rama

Në skadim të afatit një javor për të dekretuar Genti Cakajn si ministër të rinj, kryesia e Partisë Socialiste e pa të udhës të mos e çojë emrin e tij në parlament, por të gjejë si zgjidhje delegimin e kësaj detyre kryeministrit Rama, me kërkesë të këtij të fundit kuptohet.

Këtë zoti Rama e konfirmoi edhe me një status në twitter, ku thotë se presidenti do ballafaqohet më vonë me këto "paudhësi".

Shqipëria është në hall për ministër të Jashtëm. Të paktën kështu duket pas refuzimit të presidentit për të dekretuar Genti Cakën në vend të Ditmir Bushatit. Një hall që në fakt është më shumë në kokën e Edi Ramës, jo sepse është i shqetësuar për punët e jashtme të Shqipërisë, por për kapriçot e tij të dukjes dhe pallavrat e rilindjes kombëtare e ndërkombëtare që tani nuk pijnë më ujë sado mundohet të bëjë seriozin dhe të gjithëditurin, ku ata  që nuk e kuptojnë njëherë janë studentët, njëherë minitatorët, njëherë infermierët, njeherë ambasadorët e kështu me radhë.

Studentët kanë bojkotuar sërish auditoret këtë të mërkurë. Momente tensioni ka patur në Universitetin Politektnik kur studentët tentuan të nxjerrin bankat në korridor. 

Rojet e sigurisë së Universitetin lajmëruan më policinë për bllokimin e ambienteve.

Edhe në Fakultetin e Histori –Filologjisë studentët bllokuan korridoret. Studentët kanë vendosur që të qëndrojnë brenda fakulteteve në shenjë protestë, ndërsa një pjesë kanë vijuar marshimin para kryeministrisë, ambasadës amerikane dhe ministrisë së Arsimit.

Masivitetin e ditëve të dhjetorit nuk po e shohim në protestat e studentëve të fillim-Janarit, por sistemi Universitar vijon të jetë në kolaps edhe pas aplogjisë së kryeministit që u shoqërua me shkarkimin e 8 ministrave. 

Protesta e studentëve megjithatë ka dy zhvillime të rëndësishme, bojkotin e auditoreve dhe zhvendosjen e protestës para ambasadës amerikane, e cila nuk është prononcuar deri më tani për çështjen e studentëve, ndryshe nga Bashkimi Europian që sugjeroi dialog mes qeverisë dhe studentëve. 

Me ndryshimet që bëri në kabinet, kryeministri Rama shqepi praktikisht qeverinë si të kishte në dorë gërshërën e rrobaqepësit, zanat që siç ka thënë do ta ushtrojë pasi të ketë dalë nga politika.  

Si amator kuptohet, ashtu siç ka vepruar edhe në politikë, qoftë me qeverisjen ashtu edhe me njerëzit që vuri në karriget e ministrave.

Kjo jo vetëm për faj të tij, por edhe të partisë që e prezantoi si flamurtar të ndryshimit të madh, të cilin e nisi që nga bezja e flamurit, duke i theksuar ngjyrën nga rozë në pink, gjithmonë me të njëjtën perspektivë atë të stilistit.

“Kemi bërë gabime dhe kemi nevojë të vetëkorrigjohemi tha kryeministri Rama pas një mbledhje të kryesisë së PS pak ditë më parë”. Nuk është një fjali që Edi Rama do ta thoshte me kaq përulësi nëse shifrat që i kanë dhënë në dorë për mbështetjen e elektoratit nuk do ishin në kuota alarmante.

Reflektimi që me shumë gjasë do shoqërohet me këputje kokash në kabinet është  thjesht një përpjekje publiçitare për të rikuperuar imazhin e një partie që ka firo të mëdha në popullaritet vetëm 1 vit pas fitores së zgjedhjeve.

Nuk firmos pa dialoguar thoshte kryeministri Rama në takimet e improvizuara me freshistë që mblidheshin në sallat e auditorëve për t’u prezantuar si përfaqësi studentësh që nuk kishin zgjedhur gjuhën e rrugës por të komunikimit.

Para disa javëve kritikun dhe popullarizuesin e njohur të artit dhe sidomos pikturës, Vittorio Zgarbi të vinte në Tiranë. Të takohej me kryeministrin Edi Rama që vdes të përmendet si artist në rrethe të tilla dhe më vonë një status të Zgarbit që shkruante se Shqipëria është një vend më i mirë përderisa drejtohet nga një artist.

Edi Rama nuk bën shaka. Sidomos tani që çelësat i Ministrisë së Brendshme i dredh një gjeneral ushtrie, njëkohësisht edhe ish-këshilltari i tij i sigurisë, zoti Sandër Lleshaj. Zyra për shtyp e zotit Rama përcolli një tjetër trill propagandistik përmes ERTV-së ku shfaqi pritjen që  kryeministri i rezervoi oficeres së patrullës Shqiponja, Ina Nuku, e cila dëmtoi duart nga kapsolla që hodhën banorët e Unazës së re në Protestën e 22 Nëntorit para parlamentit.

Pa marrë asnjë përgjegjësi për atë që ka llomotitur pa doganë kur kërkonte votat si aspirant për kryeministër Edi Rama pranoi publikisht se ka gënjyer për buxhetin e arsimit, të cilin e kishte premtuar se në vitin e parë të mandatit do e çonte në nivelin 5% të GDP-së.

Ai u tha këtë të enjte  studentëve të arkitekturës se e ka patur si pikë të programit të vitit 2013 buxhetin 5% të arsimit,  por nuk mund ta përmbushë në terma afatshkurtër.