Qeveria

Shqipëria ka marrë mirënjohjen e Sekretarit amerikan të Shtetit, Xhon Kerry për strehimin e muxhahedinëve. Në një konferencë në Uashington, Kerry foli për një traditë të shqiptarëve në pritjen e grupeve vulnerabël.

Qeveria është e bindur se deri në fund të mandatit do të arrijë objektivin për hapjen e 300 mijë vendeve të punës. Ministri i Financave, Arben Ahmetaj tha në një bashkëbisedim me gazetarët  se këtë e vërtetojnë stastikat dhe pritshmëritë që qeveria ka. “Debati  fantastik ky për rritjen e punësimit. Po e mbajmë premtimin, në sektorin jobujqësor  janë me bordero 173 mijë vende pune, ndërsa  në sektorin bujqësor do kemi një shifër më të maturuar në fund të vitit”-deklaroi Ahmetaj.

Qeveria zgjodhi një ditë simbolike si ajo e Kurban Bajramit për të legalizuar 35 xhami në Qarkun e Durrësit. Ministrja e Zhvillimit Urban, Eglantina Gjermeni e shoqëruar nga drejtori i ALUIZNI në Durrës, Flamur Gjuzi, kryebashkiaku Vangjush Dako dhe deputetë të qarkut, i dorëzuan lejet e legalizimit myftiut të Durrësit.

Në fund të muajit shtator të këtij viti do të jetë gati formula e llogaritjes dhe se zbatimi i taksës së re të banesave që nis në fillim të 2017-s, si projekt pilot në Tiranë. Në një letër drejtuar FMN-së, ministri i ri i Financave Arben Ahmetaj shprehet edhe për ngritjen e një grupi pune të përbashkët mes zyrës të regjistrimit të pasurive dhe shoqatës të vendorëve raporton Panorama.

Ndryshe nga opozita apo faktorë të tjerë në vend Fondi Monetar Ndërkombëtar thotë se ekonomia e vendit po rimëkëmbet.  Në raportin e fundit mbi gjendjen e ekonomisë shqiptare Fondi Monetar Ndërkombëtar nënvizon se ekonomia është në linjë me parashikimet dhe se financat publike të vendit kanë nisur të përmirësohen. Sipas FMN “Rritja ekonomike po përshpejtohet, ndërsa borxhi publik ka filluar të ulet nga piku i vitit 2015”.

Marrëveshja për strehimin e muxhahedinëve iranianë është padiskutim karta më e fortë e stabilitetit për qeverinë, e cila negocioi më shumë për veten sesa për një perspektivë më afatgjatë të raporteve mes SHBA-ve dhe Shqipërisë. Një grup prej 280 personash është nisur dje nga kampi Liria në Irak drejt Shqipërisë, duke e çuar në 3200 numrin total të muxhahedinëve në vendin tonë.

Pasi iku nga ministër i Jashtëm me motivin se ishte lodhur, pasi bëri kritikun e mërzitur nga media “të majta” ndaj qeverisë së Sali Berishës dhe mandej PD-së në opozitë, Besnik Mustafaj është rikthyer në politikë. Atij ja kanë hapur derën në një parti opozitare si PD-ja, e cila është në nevojë të madhe për çdo lloj ndërhyrjeje që jep idenë e ndryshimit dhe çon në fitimin e kohës. Është një rikthim si ai i Eduard Selamit, që pasi u përfol gjatë si një politikan me kushedi se çfarë kapacitetesh, provoi se në fakt është thjesht një anonim i keqkuptuar qëllimisht nga media.

Me kalimin e reformës në drejtësi dhe sidomos të ligjit të vettingut, ka një mësymje propagandistike që e vendos qeverinë në pozicione epërsie të padiskutueshme për zgjedhjet. Pozicione që duken edhe më të logjikshme kur sheh sesi Ilir Meta e la masazhin me Arjanin e hotel “Grand” dhe iu drejtua për ndihmë masazheve nga kryeministri.

Këtë të mërkurë Spanja do të vendosë nëse do t’i drejtohet sërish zgjedhjeve parlamentare për herë të tretë brenda një viti. Kryeministri aktual, Mariano Rajoy pritet të përballet me një mocion besimi në Parlament, pasi nuk ka arritur të krijojë shumicën e nevojshme për të qeverisur. Spanja ka 3 muaj pa një qeveri efektive që nga zgjedhjet e qershorit, që u zhvilluan edhe ato pas zgjedhjeve të dhjetorit.

Mënyra sesi Partia Demokratike po bën opozitë me një seri deklaratash nga selia, shumica e të cilave janë kthyer në recitime pa vlerë për shkak të shpërdorimit që i bëhet fjalës, zhvlerëson edhe ato problematika serioze që artikulohen nga partia kryesore opozitare.

Sot koordinatori i PD-së, Ervin Salianji denoncoi zvarritjen e punimeve në rrugën nacionale Korçë-Ersekë, e cila sipas tij është prej 3 vitesh në gjendjen që nisi investimi. Kjo rrugë  rrugë nacionale lidh më shumë se 20 mijë banorë të rrethit të Kolonjës me Korçën.