Blloku Bota

Parlamenti maqedonas ka ratifikuar Traktatin e Fqinjësisë së Mirë me Bullgarinë. Me 61 vota pro dhe një abstenim, Kuvendi ka harur rrugën e një raporti të ri mes të dyja vendeve në konflikt diplomatik që nga fillimi I viteve ’90 të shekullit të kaluar.

Traktati u prezantua nga të dy qeveritë në muajin gusht të vitit 2017 me ardhjen në pushtet në Shkup të Zoran Zaev. 

Duhet thënë se ky i fundit ka hapur një sërë procesesh çtensionuese me fqinjët, si me Greqinë për çështjen e emrit, apo edhe me Shqipërinë për çështjen e zbatimit të Marrëveshjes së Ohrit.

Presidenti rus Vladimir Putin e krahasoi komunizmin me krishterimin, ndërsa mauzoleun e Vladimir Leninit në Sheshin e Kuq të Moskës me eshtrat e shenjtorëve të Kishës Ortodokse në malin Athos dhe gjetkë. I cituar nga televizioni Rusia 1, presidenti rus foli për ngjashmëritë mes ideologjisë komuniste dhe besimit të krishterë.

Izraeli "i dha fund" marrëveshjeve së Oslos të vitit 1993 mbi autonominë palestineze, tha të dielën Presidenti i Autoritetit Palestinez, Mahmud Abbas. "Unë them se nuk ka më Oslo" –deklaroi ai në një takim të Këshillit Qendror të Organizatës Çlirimtare Palestineze, duke iu përgjigjur  pyetjeve mbi njohjen nga Donald Trump të Jerusalemit si kryeqytetin e Izraelit.

Parlamenti grek ka votuar të martën një ligj që e normon Sheriatin si kod ligjor opsional për pakicën myslimane. Sipas ligjit të ri grek, zbatimi i Sheriatit kufizohet në Thrakë ku edhe është përqendruar një pakicë myslimane.

Sipas kryeministrit grek, Alexis Tsipras, ky është një “hap historik” pas ai zgjeron “barazinë e qytetarëve para ligjit për të gjithë grekët”.

Në Turqi është arrestuar disa ditë më parë një tjetër person si i dyshuar për vrasjen e ambasadorit rus në Ankara, Andrey Karlov. Mediat turke raportojnë se personi është punonjës i Autoritetit për Komunikacionet dhe Teknologjitë dhe emri i tij  nuk bëhet publik. 
Për vrasjen e Karlov, ndodhur live në media më 19 dhjetor 2016, u arrestua vrasësi Mevlut Mert Altıntaş, polic 22 vjeçar. 
Po kështu për këtë ngjarje janë arrestuar më herët edhe 6 persona të tjerë, mes të cilëve edhe një drejtues televizioni. 

Bashkimi Europian duket se ja doli me sukses të krijojë një problem të qëndrueshëm mosbesimi me Turqinë e Erdoganit. Pas përplasjeve të dy viteve të fundit për çështjen e emigrantëve dhe përfshirjen në perocesin zgjedhor në Turqi, ka ardhur propozimi gjerman sipas të cilit Turqia të mos pranohet si anëtare e bllokut, por të konsiderohet partner i privilegjuar.

Ankaraja zyrtare nuk e ka pritur mirë këtë propozim që u ritheksua së fundmi edhe nga presidenti francez Emanuel Macron.

Kryeministri kroat, Andrej Plenkovic ka deklaruar se SLlovenia dhe Kroacia janë shumë afër një marrëveshjeje për kufirin, pavarësisht se çfarë thuhet në media. Prononcimi i tij citohet nga agjencia HINA dhe sipas tij, modeli i propozuar nga Zagrebi zyrtar është një premisë shumë e mirë për zgjidhje.

“Edhe njëherë e përsëris – e mendoj se jemi shumë afër një zgjidhjeje sesa duket në public. Ne kemi shpjeguar qëndrimet tona palës sllovene sikurse partnerëve tanë në BE”, tha Plenkovic nga qyteti jugor Solin.

Revista gjermane “Spiegel” ka dalë me një kopertinë të fortë stigmatizuese ndaj presidentit amerikan Donald Trump: “Epoka e zjarrit dhe tërbimit”, duke ironizuar reagimin e Trump ndaj librit me të njëjtin titiull të gazetarit Michael Wolff. Revista e sqaron në faqen online arsyen e kopertinës, përmes një shënim të zv.kreredaktores, Susanne Beyer, sipas së cilës kopertina dhe shkrimi ecin më tej në kontekstin e ekspozimit të presidentit pas publikimit të librit.

Gazeta “Zëri” në Kosovë raporton sot se në muajin prill do të depozitohet projektligji për transformimin e Forcës së Sigurisë në ushtri të rregullt.

Gazeta referon burime nga  Ministria e Forcës dhe e Sigurisë së Kosovës, sipas të cilave procesi gjithsesi pritet të jetë i ndërlikuar. Për transformimin e FSK-së në ushtri janë të nevojshme edhe ndryshimet kushtetuese që duhen miratuar me 2/3-t e votave nga grupet parlamentare të partive joshqiptare në Kuvend.

SHBA nuk vlerëson se në hapësirën shqiptare në Ballkan ka një problem me ndikimin rus. Në një dokument të publikuar në datën 10 janar, për llogari të Komitetit mbi Marrëdhëniet me Jashtë në Senatin e SHBA, titulluar: “Sulmi asimetrik i Putin mbi demokracinë në Rusi dhe në Europë: Implikimet për sigurinë kombëtare të SHBA”, qeveria amerikane nuk e përfshin hapësirën shqiptare në rrezen e këtij rreziku.