erdogan

Kthesa në marrëdhëniet ruso-turke duket se do të ndryshojë edhe gjeopolitikën në raport me Ballkanin dhe Europën Juglindore. Takimi Putin -Erdogan gushtin e kaluar riktheu në axhendën e dy vendeve projektin e gazsjellësit Turkish Stream, i cili parashikohet të furnizojë me gaz Europën Jugore përmes Turqisë, Greqisë dhe Italisë. Këto tri vende janë të përfshira edhe në projektin e gazsjellësit TAP, ku merr pjesë edhe Shqipëria.

Turqia e Reccep Tayipp Erdogan duket se ka krijuar koniunkturën për të luajtur mes dy portave të mëdha: Perëndimit dhe Rusisë. Pak ditë pas takimit të sekretarit amerikan të Shtetit John Kerry me presidentin turk Erdogan, agjencia shtetërore ruse e lajmeve "Sputnik" publikon një intervistë me Ismail Hakki Pekin, ish-shef i Shërbimit Sekret në Shtabin e Përgjithshëm të ushtrisë. Sipas këtij zyrtari janë zhvilluar pesë takime informale mes palës turke dhe shërbimit sekret sirian të Bashar Al Asad, dy prej të cilëve në vitin 2015.

Zëvendës presidenti i Shteteve të Bashkuara të Amerikës, Joe Biden, i tha Presidentit Rexhep Tajip Erdogan se vetëm Gjykata Federale Amerikane mund të vendosë  ekstradimin nga SHBA të klerikut Fethullah Gylen, të cilin Ankaraja e akuzon si nxitësin e  grushtit ushtarak të 15 korrikut.

Duke folur me gazetarët në Ankara pas takimit me Erdogan, Biden i cilësoi si terroristë ushtarakët që aspiruan grushtin e shtetit, dhe vuri në dukje se Shtetet e Bashkuara kanë angazhuar numrin më të madh të këshitlltarëve ligjorë pët të shqyrtuar kërkesën për ekstradimin e Gulen.

Rusia do të heqë gradualisht sanksionet ndaj Turqisë. Kështu deklaroi presidenti rus Vladimir Putin pas takimit me homologun turk Erdogan në Shën Petërburg. Putin vuri në dukje se prioritet i Rusisë është që marrëdhëniet e dy vendeve të kthehen në nivelet e para krizës.

Presidenti turk, Rexhep Taip Redogan synon të hapë një faqe të re në marrëdhëniet mes Turqisë dhe Rusisë me vizitën e programuar të martën në Moskë. "Do jetë një vizitë historike, një fillim i ri. Në bisedën me mikun tim Vladimir Putin besoj do të hapim faqe të re marrëdhëniet mes dypalëshe. Vendet tona kanë shumë gjëra për të bërë bashkë"-deklaroi presidenti rus për agjencinë e lajmeve Tass, dy ditë para vizitës. Afrimi i Turqisë me Rusinë vjen në një kohë kur Ankaraja ka përkeqësuar marrëdhëniet me Uashingtonin pas ngjarjeve të 15 korrikut.

Rexhep Taip Erdogan nuk e fshehu zemërimin për hetimet e nisura në Itali ndaj djalit të tij Bilal Erdogan për pastrim parash. Në një intervistë për Rai 24, presidenti turk kërkoi nga autoritetet italiane të angazhohen me luftën kundër mafias dhe jo të merren me familjen e tij. I menjëhershëm ishte reagimi i kryeministrit italian Mateo Renzi që me një mesazh në tuiter i kujtoi presidentiit turk se në Itali, gjyqtarët  veprojnë sipas ligjeve dhe Kushtetutës, dhe jo në bazë të atyre që thotë presidentit i Turqisë. “Ky quhet sundim i ligjit"-shkruan Renzi.

Tmerri pas grushtit të sh tetit të dështuar në Turqi ngre dilemën qenësore: A do të vazhdojë Presidenti Recep Tayyip Erdogan të zbatojë politikën e autoritarizmit, mbase me përshkallëzim hakmarrës, apo do t’ua shtrijë dorën kundërshtarëve dhe të mundohet të ndërtojë ura për të mirën e shoqërisë turke?

Ende mbetet të shihet, por e kaluara e afërt na tregon prej shembujve historikë se sfidat serioze ndaj krerëve autoritarë dhe gjysmautoritarë çojnë drejt ashpërsimit të sjelljes së regjimit dhe se nuk sjellin qasje më të moderuar.

Tentativa për grushtin e shtetit ndodhi të premten në darkë. Që nga mbrëmja e së dielës, një listë me emrat e 73 gazetarëve të arrestuar u bë publike nga një profil pro-qeveritar në mediat sociale. Emri im ishte në krye të kësaj liste. Brenda tri ditëve, 20 portale u mbyllën dhe u anulluan liçencat e 24 gazetave dhe radiove. U bastisën zyrat e gazetës “Meydan” dhe dy kryeredaktorët e kësaj gazete u ndaluan. (Ata u liruan 24 orë më vonë). Dje gazetari, Orhan Kemal Xhengiz, emri i të cilit ishte gjithashtu në këtë listë, u arrestua në aeroport bashkë me bashkëshorten e tij.

Sot mediat kryesore në Europë njoftojnë se qeveria turke, në krye të së cilës de facto është presidenti Reccep Tayyip Erdogan, ka mbyllur 130 organizata mediatike, mes të cilave televizione, gazeta, shtëpi botuese. Është një hap i fundit i radhës në atë që po ndodh në Turqi pas tentativës së dështuar për grusht shteti më 15 korrik. Një grusht i formuluar zyrtarisht si i tillë pas të cilit Erdogan ka arritur të imponojë një tërmet shtetëror, institucional e njerëzor me magnitudë të lartë: nga 6000 të arrestuar, 2745 janë gjyqtarë.

Ambasada turke në Kosovë ka kërkuar nga autoritetet e Kosovës arrestimin e gazetarit Berat Buzhala për një status satirik në Facebook. Lajmi është njoftuar edhe nga vetë gazetari, i cili ka përcjellë edhe një reagim të posaçëm. Ngjan një kërkesë krejt absurde nga një shtet që nuk po di ku janë kufijtë e vet. Pa mohuar se kjo qasje është një provë force kundër gulenistëve shqiptarë që sipas Ankarasë zyrtare janë të shumtë. Pra është një kërkesë që favorizohet, pse jo nxitet edhe nga bota shqiptare.  E gjitha në kurriz dhe si faturë e lirisë së shtypit.