Blloku Bota

Turqia dhe Rusia nënshkruan marrëveshjen për furnizimin e Ankarasë me raketat ruse tokë-ajër të modelit S-400.  Marrëveshja me vlerë rreth 2.5 miliardë $, ka shkaktuar shqetësim në Perëndim për shkak se Turqia është një vend anëtar i NATO-s dhe ky sistem nuk mund të integrohet në strukturën ushtarake të aleancës.

Ish-ministri i Jashtëm i Francës, Bernard Kouchner kërkon që Bashkimi Europian të bojkotojë presidencën austriake. Përmes një letre të publikuar në gazetën “Le Monde”, Kouchner e cilëson kabinetin e ri qeveritar të Austrisë si trashëgimtar të Nazizmit, duke iu referuar aleatëve të ekstremit të djathtë të kancelarit Sebastian Kurz. 
Letra është firmosur edhe nga Benjamin Abtan, themelues i European Grassroots Antiracist Movement dhe  Beate dhe Serge Klarsfeld, themelues të “Sons and Daughters of Jewish Deportees” nga Franca.

Ahed Tamimi është vetëm 17 vjeçe dhe është kthyer në një nga simbolet e rezistencës palestineze ndaj izraelitëve. Kjo për shkak se bashkë me kushërirën e saj sulmuan me gurë dy ushtarë izraelitë Indinjatën e saj kundër regjimit izraelit ajo e ka shprehur kohë më parë kur ende fëmijë kafshoi dorën e një ushtari izraelit duke u përpjekur të ndalojë arrestimin e një djali palestinez. Fotoja bëri xhiron e internetit.

Mediat koreanougore raportojnë për kontrabandë nafte mes Koresë së Veriut dhe Kinës duke shpërndarë me këtë rast edhe fotot përkatëse.

Që nga muaji tetor raportohen 30 raste dhe mënyra e kontrabandimit është rreshtimi i çisternave kineze me njësi detare të Koresë së Veriut në Detin e Verdhë.

Fotot satelitore janë shpërndarë nga agjencitë amerikane dhe konfirmojnë se Pekini zyrtar po mban në jetë regjimin Korean.

Media të ndryshme në rajon po i bëjnë jehonë një deklarate të Daut Haradinajt, vëllai i kryeministrit të Kosovës, Ramush Haradinajt, sipas të cilit një arrestim nga Gjykata Speciale, do të aktivizonte sërish UÇK-në. 
Deklarata u bë për Klan Kosova dhe reflekton tensionin në rritje për çështjen e ngritjessë Gjykatës që e vendos Kosovën dhe luftën e saj në kontekstin e ekuivalencës kriminale me veprimet e forcave serbe. 

Thuajse gjysma e gjermanëve nuk dëshirojnë që kancelarja Angela Merkel të qëndrojë në detyrë edhe për një mandat tjetër 4-vjeçar. Vlerësimi vjen nga një sondazh i kryer nga kompania e anketimeve YouGov dhe agjencia gjermane e lajmeve DPA.

47% e pjesëmarrësve u shprehën kundër qëndrimit të Merkel në krye të vendit, 36% pro, ndërsa 17% ishin të pavendosur. Mbështetja ndaj kancelares ka rënë ndjeshëm në 3 muajt e fundit, që përkon edhe me krizën politike që ka mbërthyer Gjermaninë

2017 ishte viti i fitores mbi Shtetin Islamik, i cili ka humbur pothuajse të gjithë territoret e "kalifatit" në Siri dhe Irak, megjithatë, ekspertët thonë se organizata mbetet ende një kërcënim. Në orët e para të vitit 2017 një i ri Uzbek, i cili u deklarua si "ushtar i kalifatit", hapi zjarr me një kallashnikov në një klub nate në Stamboll, duke vrarë 39 persona.

Erdhi në pushtet me ndihmën e mediave sociale dhe internetit, por sot paralajmëron për rreziqet që ato bartin për shoqërinë. 
“Po gërryejnë debatin qytetar”, është shprehur ish-presidenti amerikan, Barack Obama gjatë intervistës së parë qëkurse la detyrën në Shtëpinë e Bardhë. 
“Një nga rreziqet e internetit është se njerëzit mund të përjetonnë realitete krejtësisht të ndryshme”, vijoi Obama gjatë intervistës me Princin Harrye në programin “Sot” të Radio 24 në BBC.

Informacione se vrasës me pagesë nga Turqia synojnë të godasin akademikë turq, gazetarë dhe shkrimtarë në Gjermani, të cilët janë larguar nga vendi gjatë qeverisjes së  Partisë  së Rexhep Taip Erdogan) kanë trazuar politikën e brendshme në Turqi. Paralajmërimin e dha gjatë një konference shtypi në parlamentin turk, deputeti filokurd me origjinë armene Garo Pailan.

Departamenti amerikan i Shtetit dhe ai i Mbrojtjes pritet të publikojnë vitin që vjen një raport që hedh dritë mbi bashkëpunimin e vendeve të Ballkanit Perëndimor me ShBA-në dhe Rusinë. 
Përmes këtij raporti do të sqarohet pesha që zë një fuqi dhe një tjetër në marrëdhëniet me vende të rajonit tonë. Raporti vjen në një kohë kur propaganda perëndimore ka kohë që flet për rrezikun rus dhe për depërtimin e enteve të asociuara me Kremlinin në politikën e vendeve të kësaj zone.