Qeveria

Edhe informaliteti kaq e pati si kauzë: rezultatet e aksioneve represive të qeverisë nuk janë optimiste. Për muajin tetor nga të dhënat paraprake të Ministrisë së Financave, rezulton se qeveria arkëtoi 31.6 miliardë lekë të ardhura, 4.5 miliardë lekë më pak se sa plani i rishikuar i këtij muaji që qe 36.2 miliardë lekë.

Pro qeverisë aktuale shqiptare, para dy vjetësh, votuan plot 1 milion zgjedhës (680 mijë votuan për qeverinë e mëparshme dhe rreth 480 mijë zgjedhës që banonin në Shqipëri nuk votuan fare ose votuan për parti e kandidatë jashtë koalicioneve).

Një herë në kaq kohë Dritëro Agolli nuk harron të japë intervista që nga Partia Socialiste shihen si të vërtetat e një plaku të moçëm që rri ende në shpellën nga ku merr frymëzim ideali i majtë. Edhe vërejtet që ai ka për qeverinë dhe kryetarin e partisë nuk mund të shihen veçse si kritika të shëndosha. Në një intervistë për gazetën "Panorama" duke komentuar aksionin e qeverisë në luftën kundër informalitetit, ai thotë se beson tek kryeministri Rama, por sipas tij kjo punë është marrë me "yrysh" të madh.

Qeveria po mbetet e vetme në betejat e saj për rritjen ekonomike dhe punësimin. Arritja e marrëveshjes me FMN për një mbështetje të re buxhetore, apo vlerësimi pozitiv i kompanive të vlerësimit, Moody’s dhe Standard & Poor’s, megjithëse e kënaqën pa masë qeverinë se arriti të marrë një Eurobond prej 450 milionë eurosh dhe interes, relativisht të mirë, nuk ngjallin shumë shpresë te popullata.

Tashmë janë shumë të paktë ata që besojnë se viti 2015 ishte vit i suksesshëm për financat e vendit, por edhe për qeverisjen. Vetëm në verë, qeveria u detyrua të shikonte me ulje planin e të ardhurave, të cilin e shoqëronte me argumentet se përse plani i mëparshëm nuk ishte realizuar. Kështu edhe në shtator. E po të besojmë ish-kryeministrin Sali Berisha, Ministria e Financave ka ndërmend të rishikojë sërish me ulje planin e të ardhurave. Kësaj radhe çarja ka ardhur nga Doganat.

Në filma thriller, fajtori, pothuajse asnjëherë nuk është i dyshuari kryesor. Këto 25 vite lufta kundër korrupsionit është kali i garës për çdo aspirant kryeministër. Gjithashtu është i dyshuari numër një si pengesa që ky vend te arrij ëndrrën evropiane dhe prosperitetin. Pas shumë fjalimeve, orëve të harxhuara në përmirësimet e ligjeve, konferencave nga njerëz seriozë me kollare te 15 katëshi, fjalimeve të mprehta në shqip dhe jo shqip të ambasadorëve, pyetja ngelet: cilat janë rezultatet? A jemi më të pasur? A jemi pjesë e Evropës? A jemi sot me të sigurtë?

Sot dita politike u hap me një “desantim” të  befasishëm të kryeministrit në Drejtorinë e Doganave, i cili zgjati 7 minuta kohë dhe u shoqërua me shkarkimin e tre drejtorëve. Arsyet siç u thanë janë performanca e munguar dhe rezultatet e dobëta. Natyrisht ky still alla Mehmet Shehu nuk është shumë i përshtatshëm, pasi më mirë një ndërhyrje shoqëruar me një analizë që pasqyron edhe reflektim, sesa një sosje durimi që afirmohet me kësi lloj urdhërash. Megjithatë ky tashmë është fakt i cili ndoshta, por ndoshta është një lëshim “për impulse të reja” që po i bëhet aleatit në qeverisje.

Qeveria tregoi sot fytyrën e mirë, atë fytyrë që njeriu e bën zakonisht kur ka një hall të madh. Deklaroi se nuk ka rritje taksash, madje duke ulur taksat për biznesin e vogël, të cilin e masakroi për 2 muaj me radhë. Qeveria premtoi sot në formën e një lajmi se nuk do të ketë më kontrolle nga inspektorët tatimorë, duke pranuar pa dashje, se vizitat e këtyre xhandarëve të fiskut kanë qenë pjesë thelbësore e problemit.

Pyjet, mjedisi në tërësi, prej kohësh po kapitalizohen si burime ekonomike edhe në Shqipëri. Mjerisht pa një strategji dhe shpesh duke shkaktuar dëme. Jamarbër Malltezi, kreu i Departamentit për Ambientin, Pyjet dhe Turizmin i Partisë Demokratike, në një intervistë për “ResPublica.al”, akuzon zyrtarë të lartë të qeverisë, duke argumentuar sipas tij paaftësinë e tyre dhe mungesën e qartësisë në punët e ndërmarra. Duke folur për lejet ndërtimore, Malltezi akuzon kryeministrin për klientelizëm.