Hollande, sfidanti i Sarkozisë

Francois Hollande eshte njeriu qe do te perballet me Nikolas Sarkozi, si kandidat i Partise Socialiste franceze ne zgjedhjet presidenciale te 2012-es.
Rivalja e tij, Martine Aubry i njohu fitoren ne balotazhin e se dieles qe perpara se te jepej rezultati perfundimtar i votimit. Ne fjalimin e mbajtur me pas, Hollande tha se do te mbeshtese te gjithe ata qe nuk i durojne dot me politikat e Sarkozise.
"E kam njesine matese per punen qe me pret. Eshte shume e veshtire. Duhet te jem ne lartesine e duhur per t`iu pergjigjur pritshmerise se francezeve qe jane ngopur me politikat e Sarkozise. Kam pare vuajtjen e shume bashkekombasve te mi keto muajt e fundit. Kam degjuar zerin e zemerimit te atyre qe nuk durojne dot me, shqetesimet e perditshme per papunesine, koston e larte te banimit apo kujdesin e shtrenjte shendetesor", tha Hollande.
   Sondazhet e opinionit tregojne, se socialisti Hollande ka mjaft gjasa te triumfoje mbi Sarkozine ne zgjedhjet presidenciale. Ky i fundit ende nuk e ka shpallur zyrtartisht kandidaturen e tij. Kjo ishte hera e pare qe ne France u zhvilluan zgjedhje per kandidat te modelit amerikan.
Ne balotazh moren pjese rreth 2.7 milione votues. Per Francois Hollande, kandidatura ishte pjeserisht fat, pjeserisht pune intensive. E para i detyrohet faktit qe favoriti socialist, Dominique Strauss Kahn, u perjashtua nga gara per shkak te skandalit seksual qe i kushtoi edhe postin ne krye te FMN-se. Nga ana tjeter, Hollande, thote BBC, ka nje vit qe lufton per kete fitore, dhe ka udhetuar ne cdo cep te vendit per te krijuar nje rrjet te fuqishem mbeshtetjeje.
Perpos kesaj, ai eshte kujdesur te marre nje qendrim qe shikon sa nga e majta, me programin zyrtar te partise dhe angazhimet ne sektorin publik, ashtu edhe nga politikat e qendres me premtimet per pergjegjesi fiskale ne menyre qe Franca t'i shpetoje krizes se borxhit.