prona

Nuk kam dëshirë të fokusohem shumë tek trajektorja nga lartë-poshtë e problemeve, se sa tek trajektorja nga poshtë-lartë dhe nga majtas-djathtas dhe anasjelltas. Nuk janë të largëta shqetësimet në një vend ku, nga më i rëndësishmi i personaliteteve tek më patetiku i fukarenjve, preferojnë që kohën produktive, atë kohë që u përket atyre, përpos ngarkesave të rutinës së gjithsecilit, ta shpenzojnë vetëm duke u gostitur. Ky është argëtimi dhe qëllimi i padiskutueshëm i qënies: Ngop barkun!

Para tri ditësh u publikuan në media disa debate në Grupin Parlamentar të Partisë Socialiste mes deputetes Arta Dade dhe ministrit të Brendshëm, Sajmir Tahiri(http://www.respublica.al/2015/12/03/tani-ankesa-për-moszbatim-ligji-edhe-nga-deputetë-të-ps-së-dade-flet-për-ndërtim-pa-leje). Shkak është një ndërhyrje në pallatin e deputetes nga një person që sipas saj "ka financuar fushatën dhe ka lidhje Lart".

“Panorama” raporton sot për një debat të një lloji tjetër nga ato që zhvillohen prej dekadash në Grupin parlamentar të Partisë Socialiste. Deputetja Arta Dade i ankohet ministrit të Brendshëm, Saimir Tahiri për një ndërtim, sipas saj të paligjshëm, që një person po kryen në pallatin ku ajo jeton. Për ata që e kanë në kurriz këtë përballje skenari është i njëjtë: banorët denoncojnë, plicia paraqitet, personi paraqet lejen nga bashkia. Edhe prokuroria mban të njëjtin qëndrim. Kështu pra edhe ministri i Brendshëm, i cili ka ngritur duart lart duke thënë se “personi ka leje”.

E drejta e pronësisë në Shqipëri gjatë këtyre 25 vjetëve jo vetëm që nuk ka gjetur zgjidhje të drejtë ligjore, por moskthimi i pronës pronarëve të shpronësuar, ka ushqyer korrupsionin politik dhe ekonomik. Marrëdhënia e pronarëve shqiptarë me shtetin e tyre është analizuar në dhjetëra vendime të Gjykatës Kushtetuese, Gjykatës së Lartë dhe Gjykatës së të Drejtave të Njeriut në Strasburg.

Premtimet e Lulzim Bashës për taksta, në takimet e shumta që ka zhvilluar së fundmi në disa qytete të Shqipërisë, mund të marrin një vlerë të re dhe mund të rrisin kredencialet e opozitës. Basha ka premtuar rikthim të taksës së sheshtë dhe ulje në përgjithësi të taksave si mundësi dhe rrugë për të nxjerrë vendi nga kriza e tanishme. Vetëm dje u bë e njohur se qeveria me buxhetin e ri ka ndërmend të trefishojë taksën e sigurimit të mikanev, që vjen si pasojë direkte një ndërhyrjeje për taksat e shoqërive të sigurimit dhe taksën e pronës.

Problemi i shkuarjes së tokës tek i zoti, në Shqipëri, është më kardinali më problematiku, një ndër shkaqet më kryesore që ka sjellë dhe po thellon hendekun midis të pasurve dhe të varfërve. Ndonëse dijenia e pushtetit mbi këtë çështje kardinale është evidente, rruga për të “shëruar” këtë sëmundje bëhet jo me medikamentin e përshtatshëm kurues, por me ilaçe “të skaduara”, duke kryer kështu “premtimin” e radhës.

Do të zgjidhim për 10 vjet problemin e pronës. Kështu premton qeveria aktuale me projektligjin e ri që ka miratuar. Më tej, ngrihet edhe një Task Force, e cila do ruajë tjetërsimin e titujve të pronësisë nga vendime gjykatash që janë shpallur armike. Më e komplikuar se kaq vështirë të jetë situata për pronën. Ligji i ri po trumbetohet shumë, por ai ka një hile të trashë dhe prepotente brenda sa kohë që njeh kompensim sipas zërit kadastral në momentin e shpronësimit. Por me sa duket ligji ka edhe probleme të tjera.

Kjo është fjala e kryeministrit Edi Rama, sot në Vlorë, me rastin e nënshkrimit të marrëveshjes ndërinstitucionale për mbrojtjen e pronës. Krijon një farë pështjellimi marrëveshja kur për këtë ka ligje. Fjala e Kryeministrit ka rëndësi, pasi aty gjyqtarët shpallen palë kundërshtare. Po e përcjellim fjalën të plotë nisur nga rëndësia që përfaqëson në kontekstin e angazhimeve të kësaj qeverie, për pronën, por edhe në raport me gjyqësorin:

Nënshkruhet në Vlorë marrëveshja ndërinstitucionale për bashkëpunim në mbrojtjen e pronës private. Të pranishëm në ceremoninë e nënshkrimit të marrëveshjes ishin krerët e institucioneve Policia e Shtetit, AKKP, Prokuroria e Pergjithshme, Avokatura e Shtetit, si dhe kryeministri Edi Rama. Shefi i qeverisë theksoi se marrëveshja garanton një bashkëpunim të përditshëm, për tu hedhur në kundërsulm ndaj grabitësve dhe falsifikatorëve të pronës.

Të 13 fshatrat e bregdetit të poshtëm të rivierës shqiptare, përfshirë në ish- komunën e Lukovës tani pas hartës së re administrativo-territoriale, përfshihen në njësinë vendore të Bashkisë së Himarës, ku në njëfarë mënyre u hoq edhe muri ndarës në pikpamjen gjeografike: bregdet i sipërm dhe bregdet I poshtëm. Këto fshatra rënkojnë nën peshën e braktisjes, vetmisë dhe heshtjes në shpresën e pritjes. Dhe duket se kjo heshtje, pritje dhe shpresë janë banore të hershme të tyre.