Blloku Bota

Aylo, kompania mëmë e Pornhub, po apelon në Gjykatën e Drejtësisë së Bashkimit Evropian (CJEU) që të shmangë detyrimin për të zbuluar emrat e përdoruesve në seksionin e reklamave, siç kërkohet nga përcaktimi i Aktit të Shërbimeve Dixhitale (DSA).

Lituania ka hartuar një plan emergjence në rast lufte, i cili përfshin evakuimin masiv të qytetarëve. Lajmin e bëri të ditur Ministria e Brendshme lituaneze.

Lituania është duke përpunuar një plan evakuimi masiv të qytetarëve në rast lufte. Agjencia ruse e lajmeve “Tass” citon Ministrinë e Brendshme lituaneze, sipas së cilës Ministria e Brendshme dhe ajo e Transportit po zhvillojnë planin në fjalë duke parashikuar përgjegjësitë përkatëse.

Rreth gjysma e demokratëve të Dhomës së Përfaqësuesve dhe Senatit zgjodhën të qëndrojnë larg një fjalimi që kryeministri izraelit Benjamin Netanyahu mbajti para një sesioni të përbashkët të Kongresit Amerikan të mërkurën.

Ftesa për të marrë pjesë në seancën ku do të ishte i pranishëm Netanjahu i ndau ligjvënësit amerikanë, veçanërisht demokratët.

Në Hungari, trendi i nisur nga republikanët pro Trump pas atentatit që iu bë këtij të fundit dy javë më parë, ka ngjitur më shumë se kudo tjetër. Fasha mbi veshin e djathtë në Konventën Kombëtare të Republikanëve gjashtë ditë më parë ishte një mesazh mbështetjeje për ish-presidentin që kërkon një mandat të dytë.

Trendi i veshit të fashuar ra në sy menjëherë edhe në një event vjetor që mban Fidesz, partia e kryeministrit hungarez, Viktor Orban.

Kancelari i Gjermansië Olaf Scholz ka njoftuar se ka ndërmend të kandidojë për t’u rizgjedhur vitin tjetër, pavarësisht kuotave të ulëta

Kështu shkruan “Politico” që vë në dukje kështu se jo vetëm SHBA, por edhe Europa po hyn në epokën e gjyshërve këmbëngulës. Termat janë të njëjtë: ato të një komsomolasi të Perestrojkës së re që ka si reformë kryesore të ruajë status quonë e tanishme.

Në mediat opozitare serbe është publikuar sot një letër që zv.kryetari i partisë opozitare, Liri dhe Drejtësi, Borko Stefanoviç, i ka dërguar kreut të Misionit të OSBE-së në Serbi, jan Braathu. Në letrën e tij, Stefanoviç, shprehet “i shokuar dhe i fyer” nga deklarata e tij se “Serbia ka bërë përpjekje domethënëse në përparimin e reformës në drejtësi, si dhe në luftën kundër korrupsionit dhe krimit të organizuar”.

Ministrja e Jashtme e Kosovës, Donika Gërvalla, ka deklaruar se disa aktorë brenda Bashkimit Europian, po punojnë për ndarjen e Kosovës.

Kievi është gati për bisedime paqeje me Moskën për t'i dhënë fund konfliktit, i ka thënë ministri i Jashtëm ukrainas Dmitry Kuleba homologut të tij kinez, Wang Yi.

Shefi i diplomacisë ukrainase ka bërë një vizitë zyrtare në Kinë – e para që nga fillimi i konfliktit të Ukrainës në shkurt 2022.

Kuleba është shprehur gjatë takimit me homologun kinez se "Ukraina është e gatshme të angazhohet në dialog dhe negociata me Rusinë".

Ministria e Brendshme e Gjermanisë bëri të ditur se ka ndaluar shoqatën e Qendrës Islamike të Hamburgut (IZH) dhe organizatat e saj vartëse, me argumentin se ajo ka prirje radikale islamike.

Autoritetet gjermane bën të ditur se 53 nga ambientet e organizatës në të gjithë vendin janë kontrolluar me urdhër të gjykatës.

Ndër to është edhe xhamia e Hamburgut, një nga xhamitë më të vjetrat në Gjermani dhe degët e saj Frankfurt, Mynih dhe Berlin. Katër xhami shiite janë mbyllur.