javës që pritet të mbyllim sot, teksa Policia dhe OSHEE kanë raportuar këtë fundjavë mbi vijimin e punës së përbashkët të 110 grupeve të kontrollit në të gjithë vendin. 

Sipas njoftimit të fundit rezulton se, gjatë kësaj jave janë evidentuar 61 raste të vjedhjes së energjisë elektrike nëpërmjet lidhjeve të paligjshme, prej të cilëve janë arrestuar 13 persona me akuzën e vjedhjes së energjisë. Ndërkohë, janë ndërprerë edhe 4350 lidhje të abonentëve debitorë.

Përkundër traditës kur Gjykata e Lartë nuk i ka hapur asnjëherë dyert në fundjavë për procese gjyqësore, rasti i deputetëve Tom Doshi dhe Mark Frroku e theu këtë tabu. 

Herët në mëngjes shorti me gogla vendosi Kolegjin Penal që do të shqyrtonte kërkesat e Prokurorisë së Përgjithshme për vlerësimin e ndalimit të dy deputetëve dhe caktimin e masës së sigurisë. 

Gjykata e Lartë vendosi masën e arrestit në shtëpi për deputetin Mark Frroku, por ky i fundit rrezikon të përfundojë sërish në qelitë e policisë. 

Prokuroria e Përgjithshme ka dorëzuar një tjetër kërkesë për autorizim arrestimi në Këshillin për Rregulloren, Mandatet dhe Imunitetin ku i kërkon Kuvendit autorizimin për arrestimin e Frrokut për llogari të drejtësisë belge.

Kuvendit njofton përmes një komunikate për mediat se Këshilli do të mblidhet ditën e Dielë, më datë 29 Mars në orën 16:00.

Një xhiro e mirë i mjaftoi britanikut Lewis Hamilton për të treguar se kush është dominuesi i Formulës 1 në ditët e sotme. Piloti i Mercedesit, pas shumë problemeve në sesionin e parë të provave të lira të Çmimit të Madh të Malajzisë, regjistroi një kohë të shpejtë në sesionin e dytë që nuk u përmirësua dot nga asnjë pilot tjetër. 

urpriza e këtyre provave ishte vendi i dytë i Kimi Raikkonen, i cili tregoi se Ferrari është përmirësuar shumë në krahasim me vitin e kaluar.

Pas deklaratave të hetuesve francezë se Airbusi A320 me 150 persona në bord është rrëzuar qëllimisht nga Andreas Lubitz, vëmendja tani po përqendrohet tek kontrollet e bëra pilotëve. Lufthansa, kontraktuesja e Germanwings, pretendon se nuk ka pasur asnjë element të mëparshëm që t’i linte vend qoftë edhe thjesht dyshimeve se 28-vjeçari ishte i paqendrueshëm mendërisht. 

Përmes dy udhëzimeve më të fundit, Ministria e Arsimit dhe Sporteve ka përcaktuar lëndët dhe datat e zhvillimit të provimeve të Maturës Shtetërore 2015 dhe për arsimin bazë të detyrueshëm të këtij viti. 

Sipas udhëzimeve të veçanta, lëndët e Maturës Shtetërore dhe datat e provimeve do të jenë:

-Gjuha e huaj, më 23 maj;

-Gjuha shqipe dhe Letërsia, më 29 maj;

-Matematika, më 9 qershor;

-Provimet me zgjedhje, më 19 qershor.

Ndërsa datat e zhvillimit të provimeve kombëtare të arsimit bazë do të jenë: