athine

Takimi i radhës mes ministrit të Jashtëm Ditmir Bushati dhe homologut të tij grek Nikos Kotzias, duket se futi në një hulli normaliteti marrëdhëniet mes dy vendeve, të provokuara nga retorika e fortë nacionaliste e kryeministrit shqiptar mbi çështjen çame dhe ligjin e luftës. Takimi mes tyre nuk u shoqërua me një konferencë për shtyp, për të mos i dhënë karatkter mediatik kësaj vizite siç thonë burime të Ministrisë së Jashtme Greke. Shkak, evitimi i çdo ndikimi në prag të fushatës zgjedhore në Shqipëri. 

Presidenti amerikan, Barack Obama, ka shpërndarë një video-mesash në Facebook, duke folur nga Akropoli në Athinë. Vendi i gjetur për të përcjellë mesazhin nga udhëtimi i tij i fundit si president i SHBA-së, jashtë vendit, ka domethënien e vet në dritën e zhvillimeve të fundit politike në SHBA, për mënyrën si perceptohet fitorja e Donald Trump. Obama thotë se "qëndrimi në Akropol, në vendin e lindjes së demokracisë dhe vlerave demorkratike...të jep perspektivën e rëndësisë së një qeverisjeje të popullit, nga populli dhe për popullin...".

Në Athinë gjatë natës ka patur përleshje intensive mes protestuesve dhe forcave të policisë. Përleshjet ishin përqëndruar në zonën rreth universitetit politeknik, ku 43 vjet më parë tanket e juntës ushtarake ndërhynë për të shtypur revoltën e studentëve.
Rreth 300 persona që vetëpërcaktohen si anarkistë, zaptuan një nga godinat e universitetit dhe ngritën barrikada në rrugët përreth.Anarkistët i sulmonin me bomba molotov, gurë dhe sende të tjera forcat e policisë, që nga ana e tyre përdorën masivisht gaz lotsjellës.

Pak ditë para se Greqinë ta vizitojë  presidenti amerikan Barak Obama, në Athinë mbërriti ministri i Jashtëm rus Sergei Lavrov. Në takimin me presidentin Pavlopulos, kreu i diplomaciosë ruse  foli për situatën në Siri, duke thënë se "ndaj zgjidhjes politike të rezolutës së Këshillit të Sigurimit është praktikuar sabotimi për shkak se disa mbështesin ekstremistët, qëllimi të cilëve është që të përzënë regjimin e Asadit."

Vizita e Ilir Metës në Athinë duket se po nxjerrë në plan të dytë protagonizmin e deridjeshëm të ministrit të Jashtëm, Ditmir Bushati apo kryeministrit Rama lidhur me Greqinë. Manovra me përgjigjien e Komisionerit Hahn u duk sikur i dha qeverisë shqiptare një lloj revanshi në raport me axhendën shqiptaro-greke, por një vizitë e papritur e kryetarit të kuvendit Ilir Meta në Greqi projektoi një linjë tjetër të politikës së jashtme me Greqinë, të distancuar nga qasja e kryeministrit Rama dhe partnerit në qeveri, Shpëtim Idrizi.

Vdekja misterioze e 29-vjeçarit shqiptar Pëllumb Marnikollaj në një komsiariat të policisë në kryeyqtetin grek Athinë do të hetohet nga Prokuroria e Lezhës, ku të afërmit e të ndjerit kanë bërë kallëzimin penal.

Kryetari i partisë Demokratike Lulzim Basha, ndodhet në Athinë, ku sot do të takohet me shefin e opozitës greke, kryetarin e Demokracisë së re, Kyriakos Mitsotakis, si dhe me aktorë të tjerë të jetës politike dhe publike greke. Kryetari i PD ka thënë se në takimin me homologun e tij grek, do të hidhen bazat për t’u zgjidhur në mënyrë të emancipuar problemet që mbajnë peng marrëdhëniet shqiptaro-greke.

Greqia dhe Rusia ranë dakord të ridimensionojnë marrëdhëniet mes tyre dhe të eksplorojnë të gjitha mundësitë që ekzistojnë për rritjen e pranisë së investimeve ruse në ekonominë greke. Në konferencën e përbashkët për shtyp me presidentin rus Vladimir Putin në Athinë, kryeministri, grek Aleksis Tsipras e quajti një zgjedhje strategjike forcimin e marrëdhënieve të Greqisë me Rusinë.

Qeveria nuk e ka gjumin të qetë pas publikimeve në CNN Greek se oficerë të policisë kanë pohuar për homologët grekë pamundësinë për të arrestuar Klemend Balilin, të cilit i ofrohet mbrojtje politike.
Në një letër që mban firmën e Andi Likaj, dërguar CNN grek ambasada jonë ka dhënë sqarimet e nevojshme pas një shkrimi të publikuar pikërisht në këtë media, pak ditë më parë, ku theksohej se ‘Escobari” nuk prekej pasi kishte lidhje të forta me politikanë të lartë në Tiranë.

Në mbrëmjen e 11 prillit, në Athinë, nën kujdesin e klubit të shkrimtarëve “Drita” që drejtohet nga poeti dhe shkrimtari i mirënjohur Nase Jani, u përurua novela “Lisiana” e shkrimtarit Myrteza Mara. Pas disa ribotimeve të suksesshme nga shtëpia botuese “Toena” që prej 2007-s, këtë herë ishte radha e shtëpisë botuese greke “Ostria” e Janis Malas-it, që nëpërmjet përkthyeses së talentuar Anna Ballabani – Balanu, t'ia serviri lexuesit grek këtë arritje suksesive të autorit tonë shqiptar.