Politikë

Dy komunikime me mediat dhe/ose me audiencën e gjerë ditën e sotme, njëra e kryeministrit Rama në fb dhe tjetra e drejtoreshës së përgjithshme të tatimeve, Shehaj. Ramën e pyesin për largimet e mëdha të shqiptarëve dhe thotë se janë emigrantët tanë në Greqi që venë në Gjermani. Edhe një seri pyetjesh të tjera marrin përgjigje kodra pas bregut. Drejtoresha më e përfolur e administratës, ajo e tatimeve, nga ana tjetër njofton konferencë për shtyp, por lexon vetëm një deklaratë dhe ikën. Ndoshta për të përgënjeshtruar gojët e liga që mund të kenë thënë se ajo nuk di shkrim e këndim.

Duket se po merr rrugën e tensionimit çështja e Kishës së Shën Athanasit në Dhërmi. Kryeministri Edi Rama, deklaroi sot gjatë konferencës online, se qeveria ka ndërmend të ringjallë një kishë që sipas tij i ngjan një garazhi. Kështu, me guston e vet, kryeministri ka lëshuar këshilltarin Artan Shkreli, që të flasë për misionarë, për paligjshmëri e për çdo gjë tjetër. Në një shtet normal çështjen do ta zgjidhte LIGJI. Por kjo mesa duket nuk po ndodh. Sot zëdhënësi i KOASH, Thoma Dhima, njoftoi se janë nisur drejt Dhërmiut njerëz të INUK-ut.

Asnjë ndryshim në qeveri, marrëdhëniet me Ilir Metën janë të shkëlqyera dhe eksodi i shqiptarëve drejt Gjermanisë nuk ka burimin nga Shqipëria, por nga Greqia. Kryeministri Edi Rama gjatë komunikimit me qytetarët në facebook që nisi në mesditë, duket se nuk sheh asgjë që nuk shkon me qeverisjen dhe vendin. Ja disa pyetje-përgjigje:

-Prape te vegjelit e fukarenjte do ta hane nga lufta me informalitetin?

Perkundrazi! Kjo eshte nje beteje e jashtezakonshme ne mbrojtje te tyre, te konsumatorit dhe biznesit te ndershem qe paguan taksa.

I pari i dërgoi një tufë lule ditën që pasardhësi hyri në zyrën e tij të dikurshme. I dyti, vetëm pas disa muajsh fushatë, zgjedhje dhe sezon veror, e kuptoi që Vlora paska patur shumë problem. Detyrimisht, është  fikur “respekti reciprok” mes Dritan Lelit dhe Shpëtim Gjikës.

Andrea Stefani ka publikuar sot një analizë të gjatë për pasuesit e Berishës, “zelotët e tij” siç i quan ai, duke u zgjeruar mandej në psenë e angazhimit të tij konstant me figurën e Sali Berishës. Stefani thotë se është “kjo dashuri tribale” që i ka zënë frymën Shqipërisë dhe që për rrjedhojë prodhon kritikën e tij dhe të kolegëve si ai. Me këto premisa, analisti në fjalë shton se edhe thirrja për revolucion e tij është në fakt një përpjekje për të ndalur revolucionin në drejtësi. Më tej edhe paragrafi deklarativ që na thotë se shpresa e z.

Sot Artan Shkreli doli sërish për të folur për çështjen e Dhërmiut. Shkreli ka folur në A1 Report, televizion që posedohet nga Carlo Bollino. Ja se çfarë tha ndër të tjera këshilltari i kryeministrit: "Ky vend nuk mund të ndërtohet pa leje dhe nuk mund të degradohet. Kisha ka qenë monument Kulture gjatë gjithë kohës. Kisha gjithmonë ka qenë modeste. Mbi muret ekzistuese është hedhur një soletë betoni, e theksoj mbi muret ekzistuese. Pra kemi një kishë mbi kishë. Nuk ka asnjë vendim ministror që e ka hequr këtë kishë nga monumentet e kulturës.

Marrëdhënia e Shqipërisë(qeverisë shqiptare aktuale) me Gjermaninë kohët e fundit, ka njohur një përmasë të re. Por çfarë është realizuar? Marrëdhënia është interes i ndërsjellë, pra edhe Shqipëria merr pa jep. Le të rendisim disa pika të marrëveshjeve të fundit dhe secili të gjykojë vetë sesi negocion kryeministri i Shqipërisë, apo “lideri i Ballkanit”, siç pretendon një thashethem që bëri shumëkënd për të qeshur:

U bënë muaj tashmë që Gjermania ankohet dhe paralajmëron për emergjencën e imigracionit. Dhe ndonëse vala migratore në masë është nga zonat e luftës, Berlini zyrtar flet për rikthim të regjimit të vizave me vendet e Ballkanit Perëndimor. E pashpjegueshme është se për cilat aryse po kërcënohet të penalizohen vende që përfaqësojnë një pikë në ujë, në “oqeanin” e lëvizjeve migratore. Berlini ka folur për imigracion të organizuar, me kriterin e profesioneve, por nëse u besojmë shifrave që sillen nga Komisioni Europian, shqetësimi që po pompohet me kaq forcë është thjesht Gënjeshtër.

Konflikti i krijuar në Dhëmri për kishën e Shën Athanasit ka ftuar në diskutim, siç mund të pritej, edhe përfaqësues të historiografisë shqiptare. Moikom Zeqo publikon një shkrim të gjatë për jetën e Nilo Catalanos, që flitet se ka varrin aty ku është kisha. Zeqo shkruan madje se “është për t’u habitur, por edhe shqiptarët myslimanë të kësaj krahine ishin të afruar ngushtë rreth misionarëve bazilianë” dhe pyet më tej: “një italian si Nil Katalani u bë një misionar dhe dijetar i shqipes, mos vallë ne duhet ta përdhosim varrin e tij në kishën e Shen Thanasit në Dhërmi?

Nuk kanë përse përballen me njëri tjetrin në studio televizive, thjesht ata debatojnë në distancë. Kryeministri Rama dhe kreu i opozitës, Lulzim Basha kanë debatuar për kasat fiskale dhe për 160 mln dollarët të përfolur nga opozita që i mungojnë buxhetit të shtetit.