Kavaje

Lulzim Bashës i erdhi zëri. Shoku i parë kaloi. PD-ja humbi, por ai jo edhe aq. Mirë do të ishte që të mos mbërrinte deri këtu, por ndodh. Ditë pas dite, demokratët duhet të mësohen se pa kryetar nuk rrihet. Ideja tjetër më mashtruese, ajo nga e cila vuan gjithë shoqëria jonë në mënyrën e të menduarit, është se pa kryetarin aktual, vjen shkatërrimi. Dhe këtu nis të ngatërrohen punët. Dorëheqja si standard dhe përmbi të gjithë detyrim i një dështaku, konvertohet në kompromis me domosdoshmërinë për të vijuar përpara. Zgjedhjet e ndershme i lënë vendin apelit për bashkim.

Prokuroria e Kavajës ka urdhëruar sekuestrimin e mbi 360 mijë metra katrorë truall në zonën bregdetare të Spillesë, e dyshuar si e përfituar në mënyrë të kundërligjshme. Në bazë të veprimeve hetimore të deritanishme të Prokurorisë së Kavajës, gjykata ka pranuar kërkesën për vendosjen e sekuestros mbi 4 parcela toke.

Drama sjell me vete edhe humor. Kështu rezultati humbës i PD-së merr tjetër kuptim në Kavaajë, ku siç raporton “Gazeta Shqiptare” kjo parti ka djegur 680 vota për shkak të gabimit në thirrjen ndaj votuesve. Ndonëse ka reduktuar diferencën në krahasim me vitin 2013 nga 5 500 në 700, “GSh” raporton se në këtë zonë kanë rezultuar 680 vota të pavlefshme në të cilat ishte votuar edhe për numrin 3 edhe për numrin 6.

Ish-kryeministri Sali Berisha duket se ka qëlluar në fole të mirë kësaj radhe me qytetarin dixhital. Dikush e ka njoftuar atë me foto, emra dhe pozicione, se disa qytetarë që kanë folur pro zgjedhjeve të 7 majit në Kavajë, në fakt janë nëpunës zyrash të zgjedhur nga PS-ja. Duke qenë se Berisha i hodhi në rrjet, këta u klasifikuan vetiu mes atyre “drejtorëve që të nxjerrin bojën”, siç u shprehur në epokën para Rilindje, kryeministri aktual. Nëse i besojmë Berishës fjala është për drejtor ujësjellësi, drejtor i Ndihmës Sociale, por edhe për një qytetar që nuk voton fare në Kavajë.

Të flasësh me elektoratin është tjetër gjë dhe të japesh shfaqje politike me regji dhe audiencë të porositur, ku dekori janë nxënësit e shkollave dhe gjimnazeve është ajo që po u serviret shqiptarëve nga kryeministri dhe administrata partiake që militon në zyrat arsimore të Republikës. Partia në pushtet i quan takim me votuesit për herë të parë dhe në mitingjet që janë zhvilluar në Tiranë, Vlorë e Gjirokastër ka rënë në sy masiviteti i të rinjve që duartrokasin dhe brohorasin për kryeministrin.

Zgjedhjet e Kavaajës po shndërrohen në një test përgatitor për zgjedhjet e përgjithshme që mbahen së afërmi. Kjo mund të shihet në qëndrimet e Lëvizjes Socialiste për Integrim që vlerëson te përballja e vetme PS-PD në një zonë që konsiderohet tradicionalisht bastion i së djathtës po që në vitin 2015 ndryshoi kah, një mundësi për të evidentuar peshën që ka.

Presidenti cakton 7 Majin si datën e zgjedhjeve të pjesshme në Kavajë pas zbardhjes së vendimit nga Gjykata Kushtetuese që konfirmoi si të ligjshëm shkarkimin e Elvis Rroshit. Ndoshta i vetmi aksion politik i opozitës që prodhoi zhvillime, ligji për dekriminalizimin do të detyrojë mazhorancën të ripropozojë kandidat për bashkinë e Kavajës, një bastion i Partisë Demokratike, i rënë në duart e socialistëve falë kombinimit Edi Rama-Elvis Roshi.

I është hequr mandati nga Komisioni Qëndror i Zgjedhjeve dhe është shkarkuar nga kryeministri, e  megjithatë ish-kryebashkiaku i Kavajës, Elvis Rroshi  është ende trënfadili i Kavajës për Partinë Socialiste. Kjo e fundit e njeh ende si kryebashkiak edhe pse ligji i dekriminalizimit i hoqi të drejtën për të ushtruar funksione publike.

Partia Socialiste i rezistoi deri në fund mbrojtjes për Elvis Roshin me këmbënguljen e kryetarit Edi Rama, që humbi një tjetër betejë morale përballë opozitës. Kryetari i bashkisë së Kavajës njoftoi në mënyrë të papritur dorëheqjen nga detyra përmes një rrëfimi "të sinqertë" për të shkuarën e tij problematike. "Sot duhet te ndaj publikisht me keqardhjen më të madhe, një informacion që më ka kapur në befasi të plotë dhe ndryshon gjithçka. Avokatët e mi më kanë informuar, se papritur dhe pa kujtuar rezultojë të jem dënuar si minoren!

80 hektarë tokë bregdetare janë tjetërsuar në dokumentacion duke u pasqyruar si tokë bujqësore dhe mandej janë shpërndarë. Këtë konkluzion ka arritur Prokuroria e Kavajës e cila dërgoi për gjykim, lidhur me këtë çështje, ish-drejtuesin e Hipotekës Fatos Gjuzi, ish-kryetarin e Komunës Gosë si dhe disa ish-zyrtarë të tjerë.