Blloku Bota

Gazetari Michael Wolff, autori i librit "Zjarr dhe Furi" që flet për Presidentin e SHBA, Donald Trump dhe jetën e tij në Shtëpinë e Bardhë ka mbrojtur përshkrimet e ndihmësve të Trump dhe burimet që i besuan atij se çfarë ndodhi në Shtëpinë e Bardhë pas fitores së Presidencës nga Donald Trump.  "Besueshmëria ime është sfiduar nga një njeri që ka më pak besueshmëri se çdo person tjetër në tokë"-tha Wolff.

Duket se Donald Trump kësaj radhe është gozhduar. Publikimi nga revista “New York” dhe gazeta “The Guardian” i pasazheve të një libri me autor, Michael Ëolff, ka nxjerrë në shesh një president aksidental që duket se është aty ku është falë një mrekullie elektorale dhe financiare që mund të ndodhë vetëm një herë. Wolff që ka punuar 18 muaj për librin me titull: “Zjarr dhe tërbim. Brenda Shtëpisë së Bardhë të Trump”, përcjell aty të dhëna të nxehta nga komunikimet private të Donald Trump me njerëzit e fushatës dhe liderë të ndryshëm.

Më 28 gusht, 1963 aktivisti për të drejtat e zezakëve, Martin Luther King mbajti një fjalim para mijëra njerëzve në Uashington, të cilin e quajti “Unë kam një ëndërr”. Por, siç ndodh zakonisht me njerëz që frymëzojnë kur flasin për ndryshim, barazi apo liri edhe fundi i pastorit nga Atlanta ishte destinuar: Ai u vra më 4 prill 1968, në moshën 39-vjeçare teksa kishte planifikuar “Marshimin e të Varfërve” në Uashington.

Ministri i qeverisë serbe të Ana Brnabiç, Nenad Popoviç, ka deklaruar në një intervistë për gazetën “Vecernje Novosti” se punonjësve të Qendrës ruse Humanitare të Nishit, duhet t’u jepet status diplomatik.

Presidenti francez Emmanuel Makron u pozicionua të mërkurën në favor të vazhdimit të një "dialogu të përhershëm" me Teheranin, duke thënë se vendet si Izraei dhe Arabia Saudite që kanë denoncuar vazhdimisht marrëveshjen mbi programin bërthamor të republikës islamike të Iranit me SHBA, po ndjekin një rrugë që "çon në luftë me Iranin".

Ish-këshilltari i Donald Trump, Steve Bannon tha se takimi i djalit të Donald Trump me një avokat të qeverisë ruse në qershor të vitit 2016 ishte "jopatriotik", duke iu referuar përmbledhjes që Guardian i ka bërë librit të ardhshëm të Michael Wolff mbi Shtëpinë e Bardhë dhe Trump.

Katër  përfaqësues të Vetëvendosjes janë dënuar me burg për veprime të kryera në sallën e Kuvendit të Kosovës. Mediat vendase njoftojnë se Gjykata Themelore e Prishtinës ka shpallurt fajtorë dhe ka dënuar Albin Kurtin, me 1 vit e 6 muaj burg, Donika Kadaj Bujupi, 1 vit e 6 muaj, Albulena Haxhiu me 1 vit e 3 muaj dhe Faton Topalli me 1 vit e 3 muaj burg.

Gazeta “South China Morning Post”, me bazë në Hong Kong, publikon sot shkrimin e një analisti kinez që flet për mundësinë e pushtimit të Tajvanit nga Kina në vitin 2020.

Gazeta i referohet fjalimit të presidentit kinez, Xi Jinping, mbajtur në kongresin e 19-të ku foli për “ribashkimin si një strategji themelore të një ere të re të Kinës”. 

“Sipas raportit kjo erë e re i referohet periudhës nga tani deri në mesin e këtij shekulli. Deri në vitin 2050, Kina duhet të ketë arritur rilindjen e kombit kinez dhe të jetë bërë një fuqi socialiste moderne”, shkruan gazeta. 

30 minuta pas lindjes së fëmijës sërish në rrugë për të prostituuar. Ngjarja ka ndodhur në qytetin anglez, Hull, dhe njoftohet nga Daily Mail.

“Një femër lindi një fëmijë dhe pas 30 minutash pas kishte lindur u kthye në rrugë. Kjo është sat ë dëshpëruara janë disa femra”, citohet Jacqui Fairbanks, një punonjës policie i zonës.  Rasti është trajtuar edhe nga disa media të tjera, ndërkohë që i njëjti punonjës policie thotë se femrat që prostituojnë janë në një gjendje të tillë që nuk pranojnë asnjë këshillë, apo asnjë mënyrë daljejej nga qarku ku kanë hyrë.

Kroacia nuk pranon të zbatojë vendimin e gjykatës së arbitrazhit që i dha të drejtë Sllovenisë për një rrip detar në gjirin e Piranës. Në një intervistë televiIve të këtyre ditëve, ministrja e Jashtme dhe për Çështjet Europiane, Marija Pejcinovic-Buric, ka deklaruar se do të përdoret çdo mjet për të ruajtur atë që ajo e quajti tokë kroate. 

“Bija kufitare me Slloveninë u caktua në vitin 1991 dhe asgjë nuk ka ndodhur në terren. Ky është padyshim territor kroat dhe asnjë ligj slloven nuk mund të zbatohet në territorin e Kroacisë”, tha ajo.