Politikë

Të dy kanë luftuar që ta shohin në pranga njëri-tjetrin. Tani është radha e Tom Doshit të kallëzojë Spartak Brahon, pas mbylljes së hetimeve për letrën e famshme të destabilizimit që deputeti i LSI-së u përcolli drejtuesve të lartë të Shtetit, përfshi dhe Prokurorin e Përgjithshëm.

Tom Doshi depozitoi në Prokurorinë e Tiraëns kallëzimin për shpërdorim detyre nga Spartak Braho në cilësinë e kryetarit të Komisionit të Sigurisë si dhe për nxitje dhe përhapje të panikut në shoqëri.

Anëtarësimet në parti duket se nuk po e kënaqin kryeministrin Rama. Gazeta Panorama raporton se kryeministri ka kritikuar disa prej deputetëve socialistë për mënyrën e aktivizimit të tyre në bazë. Në mbledhjen e zhvilluar këtë të hënë në selinë e PS-së, Rama ka thënë se “jo të gjithë deputetët po punojnë njësoj”.
Rama ka kërkuar një prezencë më aktive të disa deputetëve në zonat ku ata janë zgjedhur, lidhur me rritjen e numrit të anëtarësimeve dhe organizimin e strukturave lokale.

Pas dorëheqjes Piro Ahmetaj, ish-këshilltar i Presidentit të Republikës, është nxjerrë edhe në rezervë. “Në mbështetje të nenit 93 të Kushtetutës, të nenit 9 të ligjit nr.64/2014, “Për Pushtetet dhe Autoritetet e Drejtimit e të Komandimit të Forcave të Armatosura të Republikës së Shqipërisë”, i ndryshuar, si dhe të nenit 25 pika “d” të ligjit nr. 59/2014, “Për karrierën ushtarake në Forcat e Armatosura në Republikën e Shqipërisë” i ndryshuar,

Kryeministri premtoi sot se për biznesin e vogël do të veprohet me një masë shtesë me synim shmangien e kontrolleve të shpeshta tatimore. Sipas tij ato binzese që janë kontrolluar do të pajisen me një çertifikatë njohëse. Mirëpo kjo masë ngjan të jetë huazuar nga propozimet e opozitës, teksa kreu i saj Lulzim Basha e ka bërë të njohur këtë fakt. “Si çdo kopjim i keq, dhe ky që kryeministri i rrëzuar i ka bërë paketës sonë është i bastarduar, i pjesshëm, demagogjik, ineficent. Kryeministri i rrëzuar e përvetësoi propozimin tonë dhe e shpalli sot para biznesit të vogël.

Kryeministri Edi Rama është qëlluar me vezë, sapo ka dalë nga takimi me biznesin e vogël, zhvilluar sot në ambientet e Fakultetit të Shkencave Sociale në kryeqytet. Mësohet se vezet kanë rënë mbi automjetin e kreut të qeverisë. Policia (sipas të dhënave paraprake, ende jo zyrtare) ka shoqëruar së paku 8 persona si të dyshuar për incidentin. Edhe klima në takimin me biznesin e vogël nuk ishte fort mikëpritëse për kryeministrin që ndeshi në disa pyetje për arbitraritetin në aksionin kundër informalitetin.

Kemi parë qeverinë të këshillohet nga ish-kryeministri Tony Blair dhe të adoptojë modele të Francës dhe Gjermanisë në sheshimin e problemeve me fqinjët, por në fakt në thelb të filozofisë së qeverisjes së majtë qëndrojnë mësimet që vijnë nga historia.  Këtë e ka zbuluar për herë të parë Taulant Balla, teksa përshëndeti anëtarësimin e 250 të rinjve të Librazhdit në Partinë Socialiste.

Në pritje për të konkretizuar marrëveshjen e firmosur me Partinë Socialiste dhe Edi Ramën, Paskal Milo nuk i kursen kritikat për ish-aleatin në opozitë. Milo thotë se qeveria është konsumuar shpejt dhe se për ta shpëtuar nga degradimi ka një zgjidhje që sipas tij lidhet me ndryshimin e emrave të ministrave.

Pas qytetarit dixhital vjen edhe oficeri dixhital. Sali Berisha publikon sot në profilin e vet një denoncim të këtij të dytit, oficerit dixhital, që akuzon sërish ministrin e Brendshëm, Sajmir Tahiri.

Qeveria shqiptare ka marrë më datën 21 tetor të këtij viti një vendim ndryshues i vendimit në fuqi për listën e personave apo organizatave që janë financues të terrorizmit. Lista, siç thuhet në vendim, azhurnohet në përputhje me listat e konsoliduara të OKB-së dhe në emrat e shtuar figuron si person “anëtar, ose bashkëpunëtor me organizatën Al-Qaida” edhe Lavdrim Muhaxheri. Kosovari që është bërë i njohur ka hyrë më lista të tilla që në tetor 2014, por në këtë vit raportohet se është ndarë zyrtarisht edhe Shteti Islamik me organizatën Al – Qaida.

Kreu i organit të Akuzës, Adriatik Llalla, ka dërguar në Preisdencë për dekretim, emrin e 9 kandidatëve për prokuror. Janë oficerë të Policisë Gjyqësore, të cilët kanë kaluar testimin e që pas shpalljes së vendeve vakante në prokuroritë e rretheve Dibër, Sarandë, Mat, Pukë, Tropojë, Kurbin, Gjirokastër, Kukës dhe Krujë, pretendojnë emërimin. Testimi dhe rezultatet e tij ishin kriteri i shpalljes së numrit të vendeve për emërim, pasi siç raportohet, ka nevojë për më shumë prokuroirë.