gjermania

Europa nuk duhet të bazojë më sigurinë e vet në mbrojtjen e Amerikës. Dhe duhet të përgatitet konkretisht për këtë. Thirrja kësaj radhe vjen nga Armin Papperger, kreu ekzekutiv i “Rheinmetall”, grupi më i madh kontraktor ushtarak gjerman.

Nuk ka shumë kuptim nëse ne, të themi, zgjedhim teknologjinë e dytë apo të tretë më të mirë pse një shtet e do atë për “arsye nacionaliste”. Ky është diskutimi më i vështirë që kemi në nivel qeveritar. Ne kemi nevojë për kompani të mëdha në Europë

citohet Papperger.

Një takim i ushtarakëve të lartë gjermanë, gjatë të cilit diskutohet mbi mundësinë për t’i dhënë Ukrainës raketa me rreze të gjatë për të goditur objektiva në Krime, është publikuar në mediat ruse. Audio 38-minutëshe e mbledhjes u publikua nga shefja e RT, Margarita Simonyan.  

Në të, oficerët e lartë gjermanë diskutojnë se si raketat mund të godasin urën Kerç, e cila lidh Rusinë me Krimenë e aneksuar nga Rusia pak vite më parë.

Në Gjermani, e djathta ekstreme ka hedhur për herë të parë idenë e largimit të vendit nga BE-ja. Liderja e Alternativës së djathtë për Gjermaninë (AfD), Alice Weidel, i tha Financial Times se nëse vjen në pushtet, gjermanëve do ju jepet mundësia të vendosin me referendum nëse do të rrinë apo jo në Bashkimin Europian.

Opsioni i referendumit, sipas saj, do t’u jepej gjermanëve në rast se qeveria e AfD nuk do të mund të siguronte reforma për të frenuar vendimmarrjen e Komisionit Evropian "të pazgjedhur".

Vladimir Putin mund të sulmojë aleancën ushtarake të NATO-s në më pak se një dekadë, paralajmëron ministri gjerman i Mbrojtjes, Boris Pistorius.

"Ne dëgjojmë kërcënime nga Kremlini pothuajse çdo ditë ... kështu që duhet të kemi parasysh se Vladimir Putin mund të sulmojë edhe një vend të NATO-s një ditë," i tha Pistorius gazetës gjermane Der Tagesspiegel..

Edhe për Gjermaninë kërcënimi më i madh afatgjatë është Kina. Deri para disa vitesh një partner strategjik i Berlinit dhe padyshim faktori kryesor në suksesin e paprecedentë ekonomik të Gjermanisë, befas Kina ka ndërruar shinën e perceptimit për t’u vështruar si një armik strategjik. Revista “Spiegel” shkruan së fundmi për ato që i quan operacione afatgjata të spiunazhit kinez ndaj Europës dhe ekonomisë së saj.

Gjermania pret tkurrje të përfshirjes së SHBA-së në Europë në vitet e ardhshme, ndaj e sheh si të domosdoshëm rritjen e kapacitetit të sigurisë dhe mbrojtjes. Ministri gjerman i Mbrojtjes, Boris Pistorius, në një intervistë me Welt am Sonntag, thotë se përballë kërcënimit që paraqet Rusia, Europa duhet të përgatitet për t’ia dalë vetë.

Kancelari gjerman Olaf Scholz ka pranuar, pas një mbledhjeje maratonë me liderët rajonalë të Gjermanisë, që të shohë mundësinë e trajtimit të një marrëveshjeje Britani-Ruanda për migracionin. 

Qeveria Federale do të shqyrtojë nëse mbrojtja e statusit të refugjatit mundet po ashtu të përcaktohet në të ardhmen në vende të treta apo tranzite, në përputhje ne Konventën e Gjenevës mbi Refugjatët dhe Konventën Europiane mbi të Drejtat e Njeriut

 është shprehur Scholz. 

Për ish-ministrin e Jashtëm gjerman, Joshka Fisher, njohës i mirë i Lindjes së Mesme, konflikti në Gaza ka potencialin për ta futur në luftë të gjithë rajonin.

“Është e vështirë të mos mendosh për vitin 1914, kur ngjarjet morën një dinamikë të pakontrollueshme dhe sollën si pasojë Luftën e Parë Botërore”, thotë ai..

Që prej sulmit të 7 tetorit, që shënoi riaktivizimin e konfliktit Izrael-Palestinë, Perëndimi është kritikuar shpesh për pozicionimin hapur përkrah Izraelit. Në disa vende të Europës, protestat pro palestinezëve kanë vënë në provë respektimin nga autoritetet të dy të drejtave themelore: atë të shprehjes dhe lirinë e protestës.   

Në Berlin, protesta pro Izrelit dhe ajo pro Palestinës u mbajtën vetëm pak metra nga njëra-tjetra pak ditë më parë. Dhuna e regjistruar gjatë tyre ka ngritur shqetësimin e qeverisë gjermane për antisemitizëm.

Gjermania, Franca dhe Italia i kanë kërkuar Kosovës të nisë punën për themelimin e asociacionit. Në një letër të hapur dërguar qeverisë në Prishtinë, kancelari gjerman, Olaf Scholz, presidenti francez Emmanuel Macron dhe kryeministrja italiane Giorgia Meloni, kërkuan nisjen e procedurave, në përputhje me draft-statutin e propozuar nga ndërkombëtarët më 21 tetor.