Qeveria e Kosovës del kundër idesë së tregut të përbashkët ballkanik

Kryeministri i Kosovës, Isa Mustafa, ka kundërshtuar idenë e tregut të përbashkët ballkanik që është propozuar së fundmi pas hedhjes së tij në media nga kryeministri i Shqiipërisë, Edi Rama. Ideja kundërshtohet po ashtu edhe nga kreu i Odës Ekonomike të Kosovës, Safet Gërxhaliu. Gazeta “Koha Ditore” raporton se kundërshtimi i Mustafës lidhet me pozicionin e pafavorshëm të Kosovës  “e izoluar në mes të Ballkanit”, duke parashtruar këtu konsideratat politike përpara atyre ekonomike. Duhet thënë se Kosova përjeton një “paradoks” teksa ka marrëdhëniet më problematike me Serbinë në nivel politik, por ndër më të thelluarat në aspektin treegëtar.

http://www.koha.net/arberi/6743/kosova-se-do-tregun-e-perbashket-ballkan...