ps

Data 9 prill sjell në skenën politike të Shqipërisë, mbajtjen e referendumit të PS. Ka gjasa të shumta që referendumi do të jetë thjesht dhe vetëm një formalitet. Vetë kongresi i kësaj partie, mbajtur më 19 mars të këtij viti, formalizoi me unanimitet të plotë statutin e ri, madje me votim të hapur dhe spektakolar, mbi 99 %, gjë që gati e kishim harruar. Delegatët e shumtë në Pallatin e Kongreseve, ngrinin duart sa më lart që të ishte e mundur, për të dhënë votën e tyre dhe pastaj, nga presidiumi numëroheshin kartonat.

Partia Demokratike nxori sot në një deklaratë për shtyp, zëdhënësen e vet, Ina Zhupa, e cila bëri një denoncim të ri. Tha Zhupa: “Pasi ka shtënë në dorë çdo vend pune, çdo tender, çdo licensë, çdo tokë e truall, çdo plazh, çdo burim fitimi, me dekret të posaçëm të Edi Ramës, Koço po bëhet gati të fusë në kthetra dhe kalanë e Porto Palermos, dhe kjo është arsyeja pse Ministria e Kulturës vendosi ti japë me qira këto objekte të trashëgimisë kulturore”. Ministria e Kulturës ka paraqitur një projektligj për këtë çështje.

Ben Blushi ka deklaruar sot se procesi referendar në Partinë Socialistë është i trukuar. Fakti që nuk ka fushatë e provon një fakt të tillë dhe për këtë arsye, kongresi i fundit konfirmoi vrasjen e të drejtës së votës në PS. Nga data e referendumit mbeten vetëm 10 ditë, por nga sa është përcjellë në media, asgjë nuk është bërë për të lobuar mbi anëtarësinë socialiste.

Pas lajmeve të tipit “Strazimiri drejt burgut” dhe kallëzimit penal për të nga PS-ja, një ekip i ngushtë drejtues i kësaj të fundit është mbledhur me urgjencë dhe ka vendosur komunikim direkt me Lulzim Bashën.

Arsye është shmangia e arrestimit të Strazimirit, deputetit i dyshuar se mbante një armë gjatë protestës te Parku i Liqenit, pasi kjo do të konsumonte mendimin që po ngjizet se reforma në drejtësi do të çojë në pranga Doktorin, qoftë edhe për një ditë, pasi...arrestimi i një deputeti është arrestim i një deputeti. Dhe nuk mund të digjet momentumi për një arsye kaq banale.

Arben Malaj ka dhënë sot një intervistë për gazetën “Panorama” ku prononcohet për debatet në Partinë Socialiste, për vendimet e Kongresit, referendumin dhe çështjen e zgjedhjeve. Thotë Malaj: “Referendumi ka legjitimitetin e votës mbështetëse të Kongresit. Ballafaqimi i alternativave për të cilat do të votohet nuk duhet të jetë një luftë e përditshme mediatike. Aksesi mediatik i Kongresit, si edhe diskutimet dhe debatet televizive rreth tij kanë krijuar mundësinë që votuesit të jenë të informuar për argumentet pro dhe kundër.

Berlusconi është i majtë dhe i preferuar nga disa anëtarë të FRESSH-it, që pranojnë të flasin për kamerën e emisionit “Stop”. Por edhe sikur kjo të jetë një padije e gjeneratës së re, nuk mund të mos të respektosh veten dhe të habitesh(akoma) kur të rinjë që ende nuk kanë mbushur 22-23 vjeç kanë idhuj brend radhëve të partisë. Kryevepra është përgjigja ndaj pyetjes: “Pandeli Majko dhe Ilir Meta dolën nga FRESSH dhe u bënë kryeministra. Po ju?” Përgjigja: “Ku i dihet!”. E vërtetë, ku i dihet në këtë vend!

Në emisionin e mbrëmshëm të Sokol Ballës në Top Channel, Ben Blushi bëri shumë kritika ndaj Edi Ramës, si kryeministër dhe si kryetar i PS-së. Ndërkohë që disa kritika të tij mund të jenë të drejta e disa të tjera mund të hanë debat, njëra ishte shumë, shumë demagogjike – ai e kritikoi qeverinë Rama për diçka që ka votuar vetë tre herë.

Blushi e kritikoi qeverinë Rama se e ka rritur borxhin publik me 1.6 miliardë euro.

Baza e PS-së, e thërritur në një referendum për mandatin e kryetarit të partisë do t’i japë zgjidhje debatit të madh për mandatin e Ramës, duke iu përgjigjur vetëm një pyetje.
“A e konfirmoni nenin që ka të bëjë me modalitetet për zgjedhjen e kryetarit?”, kjo është pyetja e formuluar që do të jetë e shkruar në fletën e referendumit, thërritur në datën 9 prill. Pikërisht kësaj pyetjeje do t’i japë përgjigje baza, sigurisht me një pohim apo mohim, duke i dhënë rrugë edhe cështjes së mandatit të Ramës në krye të partisë.

Kongresi i Partisë Socialiste përfundoi dhe ovacionet në kësi rastesh janë të pashmangshme nga ata që janë pjesë e tij. Shpresa se analizën reale do ta bëjnë ata që kanë përvojë në këto punë e zhbën disi një intervistë e Servet Pëllumbin për gazetën “Dita”, sipas të cilit Kongresi e çon PS-në në drejtimin e duhur. “U konfirmua një mbështetje e fuqishme për këtë mazhorancë qeverisëse dhe për reformat e thella që ajo ka ndërmarrë.

Kongresi i Partisë Socialiste u mbyll pa supriza. Propozimi i kryetarit Edi Rama që anëtarësia të shkojë në referendum për të interpretuar statutin në lidhje me zgjedhjen e kryetarit u hodh në votë nga sekretari i Përgjithshëm, Gramoz Ruçi,dhe u miratua në shumicë nga delegatët. Rama foli për një skenar  dhe axhendë personale të Ben Blushit që sipas tij ka për qëllim rrëzimin e qeverisë, ndërsa vetë Blushi deklaroi se çdo referendum që synon të zëvendësojë zgjedhjet është nul.