Slideri Kryesor

Është ndoshta ambasadori më aktiv, kur mesa duket ka konstatuar se në Shqipëri të hapet çdo derë, mjafton të jesh i huaj dhe aq më tepër kur vjen nga një vend si Gjermania. Është fjala për ambasadorin gjerman Hoffman që po “jep mend” për çdo sfidë që ka qeveria që nga hapja e dosjeve deri tek ulja e kredive të këqija bankare.

Kryeministri Rama mblodhi Këshillin Ekonomik Kombëtar  për ta njohur me rezultatet e operancionit kundër nformalitet qe sipas tij ka prodhuar rritje spektakolare në vetëm një muaj jo vetëm të të ardhurave, por edhe sa i përket formalizimit të vendeve të punës. Por ky takim u bojkotua nga Dhoma Amerikane e Tregëtisë që ka shprehur rezerva për ashpërsinë e këtij operacioni. Por megjithë mungesën e përfaqësuesve të Dhomës Amerikane të Tregëtisë kryeministri nuk nguroi të replikojë ashpër në mungesë me kreun e saj, duke e akuzuar se po përkrah informalitetin.

Shlyerja e detyrimeve që qeveria Berisha nuk ua kishte shlyer kompanive dhe individëve deri në shtatorin e vitit 2013, ka arritur kuotën 500 milionë dollarë (llogaritur me kursin e këmbimit të shtatorit 2013). Deri në 1 janarin e 2015-ës, ishin shlyer rreth 350 milionë dollarë detyrime të vjetra. Ndërsa sot Ministria e Financave njoftoi se në 9 muajt e parë të vitit u shlyen edhe 150 milionë dollarë të tjera.

Bujar Nishani, president i Republikës ka zhvilluar sot një takim, “të gjerë dhe konsultues” me përfaqësues të pronarëve. Të cilët siç njoftohet në faqen zyrtare të Presidencës, përfaqësojnë shoqata që shtrihen “nga Konispoli në Shkodër”. Takimi është iniciuar nga presidenti, i cili kujdeset kështu – ndonëse jo me dekorata kësaj radhe – për pronarët që kërkojnë pronën. Por çfarë thuhet në njoftim?

“TemaTv” ka publikuar sot një video të një hakeri që pretendon sesi ndërhyhet në të dhënat e arkivuara në serverat dixhitale të tyre. Sipas video në fjalë rezulton se mbrojtja e të dhënave në Shqipëri, ndonëse investimet nuk kanë munguar, është thuajse inekzistente. “Vetëm pak orë para se të niste një aktivitet i quajtur Hack Day Tirana, i organizuar nga Ministria e Inovacionit, pikërisht për këtë shqetësim publik, vjen edhe sfida.

Në fund të tetorit, paralajmërohen arrestime në rradhët e përfaqësuesve të biznesit të madh për evazion fiskal. Në kuadër të aksionit kundër informalitetit, Policia e Shtetit kërkon të arrestojë emra të njohur të biznesit. Lajmi për arrestimet nga burime të Drejtorisë së Përgjithshme të Tatimeve për “News24”. Bëhet fjalë për kompani që janë kapur me evazion fiskal gjatë fazës së parë të operacionit anti informalitet në muajt shtator dhe tetor.

Saimir Tahiri ka deklaruar se në kuadër të luftës kundër trafikimit të qenieve njerëzore do të kërkojë aplikimin rigoroz të legjislacionit për prindërit që braktisin fëmijët dhe i nxjerrin për të lypur. Gjatë fjalës së mbajtur sot në konferencën me këtë temë, Ministri i Brendshëm apeloi edhe shoqërinë të heqë dorë nga dhënia e lëmoshës për fëmijët e rrugës, duke e quajtur këtë gjest një akt po aq kriminal që i hap rrugë trafikimit.

Dy aleatët kryesorë t ë së majtës, kryeministri Edi Rama dhe kryeparlamentari Ilir Meta janë takuar sot në rezidencë qeveritare përballë Kryesisë së Kuvendit, që njihet ndryshe dhe si Vila 30. “News 24” bën të ditur se në takim janë të pranishëm edhe kreu i grupit parlamentar të PS­-së, Gramoz Ruçi si dhe kreu i komisionit të Ligjeve, njëherësh kryetari i komisionit për reformën në drejtësi, Fatmir Xhafa. Raportohet se takimi mes tyre ka pak minuta që ka nisur rreth orës 10:15 të mënjgesit, ndërkohë që ende nuk është bërë e ditur tema e takimit.

Kryetarët e Komisioneve parlamentare të Integrimit të Shteteve pjesëmarrëse në Procesin e Stabilizim-Asocimit të Evropës Juglindore janë mbledhur në Tiranë në Konferencën e 11-të të radhës. Në fjalën e tij, kryetari i Kuvendit, Ilir Meta, tha se rajoni ynë ndodhet në një moment historik dhe në një fazë intensive të marrëdhënies kontraktuale me BE-në. “Mbarëvajtja në procesin e integrimit në Shqipëri dhe në vendet e tjera të Ballkanit Perëndimor lidhet ngushtë me shpejtësinë e reformave, e cila do të garantonte çeljen e negociatave me BE-në.

“Ndikimi që ka vendosur qeveria mbi drejtësinë, më rezervojnë që unë të hedh hapa të tjerë”. Këto janë fjalët e Presidentit Bujar Nishani, gjatë një interviste për “Gazeta Shqiptare”, i cili pranon që ka mosbesim tek drejtësia dhe prokuroria në veçanti për hetimin e survejimit të familjes së tij nga njerëz që punojnë në administratën shtetërore.