ligji

Ligji që qeveria shqiptare po harton për minoritetet po asistohet ngushtë nga Bashkimi Europian. Kjo thuhet në përgjigjen që Komisioneri për Zgjerimin, Johannes Hahn i ka kthyer eurodeputetit grek Dimitris Papadimulis, pas shqetësimeve të ngritura prej këtij të fundit për respektimin e të drejtave të pakicave dhe asaj të pronës në Shqipëri. Hahn thotë se Shqipëria është nën mbikëqyrjen e vazhdueshme të Komisionit Evropian dhe vlerëson boshllëqet që dalin në kuadër të procesit të Stabilizim-Asociimit. 

Nisma e presidentit të Kosovës për tranformimin me ligj, të Forcës së Sigurisë në Ushtri të Kosovës, duket se ka jo pak kundërshtarë. Thaçi nuk është tërhequr as pas sinjaleve të ardhura nga SHBA, disa prej të cilave u raportuan edhe në media, e duket se nuk ka ndërmend të kthejë pa provuar votimin në Parlament të ligjit të propozuar, por duke anashkaluar ndryshimin e Kushtetutës. Sot gazeta “Zëri” i ka marrë një prononcim një zyrtari të lartë të NATO-s, emrin e të cilit nuk e bën publik, i cili nënvizon se nisma e Thaçit bart rreziqe për sigurinë.

Greqia ndryshon rregullat dhe kriteret për marrjen e nënshtetësisë. Projekti i ri i diskutuar në komisionet parlamentare parashikon transferimin e kompetencave për këtë procedurë nga Ministria e Emigracionit drejt Ministrisë së Brendshme. 

“Ky shërbim si dhe tri komisionet e natyralizimit (politografisi), do të kalojë në vartësi të sekretariatit të përgjithshëm të zgjedhjeve”, shkruan faqja “albanians.gr”, që citon Radion Athina 9.84. 

Sot ministri i Brendshëm, Sajmir Tahiri ka qenë në universitetin “Alekdandër Moisiu” në Durrës ku ka folur për procesin e popullimit dhe të adresave që nxitet nga ndryshimet në ligjin për Gjendjen Civile. Duke kërkuar të fshehë faktin se pas detyrimit për dhënien e adresës qëndron synim për taksim, ministri ka ofruar seancën e radhës të leksioneve bajate të zakonshme për këtë qeveri:

Shpeshherë na takon të gjithëve ne, përfshi edhe veten, që sa herë të mendojmë a trajtojmë dukurinë e izolimit, vënien nën censurë, kontroll apo edhe një shok psikologjik të kulturës dhe protagonistëve të saj, ta shohim a gjykojmë një fenomen të tillë në raport me të shkuarën.

Të gjithë besoj e dimë atë rrëfenjën biblike të djalit plangprishës. E cila në thelbin e vet na tregon detyrat e një babai që kalojnë nga durimi, maturia, drejtësia që shkon përtej inatit dhe në fund filozofia e saj që na thotë se që ta mbash shtëpinë bashkë, duhet të gëlltisësh disa gjëra. Por ajo na thotë edhe se asnjë baba, asnjë prind, nuk mund të detyrojë fëmijën që të bëjë zgjedhjet që ai do. Ti mund të predikosh gjithfarë gjërash, e sërish fëmija yt të marrë rrugë tjetër.

Gjykata Kushtetuese ka rrëzuar kërkesën e Partisë Demokratike për shpalljen si antikushtetues të ligjit të Vettingut. Disa media raportojnë se dy gjyqtarë kanë votuar pro kërkesës, ndërkohë që gjashtë të tjerë kundër. Do të duhet pritur zbardhja e vendimit për të sqaruar argumentet, por me hyrjen në fuqi të ligjit, merr fund një debat i zgjatur që ka ngarkuar me teprica edhe vlerën e vërtetë të një ligji të tillë. 

Michael Roth, ministri i gjerman i Shtetit për Çështjet e Europës i ka dhënë sot një intervistë të shkurtër Top-Channel. AI është pyetur për “qëndrimin e Gjermanisë në Këshillin e Ministrave të Jashtëm”, aty ku Shqipërisë iu tha “jo” dhe në këtë kuadër Roth e ka ndihmuar qeverinë shqiptare duke ia lënë fajin Austrisë.

Më në fund Shqipëria do të ketë një ligj organik për Presidentin e Republikës. Pavarësisht se ata që e kanë kryer këtë detyrë nuk kanë lënë ndonjë gjurmë për t’u shënuar, sërish instiucioni dhe figura e kreut të shtetit meriton trajtim të posaçëm. “Shqiptarja.com”, zbardh në një shkrim të sotshëm disa dispozita të projektligjit të ri duke u ndalur te privilegjet.

Gjermania ka ndërmend të miratojë ligje të reja që ndalojnë dhe kufizojnë shprehjen e urrejtjes dhe të qëndrimeve raciste (hate speech) në platformat e mediave sociale. Facebook, Twitter etj., por edhe një motorr kërkimi i Google do të detyrohen që të fshijnë materiale të tilla. Gazeta britanike “The Guardian” shkruan se qeveria federale ka kërkuar një rol më aktiv nga këto subjekte në këtë drejtim, duke ecur një hap më para në krahasim me disa muaj më parë, kur ministri i Brendshëm gjerman, Thomas De Maiziere kërkoi verbalisht të njëjtën gjë.