italia

Kryetarja e Komisionit Europian, Ursula Von Der Leyen ka kërkuar një lloj ndjese publike ndaj Italisë për braktisjen që iu bë vendit më të goditur nga pandemia e CoVid-19 në fillimet e krizës. Përmes një letre të drejtuar në gazetën “La Repubblica”, Von der Leyen shkruan se “vetëm solidariteti mund të na bërë të ringrihemi nga kjo krizë, solidaritet mes njerëzve dhe ai mes shteteve”.

Statistika italiane e pasojave shëndetësore të koronavirusit nuk është më rast i izoluar. Franca, Spanja dhe SHBA i janë bashkuar listës duke shënuar në përditmëri situatën e rëndë.

Në Francë raportohet se janë të shtruar 24 639 persona, nga të cilët 6107 në kujdes intensiv. 509 njerëz vdiqën në 24 orët e fundit duke e çuar numrin e përgjithshëm në 4032.

Franca kishte para krizës 5000 shtretër dhe për shkak të saj e ka rritur atë në 10000 shtretër.

Dërgimi i mjekëve dhe infermierëve në Itali ishte një politikë e gjestit, e vullnetit të mirë që në fakt duhet përkrahur. Patjetër që z. Rama diti jo vetëm ta realizojë këtë si shprehje të vullnetit të mirë dhe fisnikërisë në këto kohë të vështira për Italinë fqinje, por edhe ta marketojë atë ashtu siç duhet. Me një mesazh në shqip dhe italisht, duke goditur emocionalisht.

Italia ka numrin më të madh të infermierëve të infektuar. Sipas Barbara Mangiacavalli, presidente e Federatës Kombëtare të Urdhërit të Infermierit janë rreth 4 mijë infermierë të infektuar me Covid-19.

Shumë prej tyre janë shprehur të frikësuar nga kjo situatë dhe shumë të tjerë kanë marrë ndihmë psikologjike për të përballuar situatën e vështirë që po kalojnë.

Dy takime në ditë me psikologë dhe psikiatër janë mbajtur në Spitalin Papa Gjon XXIII në Bergamo para ndërrimit të turneve.

Përvoja italiane tashmë po shndërrohet në ligjësi e kësaj pandemie.  Në fillim si me të lehtë, pastaj përmbysje e spitaleev, infektim personeli mjekësor, mungesë ventilatorësh dhe prag kolapsi. Sot presidenti amerikan, Donald Trump ka bërë të ditur se po konsideron që New York , New Jersey dhe Conecticut të vihen në karantinë.

Instituti Italian për Studime Politike Ndërkombëtare ka publikuar së fundmi një studim që sqaron sipas tij mortalitetin real të koronavirusit në vendin fqinj. Raportimet e ndryshme mediatike dhe jo vetëm raportojnë se shkalla e mortalitetit në Itali është shumë e lartë, krahasuar edhe me vende të tjera, 9.9% sipas raportimit të datës 24 mars 2020. Çështja ka rëndësinë e vet sepse një ndër shkaqet e emergjencës globale është edhe raportimi alarmant nga njëri vend në tjetrin.

30 mjekë nga Shqipëria do të shkojnë në Bergamo të Italisë në kuadër të situatës alarmante të Covid-19. Mësohet se ata do të nisen sot në orën 16:00 nga Tirana për në Bergamo, ku do të qendrojnë për një muaj. Sakaq, bëhet me dije se mjekët do të ndihmojnë rajonin e Lombardisë për përballimin e situatës dhe do të paguhen nga qeveria shqiptare. 

Kjo ndihmë vjen si pasojë e akordit të arritur mes kryeministrit Edi Rama dhe ministrit të Jashtëm italian Luigi di Maio.

Mbrojtja Civile e Italisë ka njoftuar ndërprerjen e konferencës për shtyp që zhvillon çdo ditë në pra 18:00 pasi drejtori i saj, Angelo Borrelli duket se është prekur nga Co Vid 19. Ai njoftoi dje shenja temperature dhe i është nënshtruar testimit sërish, ndonëse e ka bërë tamponin ditë më parë dhe rezultoi negativ.

I vetmi numër i saktë në pandeminë e sapo shpërthyer është ai i të vdekurve. Virologu Andrea Crisanti deklaron për gazetën “Correre della Sera” se numri real i të infektuarve në mbarë Italinë është rreth 450 mijë. Me rreth 6 820 të vdekur në mbarë vendin, rezulton se mortaliteti i këtij virusi është diku te 1.5%, pra shumë më tepër se gripi sezonal.

Koronavirusi që ka shkaktuar pandeminë globale mund të ketë qenë prezent në Itali që në muajin nëntor. Kreu i Institutit Kërkimor Farmakologjik “Mario Negri”, dr. Giuseppe Repuzzi ka deklaruar në një prononcim për National Public Radio se ka raportime nga patologë se në Lombardi ishin vënë re raste të çuditshme pnumonie te njerëz të moshuar.