krimi

Fatmir Xhafaj është personi të cilit i është besuar operacioni “Forca e Ligjit”, ku do të asisntojnë ngushtë partnerët ndërkombëtarë, dhe në veçanti amerikanët. Jo rastësisht Edi Rama nuk ishte i pranishëm në prezantimin e Task Forcës ku ambasadori Donald Lu përmendi emrat e Arben Ndokës, Elvis Rroshit, Mark Frrokut dhe Gentian Muhamedit, si raste flagrante të lidhjes së krimit me politikën.

Arrestime në fillim të vitit të ardhshëm paralajmëroi ambasadori amerikan Donald Lu në konferencën për shpalljen e operacionit “Forca e Ligjit”. Teksa njoftoi mbërritjen në Tiranë të agjentëve të FBI-së, Lu foli për një rrugë pa kthim në luftën kundër krimit të organizuar dhe lidhjeve politike.

Plot 20 minuta fjalim të kryeministrit Rama në komunikimin e javës për t’iu thënë qytetarëve se më në fund forca e ligjit do të veprojë, pasi do të nisë një operacion për goditjen fatale të krimit të organizuar dhe lidhjeve të tij me politikën, ku do të jenë të përfshirë edhe partnerët ndërkombëtarë.

Krimi dhe lidhjet me politikën  janë bërë temë e ditës për shkak të situatës me ngjarjet e fundit në Elbasan, Vlorë, e Lushnjë, por edhe pas publikimit të disa fotove nga kryetari i PD-së Lulzim Basha, ku pretendohet se ministri Blendi Klosi është mbështetur gjatë zgjedhjeve nga Durim Keçi, person që sipas tij është në kërkim ndërkombëtar. Në parlament pati akuza dhe kundër akuza, por interpretimin më të thjeshtuar dhe më të sinqertë duket se e ka bërë deputeti socialist, njëherësh dhe ministër, Pandeli Majko.

Blendi Fevziu ka deklaruar sot në një intervistë për emisionin “Fakt” në “syri.net” se situate me krimin në Shqipëri është serioze në maksimum dhe po shqetëson seriozisht partnerët e vendit tonë. Fevziu ka zbuluar se të paktën dy shërbime partnere të Shqipërisë i kanë kërkuar atij si drejtues i emisionit “Opinion”, apo medias ku ai punon që të publikojë të dhënat se paratë e krimit në Hollandë po investohen në Shqipëri dhe se krimi shqiptar në Hollandë ka mbështetje nga njerëz me pushtet në Tiranë.

Ish-presidenti i Republikës, Bujar Nishani, ka komentuar në profilin e tij në Facebook ngjarjen e Elbasanit e cila po synohet të mbulohet dhe të tjetërsohet përgjegjësia e autorëve të vërtetë. Nishani thotë se në Shqipëri ka Mafie, krimi është organizuar deri në këtë pikë, pohim ky që sipas disa të tjerëve nuk qëndron.

Në anën e atyre që janë në luftë frontale me krimin e ka rreshtuar veten kryeministri Rama, teksa iu desh të komentojë deklaratat e ambasadorit amerikan Donald Lu për sitatën e rënduar kriminale në vend dhe përgjegjësitë që strukturat shtetërore kanë në të paktën 3 çështje, mosarrestimin e Kelment Balilit, luftën kundër drogës dhe ngjarjen e Elbasanit ku akuzohet se dhëndri i Qazim Sejdinit goditi makinën e policisë.

 Ambasadori Donald Lu ka deklaruar sot gjatë një fjale në Shkollën e Magjistraturës se Shqipëria përballet me një dukuri në rritje të krimit dhe trafiqeve. Ai ka përmendur emra konkretë. Sipas tij, Emiljano Shullzi vijon trafikun e drogës nga burgu, ndërkohë që Lulzim Berisha, u lirua për shkak të një gabimi dhe ndonëse pati procedime për këtë çështje, ai vazhdon të jetë i lirë.

Ajo që u tund si fitore e demokracisë dhe konsensusit politik nuk ishte asgjë tjetër sesa një letër që Edi Rama dhe Lulzim Basha do e përdorin me sa duket për nevoja të tjera, shumë më praktike sesa shpëtimi i demokracisë. U diskutua shumë rreth faktit se çfarë fshihej pas marrëveshjes së 18 majit, por në fund rezultoi një akt pa produkt dhe pa përmbatje dhe një tjetër shfaqje “karagjozllëku” që na rezervuan të parët e politikës. Me argumentin se ndihet i tradhëtuar Lulzim Basha deklaroi fundin politik të marrëveshjes së 18 majit dhe rikthimin në llogoret e mëparshme.

Kemi dëgjuar shpesh për krimin shqiptar anembanë Europës, Bashkimit Europian, mediat e të cilit nuk i lënë gjë mangut traditës më të errët të propagandës baltosëse. Por e vërteta statistikore, ajo policore dhe institucionale, qëndron ndryshe. Sipas një raporti të Europol për vlerësimin e kërcënimeve serioze të krimit të organizuar, në hapësirën e BE-së operojnë aktualisht 5 000 grupe ndërkombëtare të krimit të organizuar, nga 3 600 në vitin 2013.