Shkenca

Një opinion i publikuar së fundmi në Journal of Epidemiology&Community Health kthen në vëmendje rreziqet shëndetësore të rrjetit të telekomunikacionit 5G. Vitin që shkoi pati spekullime të shumta në media për ndikimin e mundshëm të rrjetit 5G në përhapjen e sëmundjes së CoVid-19, por një gjë e tillë përjashtohet nga shkencëtarët.

Mijëra mutacione të ndryshme gjenetike janë lidhur me kancerin, por një analizë e re e pothuajse 10 000 pacientëve zbuloi se pavarësisht origjinës së kancerit, tumoret mund të ndahen në vetëm 112 nëntipe dhe se, brenda secilit nëntip, proteinat Master Rregullator që kontrollojnë gjendjen transkriptuese të kancerit ishin praktikisht identike, pavarësisht nga mutacionet specifike gjenetike të secilit pacient.

Studiuesit kanë zbuluar se qelizat kancerogjene sillen në mënyrë “hileqare” kur përballen me kimioterapinë. Ato kanë aftësinë të hyjnë në një fazë gjumi në mënyrë që të shmangin kërcënimin që u paraqitet. Sipas studimit të kryer në Universitetin e Torontos, qelizat kancerogjene “marrin peng” një mekanizëm evolucionar të mbijetesës për të kaluar në një gjendje "gjumi" derisa të ndalet kimioterapia. Krijimi i terapive që vë në shënjestër këtë sjellje të qelizës mund të parandalojë rigjenerimin e tumorit. Dr.

Që prej vitit 1960, bakteret dhe mikroorganizmat e tjerë janë bërë më rezistentë ndaj ilaçeve antimikrobiale. Kjo ka sjellë si pasojë rritjen e vdekjeve. Sëmundjet që lidhen me këtë u marrin jetën rreth 700 mijë njerëzve çdo vit, por përllogaritet që kjo shifër mund të shkojë në 10 milionë në vit nëse nuk bëhet diçka. Kjo shifër është shumë më e madhe se numri i atyre që vdesin aktualisht në botë nga kanceri çdo vit. Më pak antibiotikë të rinj po hidhen në treg; klasa e fundit krejtësisht origjinale e antibiotikëve u zbulua në fund të viteve 1980.

"Zbulimi" i materies së errët

Mund të bëjmë njëfarë llogarie sa materie ka universi duke parë lëvizjet e yjeve. Në vitet 1920, fizikantët që u përpoqën ta bënin këtë zbuluan një mospërputhje dhe arritën në përfundimin se duhet të ketë më shumë materie në univers sesa mund të zbulohet. Çfarë do të thotë kjo?

Shpesh flokët e thinjur, sidomos nëse mosha është relativisht e re, i kemi lidhur me stresin. Këtë lidhje e kanë konfirmuar edhe shkencëtarët, të cilët kanë zbuluar një mënyrë të mundshme për ta parandaluar këtë proces.

Në eksperimentet mbi minjtë u vu re se qelizat staminale që kontrollojnë ngjyrën e lëkurës dhe flokëve u dëmtuan pas stresit të fortë.

Burrat dhe gratë fillojnë të thinjen nga mesi i të 30-ave, përgjithësisht në moshën kur kjo u ka ndodhur prindërve të tyre.

Ndërsa Brexit është bërë zyrtarisht realitet, shkencëtarët kanë zbuluar prova të ndarjes origjinale të Britanisë nga Evropa kontinentale. Pothuajse gjysmë milioni vjet më parë, sipas të dhënave të reja, papritmas u krijua kaskadë në brezin e ngushtë të tokës që bashkonte Anglinë dhe Francën.

Studiuesit tregojnë se, si rezultat, kjo kreshtë - një digë natyrore që ndau Detin e Veriut nga Kanali Anglez – u kthye në çarje katastrofike qindra mijëra vjet më vonë në një proces me dy faza, duke e ndarë përfundimisht Britaninë. Rezultati si studimit raportohet në “Nature Communications”.

Është një proces të cilit i nënshtrohen arinjtë, lakuriqët dhe iriqët evropianë. Por së fundmi është zbuluar se edhe njerëzit e hershëm i kanë kaluar dimrat me atë që njihet si gjumi letargjik.

Këtë e provojnë kockat e gjetura në një nga vendet më të rëndësishme fosile të botës. Sipas gjurmëve të gjetura në to, paraardhësit tanë hominidë mund ta kenë përballuar të ftohtin ekstrem qindra mijëra vjet më parë duke fjetur gjatë dimrit.

Më në fund, shkenca ka një përgjigje për pyetjen pse disa njerëz plaken me ritme të ndryshme nga të tjerët. Një studim ndërkombëtar i botuar në revistën shkencore “Nature” ka analizuar të dhënat gjenetike të më shumë se një milion njerëzve dhe ka arritur në përfundimin se ruajtja e niveleve të shëndetshme të hekurit në gjak mund të jetë çelësi për një plakje më të mirë dhe një jetë të gjatë.

Një studim i ri hedh dritë mbi mënyrën sesi truri i kap kujtimet. Studiuesit në Universitetin Bond kanë analizuar në mënyrë specifike mënyrën se si reagon truri kur njerëzit hasin për herë të parë një person ose objekt jashtë kontekstit.

Dr. Oliver Baumann, i cili ka udhëhequr studimin, sjell një shembull që mund t’i ketë ndodhur kujtdo prej nesh: Rastis të takojmë një koleg në supermarket dhe nuk e njohim. Bauman thotë se përgjithësisht, sistemi i kujtesës gjeneron një fotografi që bashkon personin dhe zyrën së bashku.