gjermania

Banka Qendrore e Gjermanisë ka paralajmëruar një vit të vështirë për ekonominë gjermane. Në një njoftim të vetin, Bundesbank ka ulur parashikimin për rritjen ekonomike nga 1.15 që ishte deri më tni për 2025-n në 0.2%.

Ekonomia gjemane, jo vetëm që po lufton me zhvillime regressive, por po ashtu me probleme strukturore

është shprehur kreu i Bankës, Joachim Nagel.

Gjermania do t'i japë Ukrainës ndihma të reja ushtarake me vlerë 650 milionë euro. Shifra u bë e ditur nga kancelari gjerman Olaf Scholz, i cili ndodhet në Kiev për një vizitë të paparalajmëruar.

Scholz deklaroi se Gjermania do të mbetet mbështetja më e fortë e Ukrainës në Evropë, ndërsa shtoi se ndihma do të dorëzohet gjatë dhjetorit.

Kjo është vetëm vizita e tij e dytë që nga shpërthimi i luftës, pas vizitës së parë në qershor 2022.

Koalicioni qeverisës trepartiak i Gjermanisë u shpërbë sot në mbrëmje pasi kancelari Olaf Scholz njoftoi se do të shkarkonte ministrin e Financave, Christian Lindner, për shkak të mosmarrëveshjeve të vazhdueshme rreth reformave ekonomike.

Kriza në koalicionin e Partisë Socialdemokrate të Scholz-it, të Gjelbërve dhe Partisë Demokratike të Lirë të Lindnerit nisi pasi FDP publikoi një dokument me kërkesa për reforma ekonomike liberale të vështira për t'u pranuar nga dy partitë e tjera.

Polonia është tërhequr nga kërkesa ndaj Gjermanisë për reparacionet e luftës. Ministri i Jashtëm polak, Radoslaw Sikorski, njoftoi se tani dy vendet tani janë aleate, duke pasur parasysh kërcënimin që paraqet Rusia.

Nën qeverinë e mëparshme të krahut të djathtë të udhëhequr nga partia konservatore Ligj dhe Drejtësi (PiS), Polonia e ka ngritur vazhdimisht çështjen e reparacioneve të luftës me Gjermaninë.

Në vitin 2022, Varshava përllogariti se Berlini duhej t’i paguante asaj 6.2 trilion PLN (rreth 1.5 trilion dollarë) si kompensim për dëmet e shkaktuara nga pushtimi nazist.

Asambleja e Përgjithshme e Kombeve të Bashkuara miratoi të dielën Paktin për të Ardhmen, një tekst 42 faqesh që përcakton sfidat me të cilat do të duhet të përballet komuniteti ndërkombëtar për një të ardhme paqeje dhe prosperiteti. Dokumenti është rezultat i një negocimi që filloi nëntë muaj më parë dhe u udhëhoq nga Gjermania dhe Namibia.

Zëvendëskryeministri serb, Aleksandar Vulin, thotë se ribashkimi i Gjermanisë shënoi origjinën e një konflikti të ri global. Duke folur në një samit të sigurisë BRICS në Shën Petërsburg, Vulin tha se ky konflikt i ri ishte hakmarrje për humbjen e Luftës së Dytë Botërore.

Suksesi i fundit elektoral i Alternativës së ekstremit të djathtë për Gjermaninë (AfD) në shtetet gjermane të Turingisë dhe Saksonisë ka ngjallur reagime nga politikanët në mbarë Bashkimin Evropian.

Kryeministri çek, Petr Fiala (ODS, ECR), deklaroi se “Forcimi i lëvizjeve radikale dhe ekstreme politike në Gjermani nuk është i mirë për Gjermaninë, por as për ne”.

Ai e lidhi suksesin e AfD me çështjen e migrimit të pakontrolluar të paligjshëm, të cilin ai e quajti një shqetësim në rritje në të gjithë Evropën.

E djathta në Gjermani kërkon dëmshpërblim nga Ukraina për shkatërrimin e tubacioneve të gazsjellësit Nord Stream. Deputetja e Bundestagut, Alice Weidel, nga Partia Alternativa për Gjermaninë (AfD), këmbëngul që Kievi duhet të paguajë kompensim për dëmin e bërë.

Sulmi ndaj gazsjellësit Nord Stream ka sipas Rusisë më shumë sesa dorën e Ukrainës. Ndërsa Gjermania ka shpallur në kërkim një ukrainas si autorin e dyshuar të shpërthimit nënujor të tubacionit, Kremlini mendon se kaq nuk mjafton. Në një koment për të përditshmen Izvestia, ministri i Jashtëm rus, Sergei Lavrov, flet për një komplot shumë më të madh.

Një bazë ushtarake gjermane pranë aeroportit të Këlnit u mbyll përkohësisht, pas dyshimeve për sabotimin e rrjetit të ujit. Gjithçka nisi pas zbulimit të një vrime në murin rrethues të bazës Këln-Wahn pranë objektit të ujit të pijshëm, tha një zëdhënës i ushtrisë gjermane në një deklaratë.

“Meqenëse sistemi i ujit të pijshëm po tregonte vlera të pazakonta, furnizimi me ujë të pijshëm në kazermë ishte ndërprerë”, tha zëdhënësi.