Blloku Bota

Kjo ka ndodhur në Britaninë e Madhe ku Lordi Michael Bates, ka dhënë dorëheqjen për shkak të vonesës në seancën e pyetjeve të kërkuar nga Baronesha Lister. Bates ka kërkuar ndjesë, e ka konsideruar aktin e tij si shkelje të një satandardi sjelljeje dhe është larguar. Më vonë, në një pronocim për mediat, Baronesha tha se i ka kërkuar Lordit Bates të rikonsiderojë vendimin.

Revista e njohur “The Economist” ia kushtonte edicionin print të datës 25 janar kursit konfliktual ku kanë hyrë fuqitë e mëdha të botës. Revista sjell në vëmendje konfliktet e kufizuara të 25 viteve të fundit dhe ato që ende vazhdojnë, si në Siri, Afganistan, Afrikën Qendrore dhe Irak, për të konkluduar se në botë ka zhvendosje thelbësore gjeopolitike të cilat e sfidojnë rrënjësht rolin e deritanishëm të SHBA.

Donald Tramp zbuti tonet e ashpra kundër emigrantëve dhe i shtriu dorën e bashkëpunimit në Kongres rivalëve demokratë, në fjalimin vjetor i gjendjen e vendit, i njohur botërisht si “State of the Union”. Në një fjalim që zgjati 1 orë e 20 minuta Presidenti amerikan shpalosi planin e ri për emigrantët e jashtëligjshëm, duke lënë të kuptohet se askush nuk do të dëbohet, pas shfuqizimit të të ashtuquajturit “ligj të ëndërrimtarëve” të administratës Obama. 

Bashkimi Europian po e bën përditë e më shumë të qartë se perspektiva e zgjerimit kalon fillimisht nga Serbia dhe Mali i Zi.

Bota shqiptare duket se do të mbahet ende jashtë Europës, ndërkohë që vetë BE-ja përjeton një krizë jo të vogël.

Pas politikave në Siri, presidenti turk, Reçep Tayyip Erdogan, hedh sytë edhe në Ballkan me një nismë diplomatike tripalëshe. Mediat serbe raportojnë për një takim tresh në Stamboll mes tij dhe presidentit serb, Aleksandër Vuçiç dhe atij boshnjak, Bakir Izetbegoviç.

“Pritet që temë e takimit të jenë marrëdhëniet dhe bashkëpunimi në rajon, politika turke në ballkan dhe e ardhmja e autostradës Beograd-Sarajevë”, raporton B92.

Administrata e presidentit amerikan Donald Trump planifikon të shtetëzojë rrjetin e celularëve me synim mbrojtjen nga aktivitetet e Kinës.

Në Kosovë, parlamenti është thirrur në seancë të jashtëzakonshme për ndotjen e ajrit në Prishtinë. Lajmi bëhet i ditur nga mediat kosovare që i referohen një njoftimi të kreut të Kuvendit, Kadri Vesesli sipas të cilit seanca do të zhvillohet “që të kërkojmë nga të gjitha institucionet ndërmarrjen e masave të menjëhershme konkrete për përmirësimin e kësaj gjendjeje. Po ashtu, është e nevojshme që të kemi një plan nacional të mirëfilltë dhe afatgjatë, me të cilin do të evitohej kjo situatë që po na përsëritet”.

Policia ruse ka arrestuar kreun e opozitës Alexei Navalny pak para se të merrte pjesë në një takim ku do të bëbte thirrje për bojkot të zgjedhjeve presidenciale të18 marsit që sipas tij janë të fiksuara.  Ai është liruar pas protestave që janë zhvilluar në Moskë.

Задержание одного человека теряет малейший смысл, если нас много. Кто-нибудь, придите и замените меня pic.twitter.com/TODVdF5lEm

Teksa Shteti Islamik humbi një nga fshatrat e tij të fundit në Irak, Brett McGurk, i dërguari i posaçëm i SHBA-së në koalicionin që luftoi ISIS shkruajti në në Tëitter se kalifatit "të rremë"po i vjen fundi". Është e vërtetë se Shteti Islamik ka humbur pjesën më të madhe të territorit të të tij i cili në në vitin 2014 përfshinte rreth një të tretën e Irakut dhe gjysmën e Sirisë.

Para tri ditësh bëri njëfarë buje lajmi se besimtarët myslimanë në Kosovë po luteshin për suksesin e fushatës turke në Siri. Duket se nuk janë vetëm. Një lajm vjen nga Turqia që “zë disi në befasi”, teksa njoftohet se mbështetjen për operacionin antikurd “Dega e Ullirit”, presidenti turk, Reçep Tayyip Erdogan e ka marrë së fundmi edhe nga Patriarku Orthodhoks i Stamboollit, Bartholomeu I.

Mediat raportojë për një letër të tij drejtuar Erdoganit, përmes së cilës shpreh mbështetjen për fushatën turke dhe uron fitoren.