negociatat

Pas turit të vizitave të tij në vendet e Ballkanit kryetari i Komisionit tё BE-sё Jean-Claude Juncker, cilësoi Shqipërinë si një ndër vendet ku duhen bërë më shumë përparime për shkak të problemeve me krimin e organizuar dhe korrupsionin. Në një intervistë për Deutsche Ëelle, Juncker foli hapur për sfidat e Tiranës.

Kryeministri i Shqipërisë ia doli dhe njëherë të bëjë të keqkuptuarin para të huajve, duke i faturuar medias intepretime të cilat mbajnë autorësinë e tij. Ka qenë vetë ky zotëri që në nëntorin e vitit të kaluar në një intervistë për gazetën austriake, “Standard”, akuzoi Brukselin se po favorizon Serbinë dhe Malin e Zi në proceset integruese, siç lexohet në përgjigjen më poshtë.

Standard: A prisni një ndryshim të kursit në strategjinë e zgjerimit?

Për negociatat mbi kufirin detar ka një lloj akuze se mungon transparenca, ndonëse palët kanë folur për parimet mbi të cilat po diskutohet, që është ai i barazlargësisë dhe barazisë së interesave, çka deri më tani duket se lë të dyja palët të kënaqura.

Ka një merak nga skeptikët se populli nuk është përfshirë në negociata. Nga njëra anë presidenti shqiptar kërkon harta dhe piketa, ndërsa opozita greke kërkon sqarime teknike. Paralele që ngrihet më shumë mbi parashtrime populiste sesa shqetësime të bazuara në argumenta.

Gazeta gjermane “Die Welt” i kërkoi  Komisionerit për Zgjerimin, Johanes Hahn një vlerësim se kur Shqipëria dhe Maqedonia do të marrin ftesën për hapjen e negociatave me Bashkimin Europian. Pavarësisht skepticizmit, Brukseli duket se do të japë dritën jeshile në verë, të paktën sipas projeksioneve të zyrtarit të lartë europian.

Nëse hapja e negociatave nuk ndodh në Qershor, atëherë kjo çështje mund të shtyhet për në fund të vitit. Kështu deklaroi kryeministri Rama në intevistën e dhënë për Mustafa Nanon në Abc News.

“Unë kam shumë besim se nëse nuk ndodh ndonjë gjë, po themi që sot, ne nuk e dimë, diçka e paparashikueshme, negociatat do të hapen. Çështja është nëse ne do të arrijmë t’i bindim vendet anëtare dhe nëse vendet anëtare do të kenë disponimin e plotë për t’i hapur negociatat në Qershor apo nëse kjo mund të shtyhet për në fund të vitit”- u shpreh kryeministri, Edi Rama.

Shqipëria dhe Maqedonia mund të marrin datën për fillimin e bisedimeve të pranimit në BE gjatë presidencës bullgare në qershor.

Kjo u njoftua në fund të një takimi dy-ditor jozyrtar të Ministrave të Jashtëm të BE - së Komisionerit të Lartë për Punë të Jashtme Federica Mogerini dhe Ekaterina Zaharieva.

Sipas raporteve të medias bullgare, ministrat e jashtëm evropianë diskutuan dokumentin e përgatitur nga Komisioni Evropian dhe vendet kandidate - duke përfshirë Maqedoninë, Shqipërinë, Serbinë dhe Malin e Zi.

Ilir Meta vazhdon edhe në Presidencë të luajë “politikë” me teknikën e tij të preferuar, e me gjasë të vetmen që di, të “zbulimit me luftim”, ku lufta e vetme që përdoret është thashethemi. Thashethemi si mënyrë për të njoftuar tjetrin se “shiko se çfarë do bëj unë”, ndaj hajde të flasim.

Sot është bërë publik lajmi se Ministria e Jashtme i ka dorëzuar Presidentit të Republikës kërkesën për marrjen e plotfuqisë për negociatorët që do të përfshihen në bisedime me Greqinë. Fjala është për marrëveshjen e detit, që kërkon ekspertizë teknike.

Kërkesa për plotfuqinë është ligjore, por ajo rrjedh edhe nga vendimi i Gjykatës Kushtetuese. Kemi të bëjmë pra me kompetenca të Presidentit që ka tagrin për të dhënë autorizimin e negociatave.

Qeveria greke nuk ka ndërmend të heqë dorë nga negociatat për emrin e Maqedonisë, pavarësisht protestave masive të ditës së djelë. Mininistri i Jashtëm Nikos Kotzias, raportohet të ketë deklaruar se pjesëmarrja nuk ishte e tillë saqë të detyronte qeverinë të rimentonte strategjinë e saj.

Kryeministri Edi Rama ka deklaruar sot para Grupit Parlamentar të Partisë Socialiste se Shqipëria është një hap afër çeljes së negociatavëe të anëtarësimit në BE. Ai ka referuar takimet e zhvilluara në samitin e Davosit ku sipas tij, në kontaktet e marra është konfirmuar nota pozitivie për Shqipërinë, ndërkohë që është cilësuar se vendi ynë “i ka bërë të gjitha detyrat e shtëpisë”.