Politikë

Tender i ri nga qeveria. Dhe do të jetë për pajisjen me makina të reja për drejtuesit e qeverisë. Tenderi do të zhvillohet në mënyrë sekrete, jo përmes Agjencisë së Prokurimeve Publike, pasi kështu thuhet se ruhet sekreti, meqenëse bëhet fjalë për sigurinë e personaliteteve. “Vizion Plus” raporton se bëhet fjalë për 29 makina, tenderin e të cilave do ta zhvillojë Garda e Republikës. Interesante është se nuk është përcaktuar fondi limit, por bëhet e ditur se tipi i makinës do të jetë “Jaguar”.

“Kjo qeveri ka rënë, sepse nuk mund të jetë edhe qeveria edhe mafia, edhe qeveria edhe korrupsioni. Kjo qeveri ka rënë sepse e ktheu Shqipërinë në një vend qesharak”. Kështu ka deklaruar gjatë fjalës së tij sot në Parlament, deputeti i Partisë Demokratike Astrit Patozi. Ai ka deklaruar se edhe letra e Spartak Brahos që fliste poër destabiizim nga Tom Doshi e Dritan Prifti flet për nivelin ku është katandisur shteti shqiptar. Më tej paralajmërimi: “Ne nuk mund ta lëmë vendin në duart e sekserëve të Edi Ramës dhe Ilir Metës.

Pirro Vëngu as vetë nuk e kishte menduar se puna si shef i kabinetit të ministrit Bushati do t’i hapte telashe qeverisë në planin diplomatik. Asiston prej 2 vjetësh veprimtarinë e ministrit të Jashtëm, të cilit  tani i kërkohet të japë shpjegime lidhur me thirrjen ushtar të krahut të tij të djathtë nga një vend fqinj.

Policia ka shpallur në kërkim administratorin socialist të Njësisë Kaçinar në bashkinë e Mirditës, Petrit Bardhi, i akuzuar për trafik kanabisi drejt Greqisë. Bardhi ka qenë i dënuar më parë për dhënie ndihme për kalim të paligjshëm të kufirit.  Bashkë me të policia shpalli në kërkim edhe vëllain Florian Bardhi, ndërsa arrestoi shtetasin Simon Beqiri si kreun e grupit. Në shtëpinë e këtij të fundit u gjetën 424 kg kanabis që do trafikohej drejt Greqisë. Droga mendohet se ishte ne pronësi të vëllezërve Bardhi.

Shefit të kabinetit të ministrit të Jashtëm, Pirro Vengu, i ka ardhur thirrja për ushtar në Greqi, por deri më tani ky informacion është mbuluar me heshtje nga ministria dhe Ministri i Jashtëm, Ditmir Bushati. Përveç disa deklaratave të zv.ministrit Belortaja në Komisionin Parlamentar me Jashtë, që më shumë e shtuan tymnajën, deri më sot, ministri, një njeri që nuk lë rast pa kërkuar shfaqje publike, e ka kyçur gojën. Opozita e ka cilësuar një skandal dhe ka kërkuar dorëheqjen e Ditmir Bushatit, por kjo nuk merret në konsideratë.

Arben Seferi dhe dy vartës të tij, në kohën kur drejtonte CEZ Shpërndarje, është vënë në ndjekje penale nga Prokuroria e Tiranës.

Spartak Ngjela gjuan edhe një herë. Nuk dihet sa funksionon apo sa ndikim ka, por qasja e tij kundër Edi Ramës, po bashkohet me qasjen antisistem. Për ish-aleatin e ngushtë të Edi Ramës, Perëndimi është një destinacion i panegociueshëm për shqiptarët, të cilët duhet të mbajnë parasysh se kjo mazhorancë mund t’i çojë edhe drejt Moskës apo Pekinit. Ndaj Ngjela sugjeron embargo: “Ne sot humbasim 3 miliardë Euro ndihma strukturuese në vit; sepse kryeministri shqiptar, kjo maxhorancë dhe vëtë opozita, nuk e duan reformën në drejtësi.

Para disa ditësh në media doli lajmi se shefit të Kabinetit të ministrit të Jashtëm, Pirro Vengu, i ka ardhur thirrja për ushtar nga Greqia. Një kërkesë kjo që lidhet patjetër me posedimin e nënshtetësisë greke nga personi në fjalë. Sot kjo çështje është diskutuar edhe në Komisionin Parlamentar me Jashtë, ku ndër të tjera, zv.ministri i Jashtëm, Selim Belortaja ka deklaruar si më poshtë: “Unë di vetëm sa di media. Është lajm i paverifikuar. As personi vetë nuk e di çfarë po ndodh. Pranon që ka marrë më parë një njoftim të tillë dhe e ka refuzuar në mënyrë kategorike”.

Mediat kanë zbardhur debatin e së shtunës në mbledhjen e kordinarorëve socialistë për qarqet e Vlorës dhe Gjirokastrës ku deputetë socialistë shpërthyen në kritika kundër Koço Kokëdhimës. Shkak u bë kërkesa e këtij të fundit për të shtyrë Kongresin e programuar në Janar sipas vendimit të Asamblesë Socialiste. Ndonëse pro këtij propozimi ishte dhe kryeministri Rama siç u vërtetua në mbledhjen e një dite më parë të kreut të qeverisë me grupin e punës për zgjedhjet.

Debati

Kokdhima: Të shtyhet Kongresi i Janarit, nuk del koha për zgjedhjet në PS.

A quhet mungesë pa arsye për 6 muaj rresht kur je në burg? Kjo çështje ka detyruar Këshillin e Mandateve në Kuvend të rrëzojë kërkesën për heqjen e mandatit të deputetit kristiandemokrat, Mark Frroku, i cili ndodhet në qeli. Mazhoranca dhe opozita kanë rënë dakord që t’i drejtohen Gjykatës Kushtetuese për të vendosur, për interpretimin e nenit 71 të Kushtetutës. Por nga ana tjetër Këshilli miratoi heqjen e mandatit të deputetit tjetër socialist, Arben Ndoka, i cili e dorëzoi mandatin para një muaji pas akuzave për përfshirje në prostitucion në Itali.