Blloku Bota

Gazetari i njohur grek, Alexis Papaxellas shkruan për rrezikun e humbjes së kontrollit të botës Ortodokse  nga Kostandinipoja.

Në një analizë të shkurtër ai thotë se është koha që Fanari  të marrë vendimet e tij para se të jetë tepër vonë për çështjen e zgjedhjes së Kryepeshkopit Orthodhoks të Amerikës, komunitet që përbën një forcë të madhe të lobit grek në Shtetet e Bashkuara.  

Me një pamje prej djaloshi, kryeministi ri ri i Austrisë Sebastian Kurz ka tërhequr vëmendjen e të gjithëve. Mënyra se si ai kapërceu shkallët hierarkike në politikë duket se ka thyer “rekordet” e mëparshme nga lideri i Koresë së Veriut Kim Jong, nga Presidenti Francez Emanuel Macron apo edhe kryeministri kanadez Justin Trudeau, të cilët deri më tash janë konsideruar si udhëheqësit më të rinj në botë.

Ministri i Jashtëm i Turqisë, Mevlut Cavusoglu, ka deklaruar në Parlament se ishujt e Egjeut janë çështje e hapur me Greqisë. Ai ka debatuar për këtë me opozitën duke zbuluar se në Ministrinë e Mbrojtjes është krijuar një ekip i posaçëm.

Një deklaratë që do të diskutohet gjerësisht është ajo e presidentit të Komisionit Evropian Jean-Claude Juncker. I pyetur në lidhje me formimin e qeverisë së re në Austri dhe pjesëmarrjen e partisë së ekstremit të djathtë FPO në kabinet, Juncker u tregua i gatshëm të bashkëpunojë me to, duke marrë si shembuj eksperiencën e tij me disa vende të Ballkanit.

"Unë punoj me partnerin e ekstremit të djathtë të kryeministrit Tsipras, me partitë e ekstremit të djathtë në Bullgari, Slloveni dhe gjetkë, pse të ekzagjerojmë çështjen e Austrisë kur bëhet fjalë për raste të tjera?"

Mediat serbe raportojnë sot për vizitën e presidentit Aleksander Vuçiç në Rusi dhe për mesazhet e përcjella prej tij pas takimit me homologun rus, Vladimir Putin. 

Hyrja e ekstremit të djathtë në koalicionin e ri në Austri shënon një pikë "të rrezikshme" kthese për politikën evropiane, ka theksuar të hënën Komisioneri i Lartë i Kombeve të Bashkuara për të Drejtat e Njeriut, Raad Al Hussein Zeidan. Gjatë një intervistë me AFP, ai tha se grupe të caktuara po përpiqen të "shfrytëzojnë frikën" për qëllime politike në Europë .

Marrëveshja bërthamore mes SHBA dhe Iranit ka patur kostot e veta që zbulohen së fundmi. Media të ndryshme po referojnë një raport të publikuar nga Politico, sipas të cilit, administrata e Barack Obamës ndërhyri për të prishur një operacion të organizuar nga CIA dhe DEA kundër grupit shiit Hezbollah që mbështetet gjerësisht nga Teherani zyrtar. Operacioni që në fakt konsiderohet si fushatë e vërtetë, koduar me emrin “Projekti Kasandra”, synonte goditjen e linjave të trafikut ndërkombëtar të kokainës që lidheshin me Hezbollahun.

 Presidenti i Francës, Emmanuel Macron deklaroi gjatë një inerviste për “France 24” se Bashar al-Assad do të qëndrojë në pushtet. Sipas tij, është situata në terren ajo që e përcakton një gjë të tillë.

“Bashar al-Assad do të jetë aty. Ai do të jetë sepse ai është i mbrojtur nga ata që kanë fituar luftën në terren, pavarësisht nëse është Irani apo Rusia”, citohet Macron. 

Një gjykatë në Kinë ka dënuar me vdekje 10 persona, të akuzuar për trafik droge apo vrasje dhe grabitje. Gjykimi dhe vendimi është dhënë para mijëra njerëzve që merrnin pjesë në seancën e hapur si spektatorë. Të akuzuarit u ekzekutuan menjëherë pas vendimit të marrë nga gjykata në Lufeng, në jug të provincës së Guangdong.

Kisha Autoqefale e Shkupit kërkoi anëtarësimin në Patriarkanën Bullgare, duke ngjallur reagimin e  Kishës Ortodokse Serbe dhe disa kishave të tjera. Në kërkesë parashtrohej nevoja që Kisha Maqedonase  të dilte nga izolimi në të cilin ajo e gjeti veten pas shkëputjes së Patriarkanës së Serbisë.