Arkiv-Lajme të përditësuara

Në podiumin e Parlamentit, opozita ka fajësuar qeverinë për largimin e shqiptarëve drejt vendeve të Bashkimit Europian. 

“Drejtori juaj i Portit të Vlorës është në kamp, në Gjermani. Është tjetër gjë të shkosh e të kërkosh punë, është tjetër të shkosh të kërkosh azil politik. Ky problem nuk zgjidhet me policë”, tha ish-kryeministri Sali Berisha.

Në Kosovë ka nisur java e të pagjeturve të luftës, por dhimbja për ata dhe shpresa se janë diku të gjallë është në mesin e qindra familjeve, të cilat nuk dinë për fatin e më të dashurve të tyre. 

Rreth 20 mijë qytetarë shqiptarë që jetojnë në Kanada do të kenë mundësi të përfitojnë pensione. Kjo është një ndër marrëveshjet e fundit që ka nënshkruar  ministri i Mirëqenies Sociale dhe Rinisë, Erion Veliaj, një javë para se të japë zyrtarisht dorëheqjen dhe të nisë fushatën për kryetar të Bashkisë së Tiranës. 

Partia Demokratike, nëpërmjet kryetarit të saj, Lulzim Basha, prezantoi të mërkurën kandidatin për kryetar bashkie në Vlorë, i cili do të garojë në zgjedhjet lokale të 21 Qershorit. Ai do të jetë Genc Deromena. 

“Do të punoj për të rikthyer qytetarinë vlonjate”, u shpreh kandidati për kryetar Bashkie i qytetit jugor.

Po të mërkurën, Partia Demokratike zyrtarizoi edhe kandidaturën e Sadik Xhelilit për Bashkinë e Memaliajt.

Nga qyteti i Fierit, ku prezantoi reformën e pensioneve, kryeministri Edi Rama theksoi se bëhet fjalë për një reformë “që na bën krenar të gjithëve” dhe që qeveria e mëparshme nuk arriti dot ta realizonte. 

“Ne hoqëm tavanin e pensionit dhe krijuam një hapësirë që të gjithë të vendosin vetë për pensionin e tyre, duke paguar më shumë apo më pak kontribute”, shpjegoi Rama. 

“Sot, jemi në gjendje që kujt ka derdhur djersë, t’i përgjigjemi me një pension që e meriton”, shtoi kryeministri.

Australia dhe Irani kanë rënë dakord të ndajnë informacione të kundërzbulimit mbi australianët që luftojnë në krah të grupeve militante në Irak. 

Nën masa të rrepta sigurie, në një sallë të ndërtuar enkas brenda burgut të Korridallosë në Athinë, ka filluar mëngjesin e së hënës gjyqi ndaj Agimit të Artë, që konsiderohet si një proces historik për Greqinë që nga koha e rënies së juntës ushtarake. 

Një sasi prej 13 kilogramë hashash u kap nga Policia Kufitare në kufirin e gjelbër me Malin e Zi. 

Policia kapi në flagrancë shtetasin Bruno Nikaj, 25 vjeç, banues në fshatin Hot të Malësisë së Madhe. 

Ky shtetas është kapur në flagrancë nga njësiti i Policisë Kufitare të Hanit të Hotit, afër vijës kufitare në Hot, në vendin e quajtur sipër Kalasë, teksa po tentonte të trafikonte me një thes plasmasi me lëndë narkotike drejt Malit të Zi, një sasi prej 13 kilogramë kanabis sativa. 

/ Top Channel 

“Në bord ishim 950 persona. Kishte 50 fëmijë dhe 200 femra”. Kjo është deklarata që ka dhënë në Prokurorinë e Katanias një i mbijetuar i mbytjes së peshkarexhës që çoi në vdekjen e rreth 700 personave. 

Burri nga Bangladeshi ka shtuar se shumë nga klandestinët ishin mbyllur në nivelet e poshtme të mjetit lundrues dhe nuk lejoheshin të dilnin nga trafikantët.

“U nisëm nga një port rreth 50 kilometra nga Tripoli (Libi). Ata që paguajnë më pak mbyllen poshtë dhe kanë shumë pak hapësirë në dispozicion”, thotë një nga 28 të mbijetuarit.

Një anije me 200 emigrantë në bord është mbytur në brigjet e Rodosit, në Greqi, pasi është përplasur me disa shkëmbinj. 

Deri tani, mediat lokale raportojnë për 3 viktima, mes të cilëve një fëmijë.

Ndërkohë, 57 persona janë shpëtuar, por mendohet se bilanci i viktimave mund të rritet në orët në vazhdim.

/ Top Channel