be

BE ka gjobitur prodhuesit gjermanë të makinave me plot 875 milionë euro. Zëvendëspresidentja ekzekutive e BE-së, Margrethe Vestager, e motivoi këtë penalitet me komplotin e prodhuesve për të kufizuar zhvillimin e teknologjisë së emisioneve të pastra.

Bashkimi Evropian do të mbështesë me 3.5 miliardë euro (4.18 miliardë dollarë) Turqinë, në mënyrë që të vazhdojë të strehojë refugjatë sirianë deri në vitin 2024. Fondi është pjesë e një plani më të madh rajonal për mbështetjen e refugjatëve, në mënyrë që të ndalohet fluksi i tyre drejt vendeve të BE-së.

BE po kërkon të azhurnojë paktin e vitit 2016 me Ankaranë, një marrëveshje e diskutueshme për të cilën blloku ra dakord të shpenzonte 6 miliardë euro për refugjatët sirianë në Turqi.

Drejtuesit e vendeve anëtare të Bashkimit Europian ka hedhur poshtë dje propozimin franko-gjerman për një samit mes BE-së dhe Rusisë.

Ishte një diskutim shumë përfshirës, jo i lehtë. Nuk pati marrëveshje sot për një takim të afërt mes liderëve

tha pas takimit të 27 vendeve anëtare, kancelarja gjermane, Angela Merkel.

Marrëdhëniet mes BE-së dhe Hungarisë tensionohen sërish në prag të samitit europian të Brukselit. Shkak është bërë një ligj që Hungaria miratoi për homoseksualitetin. Nga njëra anë janë 17 krerë shtetesh që në një deklaratë të përbashkët dënojnë çdo formë diskriminimi me bazë seksualitetin, ndërsa nga ana tjetër Viktor Orban, i cili sapo ka mbërritur në Bruksel ngul këmbë  se nuk ka ndërmend ta tërheqë ligjin, të cilin e konsideron aspak diskriminues.

Sipas tij, ligji nuk është kundër homoseksualëve, por “një ligj që mbron prindërit dhe fëmijët”.

Ish-presidenti iranian, Mahmud Ahmedinexhad, thotë se koha e kolonializmit ka mbaruar dhe bashkëjetesa paqësore mes kombeve mund të arrihet vetëm nëpërmjet miqësisë dhe respektimit të të drejtave të njëri-tjetrit. Në një intervistë me Anelise Borges nga Euronews, Ahmedinexhad thotë se superfuqitë nuk e kanë garantuar kurrë mirëqenien e popujve.

Robert Schuman, një nga themeluesit e Bashkimit Evropian, është në rrugën e shenjtërimit nga Kisha Katolike. Sipas një dekreti të botuar nga Vatikani të shtunën, Papa Françesku i ka njohur "virtytet heroike" të Schuman-it, qytetar francez i lindur në Luksemburg në 1886 dhe katolik i devotshëm.

Shpallja e dekretit përfaqëson hapin e parë në rrugën e gjatë të Kishës Katolike drejt shenjtërimit dhe i jep Schumanit titullin "i nderuar".

Gjykata Europiane e Drejtësisë (CJEU) u jep mbikëqyrësve kombëtarë të të dhënave të drejtën për të ndërmarrë hapa ligjorë ndaj gjigantëve të teknologjisë, nëse vërejnë shkelje.

Vendimi i publikuar sot u jep vendeve të BE-së të drejtën t’u kërkojnë llogari këtyre kompanive, pavarësisht se ato mund të mos kenë në to selinë qendrore.

Komisioni Evropian ka ndërmarrë hapa ligjorë ndaj Gjermanisë, pas një vendimi që ka dhënë Kushtetuesja në këtë vend në lidhje me blerjen e bonove. Në maj të vitit 2020, gjykata më e lartë e Gjermanisë, me seli në Karlsruhe, vendosi që Banka Qendrore Evropiane (BQE) kishte tejkaluar kompetencat së saj me blerjet e bonove.

Por Gjykata Evropiane e Drejtësisë ndërkohë i kishte hapur dritën jeshile blerjes së bonove nga BQE-ja, pasi kishte dalë në përfundimin se programi i blerjes së obligacioneve të BQE ishte në përputhje me ligjin e BE.

Bashkimi Europian është pranë një marrëveshjeje dialogu politik me Kubën. Kryediplomati i BE-së, Josep Borrell, e mbrojti para Parlamentit Evropian të martën ratifikimin dhe zbatimin e kësaj marrëveshjeje, pasi një email të cilit i referohen disa media sugjeroi afërsi midis disa ligjvënësve socialistë të BE-së dhe regjimit kuban.