Blloku Bota

 Bashkimi Europian ka paralajmëruar Turqinë për veprimet dhe kërcënimet e saj ndaj Qipros për kërkimin e gazit dhe naftës në Egje.

“Turqia duhet të angazhohet në mënyrë të qartë ndaj fqinjësisë së mirë dhe të shmangë çdo lloj burimi për fërkime, kërcënime apo veprime që drejtohen kundër një anëtari të BE-së”, citon EuObserver një zëdhënës të Komisionit Europian.

Sipas zëdhënëses në fjalë, sjellja e Turqisë dëmton marrëdhniet e fqinjësisë së mirë dhe zgjidhjen paqësore të konflikteve.

Ish-presidenti gjeorgjian, Mikahil Saakashvili duket se është rrëmbyer në Kiev. Lajmin e ka dhënë ndihmësi i tij, Yuri Derevyanko sipas të cilit, Saakashvili është rrëmbyer nga persona të panjohur të maskuar. Këtë informacion e ka konfirmuar edhe Ministria e Brendshme e Ukrainës.

Borxhi i madh publik, presioni nga migrimi, euroskepticizmi në rritje dhe pasiguria politike janë shqetësimet më të mëdha për ekonominë e tretë më të madhe në eurozonës. Kjo është arsyeja pse Italia, e cila po shkon për zgjedhje më 4 mars, është në qendër të vëmendjes.

Koalicioni i 81- vjeçarit, Silvio Berlusconi me ekstremin e djathtë të Lega Nord renditet i pari në sondazhe me 37-38%  dhe mund të arrijë në 40%, që konsiderohet si pragu për formimin e një qeverie.

Ministri i Jashtëm i Turqië, Mevlut Cavushoglu është shprehur se marrëdhëniet me SHBA-të janë në një pikë shumë kritike.

Lidhjet me SHBA kanë qenë në një pikë shumë kritike. Ato ose do të normalizohen, ose do të prishen tërësisht

citohet Cavushoglu.

Karnavalet në Portugali nuk kanë kursyer drejtuesit kryesorë politikë të botës, apo më mirë ata që janë në qendër të lajmeve.

Presidenti rus, Vladimir Putin, ai amerikan, Donald Trump dhe kreu i Koresë së Veriut, Kim Jong-un janë paraqitur si peshkaqenë apo në pozicione tallëse.

Karnavalet u organizuan në Torres Vedras dhe njerëzit dolën me mijëra pavarësisht shiut. Edhe Merkel e paraqitur si sirenë nuk I mungonte dekorit të aktivitetit që i kushton shumë vëmendje satirës politike.

Administrata e presidenit amerikan Donald Trump ka ndërmend të privatizojë Stacionin Ndërkombëtar Hapësinor. 
Lajmi bëhet i ditur nga gazeta “The Washington Post” që referon dokumente të NASA-s në të cilat hidhet dritë mbi ndërprerjen e financimeve pas vitit 2024.

Një këngëtare e re myslimane, me origjinë siriane është detyruar të largohet nga show “The Voice” që organizohet në Francë, për shkak të komenteve shumë negative në rrjetet sociale.

Mennel Ibtissem mori vlerësime maksimale nga juria e “The Voice” për këngën “Hallelujah” të Leonard Cohen që e këndoi në anglisht dhe arabisht. Arsyeja e zemërimit dhe komenteve negative ishte paraqitja e saj me një shami në kokë çka provoi shumë zemërim te rrethet e së djathtës ekstreme dhe shekullare.

Turqia është vazhdim I Perandorisë Osmane. Kështu është shprehur presidenti turk, Recep Tayyip Erdogan gjatë një fjale të mbajtur me rastin e 100 vjetorit të vdekjes së sulltan Abdylhamidit. 
“Republika e Turqisë, njësoj si shtetet tona të mëparëshme që janë vazhdim i njëri – tjetrit, është gjithashtu vazhdim i otomanëve. Sigurisht kufijtë, format e qeverisjes kanë ndryshuar. Por esenca është e njëjtë, shpirti, madje edhe institucionet”, tha ai. 

Më 29 tetor 2018 në Stamboll do të hapet aeroporti i tretë, sipas një deklarate të bërë nga ministri turk i Transportit,  Ahmet Arslan. Ai tha për agjencinë shtetërore të lajmeve Anadolu se 80% e punës së ndërtimit të aeroportit ka përfunduar, ndërsa Turqia pretendon se ai do të jetë një nga aeroportet më të mëdhenj në botë, i ndërtuar në mënyrë të tillë për të përballuar fluksin në rritje të pasagjerëve.

Kim Yo-jong, motra e dikatorit koreanoverior Kim Jong-un ka mbërritur në Korenë e Veriut sot në Korenë e Jugut në kuadër të Lojërave Olimpike Dimërore. Yo-jong është pjesëtarja e parë e familjes sunduese të Phenianit që kalon zyrtarisht kufirin shtetëror që nga Lufta e Koresë.