500 milionë dollarë, shlyerja e detyrimeve që la trashëgim qeveria Berisha

Shlyerja e detyrimeve që qeveria Berisha nuk ua kishte shlyer kompanive dhe individëve deri në shtatorin e vitit 2013, ka arritur kuotën 500 milionë dollarë (llogaritur me kursin e këmbimit të shtatorit 2013). Deri në 1 janarin e 2015-ës, ishin shlyer rreth 350 milionë dollarë detyrime të vjetra. Ndërsa sot Ministria e Financave njoftoi se në 9 muajt e parë të vitit u shlyen edhe 150 milionë dollarë të tjera.

Në fakt, fondet e çelura për shlyerjen e detyrimeve të vjetra ishin 175 milionë dollarë, por jo të gjitha kompanitë/individët që prisnin të paguheshin qysh prej shtatorit 2013 kanë dorëzuar dokumentacionin e plotë për të siguruar arkëtimin e parave të tyre.

Re.Pu.