dekriminalizimi

Qeveria ka propozuar një projektligj për atë që quhet dekriminalizim, por a donta miratojë ajo dot atë? Pyetja shtrohet pasi pas reagimit të ashpër të opozitës, që e shikon ligjin si manovër që shmang pastrimin e parlamentit të tanishëm, edhe kryetari i Kuvendit, Ilir Meta, nuk ka ndërmend të japë mbështetje të pakushtëzuar. “Të gjendet konsensusi për ligjin e dekriminalizimit. Duhet miratuar me konsensus. Qeveria pretendon se projektligji i saj është më i plotë, por të dyja propozimet kanë përputhshmëri të gjerë”, tha Meta në një deklaratë nga selia e Kuvendit.

Në kulmin e debatit për dekriminalizimin dhe mosdakordësisë mes qeverisë dhe opozitës për variantin që do marrë miratimin e parlamentit Shtetet e Bashkuara kërkojnë që Shqipëria të bëja hapa konkretë sa i përket dekriminalizimit dhe reformës në drejtësi duke kërkuar nga palët që të mos mjaftohen me deklarata. Në deklaratën e misionit amerikan në OSBE që analizoi raportin e zgjedhjeve në Shqipëri thuhet se  “SHBA inkurajon qeverinë dhe parlamentin e Shqipërisë t’i qendrojnë angazhimit për ta bërë përparësi, reformën në drejtësi, me vepra dhe jo me fjalë”.

“Dekriminalizimi duhet të arrihet sipas marrëveshjes së dhjetorit. Dekriminalizimi i parlamentit është prioritet i opozitës”. Kështu tha pas takimit me ambasadorin amerikan Donald Lu, kreu i PD-së, Lulzim Basha. Qeveria ndërkohë ka propozuar një projektligj i cili soç u shpreh Ministrja për Marrëdhëniet me Parlamentin, i jep fund komisionit të Dekriminalizimit. E për ata që kanë qarkulluar tezën e përplasjes Berisha-Basha, duket se nuk ka edhe aq lajme të mira.

Dje u bë publik vendimi i qeverisë shqiptare për propozimin e projekligjit për dekriminalizimin. Përtej pikave të tij, tërheq vëmendjen përpjekja për të mos cenuar “etikën” nga ana e qeverisë. “Qeveria shqiptare miratoi në mbledhjen e sotme të Këshillit të Ministrave Projektligjin ‘Për Legjitimitetin e Personave që Zgjidhen, Emërohen ose Ushtrojnë funksione publike’.Nëpërmjet këtij Projektligji qeveria shqiptare i jep zgjidhje përfundimtare debatit të kohëve të fundit mbi të ashtuquajturin “dekriminalizim”, tha ministrja për Marrëdhëniet me Parlamentin, Ermonela Felaj.

Në seancën dëgjimore të Komisionit të Punëve të Jashtme në Parlamentin Europian, Eduard Kukan tha, që Brukseli po njihet përditë me raste deputetësh shqipëtarë me të dhëna kriminale. “Abc News” raporton se këtë e ka pohuar edhe raportuesi për Shqipërinë në Parlamentin Europian, Knut Fleckenstein. Por rasti Prenga, duket se ka tronditur shume eurodeputetet. “Ne kemi dëgjuar për akte kriminale nga deputetë shqiptarë. I fundit ishte zoti Prenga, që qëlloi mbi qytetarët. Kjo është e tmerrshme. Ka kohë që në Shqipëri, situata duket si në filma me kauboj.

Mazhoranca e sheh veten me shpatulla pas murit nga një kauzë e opozitës që fillimisht e injoroi dhe madje tentoi ta shpërfillte duke hyrë në lojë e imponuar nga presioni në rritje i ndërkombëtareve për të kryer procesin e dekriminalizimt, ose thënë më thjeshtë për të larguar nga radhët e saj persona me precedentë kriminalë që janë të veshur me mandatin e deputetit.

Me sa duket optimizmi i kryeministrit  Rama,  dorëheqja e Arben Ndokës dhe arrestimi i Armando Prengës nuk e pastrojnë mazhorancën nga njolla e kriminalitetit dhe kësisoj do t’i kushtojnë Shqipërisë hapjen e negociatave të anëtarësimit me Bashkimin Europian në vjeshtë. Pas seancës dëgjimore me ambasadoren e BE-së në Shqipëri Romana Vllahutin dhe shefen e misionit vëzhgues të zgjedhjeve Odri Gllover, dy raporterët e Komisionit të Jashtëm të parlamentit Europian, Knut Flekenshtein dhe Eduard Kukan e bënë të qartë se pa dekriminalizimin nuk ka avancim në rrugën drejt BE-së.

Partisë Socialiste i janë dashur personazhe të fortësh në zgjedhje, sepse nuk kishte mënyrë tjetër për t’u përballur me të fortët e PD-së për të ruajtur votat. Kjo është një e vërtetë e pranuar nga socialistët, e pohuar disa herë së fundi. Dhe kur flasim për ‘të fortë’, nuk është thjesht fjala për individë që preferojnë dhunën kundrejt dialogut, por për elementë me të kaluar e të tashme kriminale, si penale edhe ekonomike.