Blloku Bota

Në Europë pritet të mësyjnë edhe 6 milionë emigrantë. Të paktën kështu raporton gazeta gjermane “Bild” që referon një raport të klasifikuar të qeverisë gjermane.

Presidenti i SHBA Donald Trump ka vendosur të tërheqë Shtetet e Bashkuara nga Pakti i OKB-së për menaxhimin e krizave të emigrantëve dhe refugjatëve, pasi ai beson se ky Pakt është "i papajtueshëm" me politikën e tij të emigracionit.

"Misioni i Shteteve të Bashkuara në Kombet e Bashkuara ka njoftuar Sekretarin e Përgjithshëm se Shtetet e Bashkuara po ndërpresin pjesëmarrjen  në Paktin Global për Imigracionin, i njohur ndryshe si Deklarata e New Yorkut"- bëri të ditur delegacioni i SHBA në OKB.

Ja një lajm “allosoj” nga Kina. Revista “Diplomat” shkruante dje në një përmbledhje të vetën, për një situatë të pazakontë ku janë vendosur kompanitë e huaja që operojnë në Kinë. Sipas tyre, Partia Komuniste po kërkon të perfshijë njerëz të vet në strukturat menaxhuese të tyre, diçka që është e papranueshme. Kompainitë e huaja kanë ngritur zërin, madje në muajin korrik të këtij viti, ato u mblohën për të diskutuar situatën e krijuar.

Rexhep Taip Erdogan do të jetë në Greqi më 7 dhe 8 dhjetor me ftesë të Presidentit grek, Prokopis Pavlopulos. Presidenti turk do të takohet me udhëheqjen politike të vendit dhe do të vizitojë zonën e Trakës ku jeton një minoritet fetar i besimit islam. Për palën greke dialogu me fqinjët është i rëndësishëm, sidomos në një kohë të vështirë për marrëdhëniet midis dy vendeve.

Mirëqenia e përgjithshme në botë mund të jetë rritur, por bashkë me të, dhe problemet janë shtuar. Dhe ato po shfaqen këmbëngulëse dhe të thella për nga pasojat e veta aty ku pritej më pak. Ushqimi dhe kultura e të ushqyerit është sot një ndër problemet kryesore në botë. Nga njëra anë ka qindra milionë të uritur, nga ana tjetër ka qindra milionë obezë. Të dyja janë faktorë që në fund peshojnë në jetëgjatësinë e njeriut dhe ekonominë globale.

Serbia hedh hapa të tjerë në negociatat për anëtarësimin në Bashkimin Europian. Në datat 11 apo 12 dhjetor, pritet që të hapen negociatat për kapitujt e rinj në një Konferencë Ndërqeveritare në Bruksel.

Lajmi bëhet i ditur nga agjencia serbe Tanjug, që citon burime diplomatike në Bruksel, sipas të cilave pritet një konsensus për këtë nga të 28 vendet anëtare. Bëhet fjalë për tre kapituj që kanë marrë dakordësinë nga 20 vende, por duhet të miraohen edhe nga 8 të tjera.

Diçka serioze ka ndryshuar në Ballkan dhe Serbia duket se po regjistron veten në krahun e fituesit. Pas një dekade izolimi dhe akuze për projektimi dhe zbatim planesh të spastrimit etnik, Beogradi zyrtar gjendet sot në rolin e një protagonisti të paqes dhe stabilitetit. Madje duke u cilësuar nga aktorët ndërkombëtarë si vendi kyç për këtë gjë. Përveç aftësive manovruese të Serbisë, një rol ka këtu edhe ndryshimi i qëndrimeve të komunitetit ndërkombëtar.

Romanovët rikthehen sërish në qendër të debateve në Rusi duke implikuar emoçione negative ndaj hebrejve. Kësaj radhe është një teori e një peshkopi, ajo që ka provokuar debate. Sipas kësaj teorie, që pretendohet se bazohet mbi dy hetime të pavarura, njëri i drejtuar nga Kisha Orthodhokse Ruse, familja Romanov u likujdua përmes një vrasjeje rituale, ose vrasje që kryhet si sakrifiçë. Kjo është akuzë që nënkupton një zakon që I atribuohej në Mesjetë hebrejve që vijnë sërish në vëmendje.

Krizat humanitare në mbarë botën do të përkeqësohen vitin e ardhshëm pasi nuk parashikohet përmirësim i situatës së luftrave civile në Afrikë si dhe asnjë reduktim i dhunës  nga ekstremistët islamikë. Ky është vlerësimi i organizatës jofitimprurëse ACAPS, me bazë në Gjenevë pas vëzhgimit të bërë në 150 vende.

Media të ndryshme po raportojnë për një lëvizje të mundshme në drejtimin e Departamentit Amerikan të Shtetit, Nuk dihet sa e vërtetë është nisur nga fakti se burim i lajmit është New York Times, por sipas këtij informacioni, Rex Tillerson do të zëvendësohet nga Mike Pompeo në detyrën e sekretarit të DASH.

Në vend të Pompeos, aktualisht drejtor I zbulimit amerikan, CIA, thuhet se do të caktohet senatori i Arkansasit, Tom Cotton.