kosova

Qeveria e Isa Mustafës është rrëzuar nga Kuvendi i Kosovës. Mocioni i mosbesimit i ndërmarrë nga Nisma për Kosovën e Fatmir Limajt ka marrë 78 vota pro, 34 kundër dhe 3 abstenime nga 114 deputetë të pranishëm. Pas këtij akti duket se edhe çështja e demarkacionit me Malin e Zi mbetet pezull.

Disa komuna në Kosovë po njohin një rritje të shpejtë të transformimit të tokës bujqësore në tokë truall ndërtimi. Sipas gazetës “Koha Ditore” bëhet fjalë për 500 ha çdo vit të cilat I humbasin fondit bujqësor dhe kryesisht në komunat e Ferizajt, Fushë Kosovës, Pejës, Prizrenit, Gjilanit dhe ajo e Lipjanit. Ndërtimet përfshijnë zona ekonomike, hapësira biznesi, banesa etj., një proces shqetësues nga një pikëpamje, por tregues zhvillimi nga një perspektivë tjetër.

Në vitin 2008, Shkupi zyrtar që drejtohej nga Nikolla Gruevksi, njohu Kosovën, ndërsa në vitin 2015, i njëjti pushtet votoi pro anëtarësimit të Kosovës në UNESCO. Gruevski iku nga pushteti i akuzuar si dikator, i korruptuar etj.. Por në prizmin e raporteve me shqiptarët në rajon ai nuk mund të quhet si problematik.

Sot, miku i shpallur i shqiptarëve, Zoran Zaev, duket se adopton tjetër qëndrim. Pas intervistës në Tv Kurir në Serbi, Zaev është pyetur nga Tv Prva për votën e Shkupit në një përpjekje të dytë të Prishtinës për anëtarësim në UNESCO.

Kreu i LSDM-së i bëri këto deklarata gjatë një interviste pë median serbe "Kurir" ku ndër të tjera ka kritikuar Gruevskin për njohjen e Kosovës duke mos kushtëzuar me çështjen e manastireve. Një qasje ndoshta e detyruar demagogjike në një kohë kur Zaev është nën presion të madh dhe nën klimë kompromentuese para sllavëve për qëndrimet ndaj Platformës së Tiranës. 

Dy përgjigje që duhet të japë shteti i Kosovës

Përgjigjja e parë

Me politikën e saj, me sjelljet e saj, me deklarimet e saj udhëheqja politike e shtetërore e Kosovës dhe populli shqiptar i Kosovës e kanë dëshmuar përkushtimin e sotëm dhe përkushtimin e ardhshëm, që mund ta quajmë historik, ndaj Shteteve të Bashkuara të Amerikës dhe ndaj Bashkimit Evropian.

 Në këtë përkushtim janë të përmbajtura mendimet dhe ndjenjat e gjithë shqiptarëve kudoqofshin ata sidomos ndaj SHBA-ve.

Gazeta “Zëri” në Kosovë pubklikon sot një intervistë me kandidatin për president të Serbisë, Nenad Çanak. Ai shfaqet me disa teza ndryshe në krahasim me ato të rivalëve të vet, kryesisht të kryeministrit aktual Aleksander Vuçiç, që e cilëson një politikan pragmatist.

Çanak thotë se nëse zgjidhet ai do të ndërmarrë ndryshimin e Kushtetutës dhe nxjerrjen e Kosovës prej saj, pasi siç shprehet ai “Kosova nuk është pjesë e Serbisë”.

Kryeministri i Kosovës, Isa Mustafa, ka kundërshtuar idenë e tregut të përbashkët ballkanik që është propozuar së fundmi pas hedhjes së tij në media nga kryeministri i Shqiipërisë, Edi Rama. Ideja kundërshtohet po ashtu edhe nga kreu i Odës Ekonomike të Kosovës, Safet Gërxhaliu. Gazeta “Koha Ditore” raporton se kundërshtimi i Mustafës lidhet me pozicionin e pafavorshëm të Kosovës  “e izoluar në mes të Ballkanit”, duke parashtruar këtu konsideratat politike përpara atyre ekonomike.

Nisma e presidentit të Kosovës për tranformimin me ligj, të Forcës së Sigurisë në Ushtri të Kosovës, duket se ka jo pak kundërshtarë. Thaçi nuk është tërhequr as pas sinjaleve të ardhura nga SHBA, disa prej të cilave u raportuan edhe në media, e duket se nuk ka ndërmend të kthejë pa provuar votimin në Parlament të ligjit të propozuar, por duke anashkaluar ndryshimin e Kushtetutës. Sot gazeta “Zëri” i ka marrë një prononcim një zyrtari të lartë të NATO-s, emrin e të cilit nuk e bën publik, i cili nënvizon se nisma e Thaçit bart rreziqe për sigurinë.

Jakup Krasniqi, ish-kryetar i Kuvendit të Kosovës, ka publikuar sot në gazetën “Koha Ditore” një shkrim ku rendit disa mendime për Pranverën Shqiptare të 981-it, siç e quan ai. Fjala është për demonstratat e Kosovës që vunë në lëvizje një nga ngjarjet dramatike të para pas vdekjes së Titos. Vlerësimet e Krasniqit kanë rëndësi, qoftë sepse vijnë nga një dëshmitar, por edhe sepse në disa momente, ato synojnë t’i kujtojnë opinionit se Jugosllavia titiste nuk ishte aq e shkëlqyer sa ç’dukej nga jashtë.

Ndërkohë që krahu i Nikolla Gruevskit në Maqedoni po deklaron se platforma e partive shqiptare është hartuar në Tiranë duke jetësuar këtu një akt antikushtetues, në skenë del Ali Ahmeti i cili në një intervistë për mediat, zbardhur nga portali “Almakos”, sqaron si me “naivitet” se Edi Rama, por edhe aktorët politikë në Kosovë kanë patur rol në përpilimin e dokumentit.