Slideri Kryesor

A quhet mungesë pa arsye për 6 muaj rresht kur je në burg? Kjo çështje ka detyruar Këshillin e Mandateve në Kuvend të rrëzojë kërkesën për heqjen e mandatit të deputetit kristiandemokrat, Mark Frroku, i cili ndodhet në qeli. Mazhoranca dhe opozita kanë rënë dakord që t’i drejtohen Gjykatës Kushtetuese për të vendosur, për interpretimin e nenit 71 të Kushtetutës. Por nga ana tjetër Këshilli miratoi heqjen e mandatit të deputetit tjetër socialist, Arben Ndoka, i cili e dorëzoi mandatin para një muaji pas akuzave për përfshirje në prostitucion në Itali.

Skandali që po shoqëron kualifikimin e Kombëtares së Futbollit në Evropianin 2016 dhe që ka në qender rinovimin e kontratës së Trainerit De Biazi me FSHF është një tjetër tregues se ky kualifikim është një fitore artificiale për futbollin në Shqipëri.

E kam thënë publikisht se suksesi i kombëtares është një importim i qartë dhe i padiskutueshëm. Ajo nuk është e nuk mund të jetë tregues i zhvillimit real të futbollit në Shqipëri, i cili lëngon në një sëmundje  me simptoma shkatërrimtare për të ardhmen e tij.

Sipas një burimi të TCH pranë Prokurorisë së Përgjithshme, Prokuroria e Tiranës nuk do të regjistrojë procedim penal për letrën e adresuar institucioneve nga kreu i Komisionit të Sigurisë Spartak Braho, në të cilën njoftonte se deputeti Tom Doshi dhe ish-ministri Dritan Prifti po tentonin të destabilizonin vendin.

Damian Gjiknuri, ministër i Energjisë dhe Industrisë mori sot mbrojtjen publike të kryeministrit për akuzat e Kontrollit të Lartë të Shtetit për Marrëveshjen e Mirëkuptimit.  Menjëherë pas Edi Ramës, ka reaguar kryetari i opozitës, i cili me letër në dorë ka bërë të ditur se kush janë njerëzit afër kryeministrit që kanë përfituar para publike nga tenderat. “Çfarë bënë: 5 miliardë ia ka dhënë ndërtuesit të sarajeve të Edi Ramës, ka dy javë që nuk thotë asnjë fjalë, por e mohon edhe pse opozita e denoncon:

850 milionë lekë i janë dhënë Safet Gjicit.

Kryeministri Rama ka thënë “fjalët më të mira” për ministrin Gjiknuri si udhëheqës i një operacioni historik për shpëtimin nga kolapsi energjetik, dhe ka deklaruar se hetimi i privatizimit të OSHE tek CEZ do të bëhet me ekspertizë ndërkombëtare, “për atë që ka ndodhur në gjithë sistemin energjitik para marrëveshjes së nënshkruar me çekët”. Ai i bëri deklaratat në fjalën e mbajtur në 1-vjetorin e nisjes së aksionit për mbledhjen e borxheve, ku tha se marrëveshja me CEZ po sulmohet sot nga personat që abuzuan me sektorin.

Diplomacia dhe ushtria ndonjëherë janë të pandara. Kështu ka ndodhur me shefin e kabinbetit të ministririt Bushati, Pirro Vëngu të cilit i ka ardhur thirrja për ushtar nga Greqia. Gazeta “Panorama” shkruan se  prej pak ditësh në zyrën e Vëngut ka mbërritur një thirrje e Ministrisë së Mbrojtjes të Greqisë që ai të kryejë shërbimin e detyrueshëm ushtarak.

Do të quhen Kopshte Meditimi e Soditjeje përgjatë bulevardit “Dëshmorët e Kombit”  të frymëzuara nga librat e shenjtë dhe bashkëjetesa fetare dhe do të emërtohen si Parku i Besimit të Tiranës. Pikërisht për këtë projekt qeveria shqiptare ka hapur konkursin në 15 shtator të këtij viti. Njoftimi është publikuar në  faqen e Atelier Albania ku përmes një shpjegimi të gjatë shpaloset e gjithë ideja e iniciuar nga kryeministri Rama:

Konkurs ndërkombëtar për projektim peisazhistik-thirrje për ide-projektimi.

Ajo çfarë ndodhi pas ndeshjes kualifikuese në Europian të kombëtares shqiptare të futbollit, provon më së miri se Federata Shqiptare funksionon as më shumë e as më pak si partitë politike. Kuptohet me kryetar të përjetshëm dhe historik, Armand Dukën. Pas ndeshjes, disa media shkruan se merita e kualifikimit i takon më së shumti trajnerit De Biasi, i cili u prit mirë edhe nga tifozët, por edhe nga qeveria, kreu i së cilës nuk dihet nëse rastësisht ose jo, përmendi në fjalën e tij edhe Platininë. E kundërta me Armand Dukën, i cili fishkëllye hapur.

Është shembulli i dy miqve "për kokë" që janë kthyer në armiq të betuar. I bashkoi interesi për të fituar pushtet dhe para përmes politikës duke e nisur bashkëpunimin aktiv me betejën kundër Fatos Nanos në vitin 2004. Madje janë të shumtë ata që ia atribuojnë idenë e krijimit të LSI-së Dritan Priftit. Ai fitoi shumë shpejt vendin e krahut të djathtë të Ilir Metës, i cili kishte ndikuar në vitin 2001 që Prifti të merrte postin e parë të rëndësishëm, atë të drejtorit të KESH-it.

Një letër e dërguar kryeministrit Rama nga nëndrejtori i Përgjithshëm i Burgjeve, socialisti Bledar Skënderi, botuar sot në GSH, pasqyron konfliktin PS-LSI në punësimet e administratës së burgjeve. Letra është shkruar pak muaj më parë, por duket se nga disa materiale të ngjashme të zbuluara gjatë qeverisjes PD-LSI, asgjë nuk ka ndryshuar.

Letra e plotë:

“I nderuar zoti Kryeministër! Jam Bledar Skënderi Zv.Drejtor i Përgjithëm i Burgjeve. Së pari Ju kërkoj ndjesë për shqetësimin, por ndoshta jam dhe i vonuar për këtë raportim.