Presidenca

Shqipëria që nga sot gjendet përballë një situate të ndarjes në mes të shtetit, zyrtarizuar kjo nga qëndrimi publik i Presidentit të Republikës, Ilir Meta. Nuk është puna te deklarimet dhe komentet e tij për ambasadorë të huaj, që po e marrin në qafë këtë vend, as edhe për mungesën e dialogut me kryeministrin, të cilin e akuzoi si të kapur. Çështja kryesore zbardhet nga mesazhi i lexuar nga Meta, sipas tij shkruar nga kryeministri Rama që ka kërcënuar se PD-ja pas zgjedhjeve lokale nuk do ketë më kryetar Lulzim Bashën dhe se LSI-ja do të zhduket nga skena.

Zusana Caputova është shpallur presidentja e parë femër në historinë e Sllovakisë. Ajo ka fituar zgjedhjet, ndonëse nuk ka patur thuajse fare përvojë politike, përballë diplomatit të lartë Maros Sefcovic, i nominuar nga partia në pushtet. Zgjedhjet në Sllovaki pasuan vrasjen e një gazetari investigativ vitin e kaluar, Jan Kuciak. Presidentja e sapozgjedhur ka deklaruar se ajo vendosi të kandidojë për shkak të kësaj vrasjeje dhe në fakt ja ka dalë duke fituar 58% të votave.

Fotoja kryesore bashkëngjitur tregon pamjet e mbrëmjes së sotme të Urgjencës së Tiranës, ndërtesë që ndodhet pranë stadiumit “Dinamo” në dalje të unazës. Siç shihen dritat janë të fikura, porta e jashtme e mbyllur. Është hera e parë që Urgjenca është e mbyllur pasi megjithë kushtet e papranueshme të saj, ajo përherë ka qenë hapur. Për çdo rast.

E vërteta është se IM është drejtuesi më serioz i opozitës.Kushtetutën e lexon njësoj si ata.Qeverinë e urren njësoj si ata.Rrëmujën e uron njësoj si ata.Po ndryshe nga ata, ai i ul vartësit të mbushin çarçafë me dokrra "ligjore" dhe budallallëkut i del zot gjithnjë shkresërish

Pas takimit me banorë të zonës së Astirit në Tiranë, Presidenti i Republikës ka dalë me këtë qëndrim:

Presidenti i Republikës, e ka ndjekur me vëmendje dhe shumë shqetësim situatën konfliktuale të krijuar midis banorëve dhe autoriteteve publike përgjegjëse për shkak të realizimit të projektit të zgjerimit të segmentit rrugor “Rehabilitimi i segmentit rrugor mbikalimi i Pallatit me Shigjeta – Rrethrrotullimi i sheshit “Shqiponja”.

Sarah Sanders, zëdhënëse e Shtëpisë së Bardhë, në një intervistë për rrjetin televiziv CBN pohoi se jo vetëm është në gjendje të dijë dëshirat e të Plotfuqishmit, por edhe se presidenca Trump ishte vullnet i Perëndisë.

"Perëndia na thërret që të marrim role të ndryshme në kohë të ndryshme dhe mendoj se Zoti donte që Donald Trump të bëhej President. Kjo është arsyeja pse është këtu. Unë mendoj se ai ka bërë një punë të madhe, duke mbështetur shumë nga çështjet e kujdesit për njerëzit që e besojnë ... "- ka theksuar Sanders.

Milo Gjukanoviç do të kandidojë sërish për president të Malit të Zi. Ai ka njoftuar dje se do të marrë pjesë në votimet e muajit të ardhshëm.

Lëvizja e tij është thuajse e paprecedentë në Ballkan. Gjashtë herë kryeministër, një herë president, tre dorëheqje nga politika. Gjukanoviç rikthehet kësaj radhe me velin e një properëndimori të vendosur, por edhe të dikujt që ofron garanci se di të sit ë mbajë pushtetin në një vend që ka qenë pikë kritike e përplasjes Rusi-SHBA.

Siç u bë e njohur, pak ditë më parë, kryeministri i Shqipërisë, Edi Rama zhvilloi një takim në presidencë me kreun e Shtetit, Ilir Meta. Mediat raportuan se të zyrtarët biseduan për çështjen e negociatave me Greqinë dhe marrëveshjen e detit, për të cilën Meta ende nuk po jep autorizimin.

Redaksia e “Të Kripura” ka arritur të shtjerë në dorë pjesë nga transkripti i bisedës që ka qenë shumë e rezervuar.

Rama: Ka ndonjë çikë punë këtu?

Meta: Pse, ke ndërmend ta provosh?

(Qeshin të dy)

Ilir Meta vazhdon edhe në Presidencë të luajë “politikë” me teknikën e tij të preferuar, e me gjasë të vetmen që di, të “zbulimit me luftim”, ku lufta e vetme që përdoret është thashethemi. Thashethemi si mënyrë për të njoftuar tjetrin se “shiko se çfarë do bëj unë”, ndaj hajde të flasim.

Sot është bërë publik lajmi se Ministria e Jashtme i ka dorëzuar Presidentit të Republikës kërkesën për marrjen e plotfuqisë për negociatorët që do të përfshihen në bisedime me Greqinë. Fjala është për marrëveshjen e detit, që kërkon ekspertizë teknike.

Kërkesa për plotfuqinë është ligjore, por ajo rrjedh edhe nga vendimi i Gjykatës Kushtetuese. Kemi të bëjmë pra me kompetenca të Presidentit që ka tagrin për të dhënë autorizimin e negociatave.