Arkiv-Lajme të përditësuara

Aleatët e koalicionit opozitar do të mblidhen sot, për të diskutuar në lidhje me situatën politike në vend. Kryetari socialist, Edi Rama ka thirrur në një takim, rreth orës 12:00, në hotel “Tirana International” të gjithë kryetarët e partive opozitare, për të shqyrtuar paktin e propozuar prej Partisë Socialiste me 10 pika. Por, në të njëjtën kohë, aleatët kanë ditë që qarkullojnë mes tyre një draft-marrëveshje parimesh, të cilat do të diskutohen edhe sot, në takimin zyrtar dhe që kanë lidhje me qëndrimin e opozitës për reformën zgjedhore.

Partitë e majta pjesë e grupimit "Opozita e Bashkuar" pritet të mblidhen nesër, për të diskutuar mbi çëshjet kryesore si reforma zgjedhore apo situata politike aktuale në vend. 
Një javë më parë përfaqësuesi i së majtës, Preç Zogaj, pas takimit informal të kryetarëve të partive opozitare lajmëroi tryezën zyrtare të opozitës në 18 tetor.
Mësohet se 3 do të jenë temat për të cilat pritet të diskutohen: Raporti i Progresit i publikuar nga Bashkimi Europian 5 ditë më parë, si edhe përgjegjësitë mbi mesazhet e këtij raporti. 

Presidenti i vendit Bamir Topi që nga Ura Vajgurore ka kërkuar nga institucionet e vendit që të nisin punën për të përmbushur me seriozitet 12 rekomandimet e Bashkimit Europian në mënyrë që të ecet përpara për integrimin.
Ndërsa duke devijuar dhe shmangur përgjigjen ndaj gazetarëve lidhur me debatet e fundit mes tij dhe Kryetares së Kuvendit Jozefina Topalli, Kreu i Shtetit ka cilësuar si prioritare çështjen e integrimit.

Një 24-vjeçar është qëlluar me thikë për vdekje pas një zënke në qytetin e Korçës.

Sipas burimeve nga policia mësohet se vitkima është Dorian Kocaqi. Nga informacionet e para mësohet se vrasja e 24 vjeçarit ndodhi pas një konflikti në një lokal lojërash fati, ndërsa nga zënka edhe dy persona të tjerë janë plagosur .
 

Elton Beluli 22 vjeç është një nga të plagosurit ndërkohë që policia po punon për zbardhjen e plotë të ngjarjes.

Marrë nga ora-news.com

Partitë e majta pjesë e grupimit "Opozita e Bashkuar" pritet të mblidhen nesër, për të diskutuar mbi çëshjet kryesore si reforma zgjedhore apo situata aktuale në vend. 
Një javë më parë përfaqësuesi i së majtës, Preç Zogaj, pas takimit informal të kryetarëve të partive opozitare lajmëroi tryezën zyrtare të opozitës në mesditën e 18 tetorit.
Burimet zyrtare bëjnë të ditur se 3 do të jenë temat për të cilat pritet të dilet me një qëndrim të përbashkët: Raporti i Progresit i publikuar nga Bashkimi Europian 5 ditë më parë, si edhe përgjegjësitë mbi mesazhet e këtij raporti. 

Byroja e Kuvendit ka rrëzuar kërkesën e Partisë Socialiste për të përjashtuar kryeministrin Sali Berisha nga Kuvendi për 15 ditë.
Sipas njoftimit zyrtar në faqen online të Kuvendit, Byroja u mblodh për t'u njohur e diskutuar me projekt-buxhetin e Parlamentit për vitin e ardhshëm. Kryetarja e Kuvendit, Jozefina Topalli kërkoi që, Sekretariati për buxhetin të shqyrtojë gjithashtu buxhetin para miratimit të tij në Qeveri.
Sa i përket kërkesës së 9 deputetëve të PS, Byroja e hodhi poshtë si të pabazuar. 

Zjarri i rënë mesditën e sotme në hyrje të qytetit të Krujës në një fabrikë dyshekësh ka marrë përmasa të mëdha duke shënuar edhe të lënduar.
Si rrjedhojë e tij 3 persona kanë ngelur të plagosur, dy prej të cilëve kanë pësuar djegje të rënda dhe janë nisur me urgjencë në drejtim të repartit të djegieve në QSUT.
Ndonëse prej orësh forcat zjarrfikëse vijojnë punën për shuarjen e flakëve të zjarrit përmasat e tij janë zgjeruar së tepërmi, ndërsa dyshohet se në brendësi të fabrikës ndodhet një bombol me 5 mijë litra gaz dhe druhet nga një shpërthim i mundshëm i saj.

Francois Hollande eshte njeriu qe do te perballet me Nikolas Sarkozi, si kandidat i Partise Socialiste franceze ne zgjedhjet presidenciale te 2012-es.
Rivalja e tij, Martine Aubry i njohu fitoren ne balotazhin e se dieles qe perpara se te jepej rezultati perfundimtar i votimit. Ne fjalimin e mbajtur me pas, Hollande tha se do te mbeshtese te gjithe ata qe nuk i durojne dot me politikat e Sarkozise.

Një anije me armë me destinacion Irakun është bllokuar sot pasdite në portin e Durrësit.
Lajmi konfirmohet nga kapitaneria e portit të Durrësit e cila sqaron se anija me pronar shqiptar dhe flamur moldaz ishte furnizuar me armë në Kroaci e Mal të Zi.
Sipas të dhënave të para anija ishte ndaluar në port të premten për riparimin e një defekti.
Kapiteneria saktëson se ngarkesa me armë e anijes është ligjore, konfirmon se bllokimi i anijes ndodhi pasi agjencia e lundrimit kërkoi të bëhen verifikime të mëtejshme.