Slideri Kryesor

ABC News ka në dorë raportin e ekspertëve kontabël që kanë detajuar se cila është shuma që Kastriot Ismailaj ka përfituar nga kompania çeke CEZ shpërndarja, në formë pagesash për kompaninë e tij DIA. Pas studimit të materialeve që disponon prokuroria në lidhje me hyrje daljet e kompanisë DIA, del se CEZ brenda pak muajve i ka kaluar në llogarinë bankare Ismailajt rreth 650 mln lekë të reja.

Rreth 110 milion lekë të reja Ismailaj i ka tërhequr në cash nga bankat e ndryshme dhe një pjesë nga kjo shumë është përdorur për udhëtime dhe pushime.

Arben Ndoka ikën dhe në vend të tij vjen Eduart Ndocaj. Komisioni Qendror i Zgjedhjeve i dërgoi sot Parlamentit emrin e tij si zëvendësues i Ndokës, që dorëzoi mandatin më 7 shtator të këtij viti përmes një letre publike. Vendimi në KQZ e bën edhe më qesharake situatën pasi ai u mor me 4 vota pro dhe 3 kundër. Nuk dihet se pse është kundërshtuar nga 3 anëtarë marrja e mandatit nga Ndocaj, kur formalisht atij i takon. Sipas listës së PS-së në qarkun Lezhë, mandati i takonte Ndrec Dedajt, po ky i fundit nuk pranoi të japë dorëheqjen si kryebashkiak i Mirditës.

Me një vendim të ditës së sotme, Gjykata e Apelit ka pranuar kërkesën e ish-Prokurores së Përgjithshme Ina Rama për t’u kthyer në sistemin gjyqësor, në postin e barazvlershëm me atë që mbante në Krimet e Rënda para se të emërohej kryeprokurore. Ky vendim në fakt është parashikuar në ligj, por ndryshe kishte arsyetuar Këshilli i Lartë i Drejtësisë. Kështu gjykata ka rrëzuar vendimin e KLD-së, sipas të cilit, Rama, si çdo gjyqtar duhet t’i nënshtrohej konkursit nëse do të donte të punonte në një Gjykatën e Apelit.

Një raport i Kombeve të Bashkuara që trajton Progresin e Femrave për vitet 2015-2016 zbardh një fakt të rëndësishëm për Shqipërinë.  Ky fakt ka të bëjë me trajtimin me pension që i vendos femrat shqiptare në pozicion të diskriminuar, për shkak edhe të pjesëmarrjes së tyre më të ulët se burrat në tregun e punës. “Hendeku mes gjinive në përfitimin e pensionit ekziston edhe në vendin tonë, ku sipas të dhënave të raportit, 39 % e grave shqiptare nuk përfitojnë pension.

Protesta në Mal të Zi po vështrohen përherë e  më shumë si një përplasje gjeopolitike mes dy rrymave që sundojnë shoqërinë e fqinjit tonë verior. Në një shkrim të Deutsche Welles nënvizohet pikërisht ky element që e vendos aspektin social dhe ekonomik të tyre në plan të dytë. “Një sërë aferash, arrogancë dhe “një hajdutëri e shëmtuar” e kanë dobësuar qeverinë mendon shkrimtari i njohur malazez Andrej Nikolaidis. Por protestat aktuale ai i sheh, ashtu si Djukanoviçi, si një përpjekje për të dështuar anëtarësimin. “Anëtarësimi në NATO do të thoshte dalje nga influenca serbe dhe ruse.

Një tjetër akuzë për përfitime pa tender për miqtë politikë të kryeministri Rama ka bërë sot Partia Demokratike. PD denoncoi marrjen me koncension nga Arian Leskaj, djali i deputetes së PS-së, Valentina Leskaj të hekurudhës Ballësh- Vlorë për 25 vjet.

Në konferencë për shtyp deputetja e Vlorës, Liljana Elmazi tha se fituesi është shpallur pa tender.

Një alarm që për Italinë nuk është i ri, por që mund ta marrë nota edhe më dramatike nëse refugjatët sirianë zgjedhin Italinë përmes Shqipërisë. E përditshmja La Repubblica shkruan për “rrezikun e një rruge të re Shqipëri- Itali” . Është fjala për një informacion konfidencial të marrë nga burime të Bashkimit Evropian mbi rrezikun e hapjes së një rruge të re të trafikut të emigrantëve nga Shqipëria drejt Italisë.

Konçesioni i fundit i Ministrisë së Shëndetësisë për shërbimin e dializës në Korçë, Lezhë, Vlorë, Elbasan dhe në Shkodër kaloi pa probleme provën e përballjes me median dhe publikun. “BIRN” ngriti në dy shkrime të veta shqetësimin se shërbimi i është dhënë një kompanie e cila nuk ka asnjë përvojë në këtë fushë. Më tej, shpjegimit të qeverisë se kompania në fjalë kishte fituar si pjesë e konsorciumit me Spitalin Amerikan,”BIRN” i kundërvuri faktin tjetër që ngre dyshime: drejtuesja e kompanisë “Evita” rezulton të jetë me lidhje fisnore me një nga drejtuesit e Spitalit Amerikan.

Këtu është vendimi për makinat: http://www.reporter.al/wp-content/uploads/Vendim-i-KM_246_19.03.2015.doc
Këtu: http://transparenca.al/category/post/Transparenca/33/pr-tenderin-e-makin..., përgjigja e transparenca.al, që jep një interpretim që tani rezulton i gënjeshtërt.

Qeveria shqiptare ka ndër mend të blejë 44 makina me qira financiare përmes një procedure prokurimi sekrete të organizuar nga Garda e Republikës. Një vendim i qeverisë i 19 marsit 2015, i cili nuk u publikua në faqen e qeverisë kryeministria.al në atë kohë, urdhëron të gjitha institucionet shtetërore të dorëzojnë te Garda e Republikës fondet që kanë në dispozicion për makinat e titullarëve si dhe ngarkon gardën të kryejë procedurat e prokurimit të mjeteve të reja. (kliko këtu për të lexuar vendimin e qeverisë).