dekriminalizimi

Kryeministri doli në një konferencë interaktive me mediat dhe publikun njëkohësisht në rrjetet sociale për të bërë një bilanc të punës 3 vjeçare të qeverisë, e ndërtuar sipas modelit pyetje-përgjigje. Fillimisht kreu i qeverisë bëri një panoramë të sukseseve siç i quajti reformat e ndërmarra në këtë periudhë nga qeveria e tij, duke folur për një model ekonomik që për vitin e ardhshëm do të japë një rritje ekonomike 3.5 për qind dhe fokusohet në marrëdhëniet e Partneritetit Publik Privat, të njohura ndryshe si praktika e konçensioneve.

Kryetari i Bashkisë së Kavajës, që zyrtarisht njihet me emrin Elvis Roshi, nuk do të jetë më në këtë detyrë. Edhe deputeti i LSI-së, Shkëlqim Selami po ashtu nuk do të jetë më deputet. Bashkë me këta është edhe Dashamir Tahiri I PDIU-së. Vendimin për t’i zhveshur këta të zgjedhur të popullit nga mandati përfaqësues e ka marrë Komisioni Qendror i Zgjedhjeve i cili me votë unanime ka vendosur të aktualizojë efektet e ligjit për dekriminalizimin për Roshin dhe Selamin. Për Tahirin, 3 anëtarë të KQZ-së kanë votuar kundër. 

Komisioni Qëndror i Zgjedhjeve u vu këtë të mërkurë përballë fakteve të Prokurorisë për kryebashkiakun e Kavajës, Elvis Rroshi, dhe deputetët Shkëlqim Selami dhe Dashamir Tahiri, të cilët organi i akuzës i ka klasifikuar si subjekte të ligjit të dekriminalizimit, pasi janë ndaluar apo dënuar nga gjykatat e huaja për vepra të ndryshme penale.

Këta të fundit nuk i kanë pasqyruar dënimet në fomularin e dekriminalizimit, çka detyroi Komisionin Qëndror të Zgjedhjeve të kërkojë verifikimin e Prokurorisë.

Prokuroria e Përgjithshme pas verifikimeve te thelluara, ka konkluduar, se dy deputetë të Kuvendit të Shqipërisë dhe një kryetar Bashkie janë në kushtet e ndalimit të ushtrimit të funksionit, në bazë të ligjit per “Verifikimin e Integritetit të personave që zgjidhen, emërohen ose ushtrojnë funksione publike” ose te njohur ndryshe si Ligji I “Për Dekriminalizimin”.

Ata janë:

Dashamir Tahiri, me funksion “Deputet”

Shkëlqim Selami, me funksion “Deputet” i LSI

Elvis Rroshi, me funksion Kryetar i Bashkisë Kavajë

Për më shumë se 1 orë deputeti i Vlorës i Lëvizjes Socialiste për Integrim, Shkëlqim Selami ka dhënë shpjegime përpara prokurorëve të sektorit të Dekriminalizimit në Prokurorinë e Përgjithshme. Precedimi penal ndaj tij është regjistruar pas informacioneve për një dënim jashtë Shqipërisë të deputetit.

Që qeveria aktuale ka dy axhenda në raport me progresionin e pushtetit që administrojnë PS dhe LSI kjo është e dukshme. Kjo bën që edhe qëndrimet e qeverisë lidhur me çështjet të politikës së brendshme dhe asaj të jashtme të jenë me dy valenca. Teksa kryeministri Rama përpiqet të bindë opinionin se kushti që mban peng është ligji i Vetting-ut, aleati i tij në qeveri thotë se ka një listë kushtesh.

Tri deputete gra të parlamentit shqiptar kanë propozuar amendime shtesë në ligjin e dekriminalizmit, që zyrtarisht njihet si ligji për “Për garantimin e integritetit të personave që zgjidhen, emërohen ose ushtrojnë funksione publike”.

Deputetet Majlinda Bregu, Albana Vokshi dhe Mesila Doda propozojnë që ky ligj t’i shtrijë efektet edhe mbi mësuesit, edukatorët, psikologët e punonjësit socialë në institucionet arsimore apo të kujdesit shoqëror.

Sot Elvis Roshi përfitoi një masë lehtësuese nga gjykata. Ai fitoi ndryshim të masës së sigurisë nga arrest shtëpiak në detyrim paraqitjeje.

Ambasadori amerikan në Tiranë Donald Lu, i ka dhënë një intervistë revistës “Mapo”. Kjo është ndoshta intervista e parë e Lu dhe ai ka bërë aty disa prononcime jo pa rëndësi. Një për dekriminalizimin, proces ku ambasada amerikane u investua shumë. Thotë Lu:

Komisioni Qendror i Zgjedhjeve u mblodh paraditen e së premtes për të verifikuar formularët e vetëdeklarimit në kuadër të zbatimit të ligjit ‘Për dekriminalizimin’. Gjate shqyrtimit te aktit “Për verifikimin e deklarimeve të funksionarëve publike, deputet ne Kuvendin e Shqipërisë, kryetarë bashkie dhe kandidatë për këshilltarë bashkiak”, rezultoi se 19 nga 140 deputetët e Kuvendit nuk e kanë “formularin e bardhë”, ndërsa 7 prej tyre kanë marrë vendim pafajësie. KQZ po verifikon edhe formularët për kryetarët e bashkive dhe këshilltarët bashkiakë.