seanca

Gazeta “Panorama” njofton se seanca gjyqsore për ligjin e posaçëm që parashikon shembjen e Teatrit Kombëtar do të zhvillohet e hapur në Gjykatën Kushtetuese.

Përfundon "lufta" midis Shoqatës Kombëtare të Gjyqtarëve të Republikës së Shqipërisë dhe Këshillit të Ministrave në lidhje me pasaportat e shërbimit. Qeveria ka dalë fituese në këtë përballje më të fundit gjyqësore. 

Gazeta serbe “Vecernje Novosti” shkruan sot se Beogradi zyrtar ka synim nisjen e një fushate në SHBA për të sqaruar pozicionin e vet në raport me Kosovën. Sipas kësaj gazete, autoritetet serbe kanë ndërmend edhe të bëjnë prezent ato që i quajnë “krime monstruoze kundër serbëve në Kosovë nga terroistët e UÇK-së”.

 Delegacioni i Bashkimit Europian në Tiranë organizon një seancë meditimi dhe joga për qytetarët shqiptarë. Përmes një postimi të sponsorizuar në Facebook, delegacioni sqaron se me këtë rast është vënë në dispozicion edhe një mjet transporti.

Delegacioni i BE-së në Shqipëri ju fton për një pasdite relaksuese me joga dhe meditim. Bashkohu me ne në 18 korrik në orën 19:00 në Liqenin e Farkës tek “Te Tarracat”

thuhet në njoftim.

Kryeministri i Shqipërisë mund të bëjë çdo gjë vetëm e vetëm që të mos përmbushë atë që ai e sheh si skenar të opozitës: përballjen e tij me protestën. Masiviteti i dy protestave të fundit dhe dorëzimi i mandateve e kanë evidentuar krizën. Një rrethim i parlamentit në seancë, do ta theksonte gravitetin e saj dhe defunksionalizimin e plotë të institucioneve.

Komiteti për Dixhitalizimin, Kulturën, Median dhe Sportin në Parlamentin britanik, ka thirrur për dëshmi, drejtuesin dhe themeluesin e Facebook, Mark Zuckerberg. Komiteti kërkon sqarime për situatën e krijuar me Cambridge Anaytica që siç u publikua dispononte të dhëna për 50 milionë përdorues të Facebook që u targetuan për qëllime elektorale gjatë zgjedhjeve të fundit presidenciale në SHBA.

Thirrja e Zuckerberg është pritur me entuziazëm nga shumë media, që gjatë ditës së sotme kanë qarkulluar të njëtën pyetje: Ku është Zuckerberg?

Kuvendi i Kosoves dështoi edhe këtë të premte per te votuar marreveshjen e Demarkacionit per percaktimin e kufijve me Malin e Zi. Ndonëse u trumbetua me të madhe firmosja e marrëveshjes nga presidenti Thaçi e kryeministri Markoviç qeveria e Kosovës duket se nuk i ka ende 2/3 e votave per ta votuar kete marreveshje, per shkak se Vetevendosja dhe Lista Serbe kane deklaruar voten e tyre kunder. Me dështimin e radhës Kosova po ekspozohet keq edhe ndaj faktorit ndërkombëtar që sheh të njëjtën shfaqje.

Në Kosovë, parlamenti është thirrur në seancë të jashtëzakonshme për ndotjen e ajrit në Prishtinë. Lajmi bëhet i ditur nga mediat kosovare që i referohen një njoftimi të kreut të Kuvendit, Kadri Vesesli sipas të cilit seanca do të zhvillohet “që të kërkojmë nga të gjitha institucionet ndërmarrjen e masave të menjëhershme konkrete për përmirësimin e kësaj gjendjeje. Po ashtu, është e nevojshme që të kemi një plan nacional të mirëfilltë dhe afatgjatë, me të cilin do të evitohej kjo situatë që po na përsëritet”.

Vendi mund të futet sërish në një spirale tensioni politik. Zgjedhja e kryeprokurorit të Përgjithshëm të Përkohshëm të hënën do të gjejë jashtë parlamentit dy partitë e opozitës, PD-LSI. Drejtues të saj kanë vendosur mbajtjen e një proteste kundër përpjekjes së mazhorancës për të përmbyllur këtë proces.

Ashtu siç pritej Këshilli i Mandateve dhe Rregulloreve nuk arriti të dalë me një raport të përbashkët mbi kërkesën e Prokurorisë për arrestimin e ish-ministrit të Brendshëm, Sajmir Tahiri. Me argumentin se nuk ka prova që implikojnë Tahirin, anëtarët e mazhorancës vendosë në pranojnë pjesërisht kërkesën e prokurorisë për hetim në gjendje të lirë ndërsa anëtarët e opozitës ishin pro kërkesës për arrestimin e Tahirit.