Qeveria

Partia Demokratike i kërkoi qeverisë të bëjë transparente kontratën për ndërtimin e një Porti të Ri në Karpen të Kavajës, investim që llogaritet në 5 miliardë dollarë. Por opozita hedh dyshime se pas këtij projekti fshihen interesa klienteliste të qeverisë. "Fillimisht, Edi Rama ia dha këto 1700 hektarë kompanisë “Star Bridge Port Development Ltd”, me qendër në Britani, e cila rezultoi me një kapital prej 100 paundësh. Ia dha kompanisë me 100 paund, me ca copa letrash ku flitej për ndërtimin e një kompleksi laraman, me lloj lloj objektesh të planifikuara aty.

Qeveria ka parashikuar 8 rrugë kombëtare për t’i kthyer me pagesë. Strategjia e taksimit të rrugëve të hartuar nga BERZH-i rekomandon se tarifa që duhet të paguajnë qytetarët varion nga 0,5 euro cent në 3,5 euro cent për kilometër.
Në strategji rekomandohet që aplikimi i taksimit për koncesionin e rrugëve të zhvillohet gradualisht, në 3 faza. Për zbatimin e menjëhershëm, rekomandohet vendosja e taksës në rrugën Tiranë-Durrës, Tiranë- Elbasan dhe Rruga e Arbrit, e cila ende nuk ka përfunduar, shkruan Panorama.

Presidenti i Nishani dekretoi këtë të martë ndryshimet kushtetuese per Reformen ne Drejtesi. Pas këtij dekreti do të duhen të paktën 15 ditë pas botimit në Fletoren Zyrtare që parlamenti të nisë me miratimin e 7 ligjeve që janë pjesë e paketës.

Por Top Channel raporton se Delegacioni i Bashkimit Europian në Tiranë ka kërkuar në rrugë jozyrtare miratimin e ligjit të “vetting”-ut brenda muajit korrik, për shkak se mund të digjej një fond i akorduar nga Bashkimi Europian.

Gjigandët e internetit si Netease, Sina dhe Sohu morën urdhër të hënën nga qeveria kineze të ndërpresin publikmin e artikujve me përmbajtje politike dhe shoqërore që nuk kanë si burim agjencitë shtetërore të lajmeve.
Në urdhër thuhet se përfaqësuesit e së ashtuquajturës gazetari e pavarur, të cilët kanë ndikim të fortë në publik kanë shkelur rregullat dhe kanë manipuluar informacionin.

Kryeministri serb, Aleksander Vuçiç, ka lënë të hapur mundësinë që dikush tjetër përveç tij mund të iniciojë krijimin e qeverisë së re. “Do të përpiqem për krijimin e qeverisë së re shpejt, nëse nuk ia dal, nuk e përjashtoj mundësinë që dikush tjetër ta bëjë këtë gjë. Kemi probleme, nuk bëhet fjalë për teka. Ka disa gjëra për të cilat nuk mund të flas. Nuk dua të formoj një qeveri kundër së cilës do isha edhe vetë”, tha Vuçiç të shtunën pas një vizite në kazermat ushtarake në Pançevo.

Viti zgjedhor 2017 do të shënojë një rritje të fortë të shpenzimeve qeveritare për investime publike. Këshilli i Ministrave ka miratuar buxhetin afatmesëm 2017-2019, ku bie në sy se shpenzimet për rrugë, shkolla, ujësjellës e kanalizime do të rriten me 8.5% vitin e ardhshëm.
Për të tre vitet e qeverisjes së koalicionit shpenzimet për vepra publike kanë qenë mjaft të ulëta. Viti 2016 shënoi edhe kuotën më të ulët të tyre për 6 vitet e fundit, duke qenë se shpenzimet kapitale ranë në 59 miliardë lekë.

Në ditët që do të vijnë, ka gjasa të mëdha qe Berisha, Basha etj. të mundohen të bindin publikun, se falë qëndresës së tyre, Rama u tërhoq nga një draft i reformes ne drejtesi, që kishte këtë e atë të keqe.

Në fjalimin që mbajti Rama pas takimit të tij me Metën e Bashës, theksoi me forcë tri herë se është i bindur që më 21 korrik do të arrihet konsensusi i të paktën 2/3 të deputetëve të Kuvendit (94), për të votuar një reformë në drejtësi të pranueshme për partnerët euroamerikanë. Duke ditur se PS-ja dhe aleatët e saj të vegjël mund të mos kenë në Kuvend as 71 vota, i bie që në llogaritë e Ramës të jenë edhe 20 votat e Metës, i cili i kërkoi dje Ramës t’ia lërë vendin një kryeministri teknik.

Qysh nga janari i këtij viti, 55-sa e 88-ta (sipas kësaj rradhe kronologjike), ishin numrat që i dëgjonim përditë. Bëhat fjalë për rekomandimet 55 dhe 88 të Komisionit të Venecias rreth reformës në drejtësinë shqiptare. Por qysh kur Meta kërkoi që, fill pas votimit të një reforme të dakordësuar në takimin e pritshëm Lu-Vlahutin-Rama-Basha-Meta,  të krijohet një qeveri teknike, numri 71 është bërë numri më i përhapur në faqet e gazetave shqiptare (në internet e në letër).

Qeveria shqiptare ka vendosur t’u falë borxhet bizneseve, shuma e të cilave shkon në total në rreth 400 milionë dollarë.

Burimet nga Ministria e Financave bëjnë me dije se do të falen borxhet që bizneset kanë në tatime dhe dogana para vitit 2011. Projektligji parashikon të fshijë të gjitha gjobat, kamatvonesat dhe detyrimet, nga data 31 dhjetor 2011 dhe poshtë, pra 2011, 2010, 2009, 2008”.