Blloku Bota

Turqia ka nisur operacionin tokësor kundër kurdëve peshmerga në Siri duke nisur që nga ora 11:05 e ditës së sotme. Lajmi është njoftuar nga kryeministri turk, Binali Yildirim gjatë një bisede me gazetarë dhe ai pason goditjet ajrore në Afrin, ku është përqendruar edhe e ashtuquajtura foprcë kufitare kurde që është krijuar nga SHBA.

Ndërmjetësi i OKB-së, Mattheë Nimetz konfirmoi në një intervistë me kanalin "Sitel" të Maqedonisë se pesë emrat që kanë dalë në media janë të përfshira në propozimet e tij. 
Nimetz vuri në dukje se pikëpamja që ka formuar nga bashkëveprimi me maqedonasit është se "ata kanë një identitet shumë të fortë", i cili nuk është ndërtuar 25 vitet e fundit, por ekzistonte: "Kishit identitet kur keni qenë pjesë e Jugosllavisë, Mbretërisë së Serbisë, Perandorisë Osmane, prandaj besoj se idetë e paraqitura nuk janë për ta dëmtuar, por për të forcuar atë".

Vetëm një vit pas inaugurimit të Donald Trump në presidencën amerikane, Shtetet e Bashkuara po shkojnë drejt pezullimit të  disa agjencive federale pas refuzimit nga senati të një projekligji për financimin e buxhetit. Republikanët, që kanë 51 vende në senatin 100 vendesh nuk arritën t'i bindin demokratët që të bëjnë 60 votat e nevojshme për për financimin e shtetit federal deri më 16 shkurt.

Gazeta turke “Hurriyet” shkruan sot se se trupat ushtarake ruse po largohen nga Afrin, rajoni risian, ku mendohet të ketë qendrën forca kufitare e krijuar nga SHBA e që do të ketë si bërthamë trupat kurde. Vendimi i Moskës vjen një ditë pas bisedimeve mes Rusisë dhe Ankarasë, të cilat u zhvilluan në nivel ushtarak dhe të shërbimeve sekrete. Konkretisht mes shefit të Shtabit të Ushtrisë turke, gjeneralit, Hulusi Akar, kreut të shërbimit sekret, Hakan Fidan me shefin e Shtabit të Ushtrisë ruse, general, Valery Gerasimov.

Bashkëthemeluesja e kompanisë së sigurisë kibernetike, Kaspersky, Natalya Kaspersky, ka deklaruar gjatë një prezantimi në universitetin ITMO në Shën Peterburg se Bitcoin, apo kriptomonedha që po trondit tregjet ndërkombëtare, është sajesë e shërbimeve inteligjente amerikane.

Miliarderi George Soros ka përsëritur edhe njëherë parlajmërimin e tij për shkatërrimin e Bashkimit Europian. Përmes një interviste të dhënë për “Financial Times”, cituar gjerësisht nga disa media, Soros ka folur edhe për sulmet dhe akuzat që po I bëhen atij dhe fondacionit “Shoqëria e Hapur” për të cilat ai tha se nuk e kushtëzojnë dot aspak axhendën e tij  liberale.

Presidenti turk Reccep Tayyip Erdogan ka kërkuar që NATO të reagojë rreth planeve të SHBA-së për krijimin e një force kufitare në Sirinë Veriore. Sipas Erdogan, “NATO është e detyruar të reagojë kur preken kufijtë e një prej partnerëve të saj”.

“Ne nuk mundemi dhe nuk do të lejojmë mbështetje dhe armatosje të grupit terrorist peshmerga nën emrin e një partneri operacional. Ne shpresojmë se ky gabim do të korrigjohet në kohën më të shpejtë të mundshme”, shtoi ai.

Ambasada ruse në Tiranë ka shpërndarë sot një deklaratë të zëdhënëses së Ministrisë së Jashtme ruse, Maria Zaharova, e cila ka komentuar publikimin e disa dokumenteve që provojnë angazhimin e Perëndimit përkundrejt Bashkimit Sovjetik, për moszgjerim të NATO-s në Lindje.

Zaharova i referohet dokumenteve të publikuara nga Arkivi i Sigurisë Kombëtare në universitetin e “Georgetown” në të cilat pasqyrohet korrespondenca dhe bisedimet e nivelit të lartë mes ish-drejtuesve sovjektikë dhe liderëve perëndimorë.

Bllok Kinës në tregun amerikan të telekomunikacioneve. Reuters raporton se Kongresi amerikan i ka kërkuar kompanisë së njohur AT&T, e dyta për shërbimin ëireless që të ndërpresë të lidhjet tregëtare me prodhuesin kinez. Huwei Technologies Co LTD dhe t’u kundërvihet planeve nga operatori kinez China Mobile LTD për të hyrë në tregun amerikan për shkak të shqetësimeve që lidhen me sigurinë.

Aktivizimi i diskutimit të emrit të emrit zyrtar të Maqedonisë lidhet me dëshirën e SHBA për të anëtarësiar Shkupin me NATO-n.  Kjo pikëpamje u bë e ditur nga Ministri i Jashtëm rus Sergei Lavrov në një konferencë shtypi mbi rezultatet e veprimit të diplomacisë ruse në vitin 2017.
"Për një kohë të gjatë bisedimet për zgjidhjen e emrit Maqedoni ishin në një" situatë apatike. U aktivizian vetëm atëherë kur SHBA vendosi se Shkupi duhet të jetë në NATO"- deklaroi Lavrov.