Politikë

Vendmi i presidentit të ShBA Donald Trump dhe mandej Kongresit për të zhvendosur në Jeruzalem ambasadën amerikane në Izrael po shoqërohet me reagime globale të gjithanshme. Disa media kanë vënë në dukje se ShBA nuk është vetëm në këtë lëvizje kaq tensionuese. Sot Middle East Monitor, shkruante se Arabia Saudite dhe Egjipti janë dakordësuar paraprakisht me vendimin e ShBA, ndërkohë që në frontin e parë kundërshtues është shfaqur Turqia dhe Irani. 

Mbështetje për përshpejtimin e procedurave të hyrjes se Serbisë në BE kërkoi Presidenti serb Aleksandar Vuçiç gjatë takimit me kryeministrat e Greqisë, Bullgarisë dhe Rumanisë në Beograd. Bashkëpunimi i katër vendeve dhe presidenca bullgare do të na japë një mundësi të nxjerrim në pah  idetë e përbashkëta për të ardhmen e Ballkanit, bazuar në "Agjendën e Selanikut" të vitit 2003”-tha kryeministri grek, Aleksis Tsipras pas takimit katërpalësh.

Kryeministri Edi Rama është pritur me fishkëllima sot gjatë fjalës së mbajtur në Panairin e Sporteve të Aventurës. Ai ka replikuar me të pranishmit që duket se i kanë prishur disi humorin kreut të qeverisë. 

Ndërhyrja e ambasadorëve të SHBA-BE në debatin për Prokurorin e Përgjithshëm rihap sërish diskutimin nëse ekspertiza e sugjeruar prej tyre është peshorja e duhur për të dalë nga situata, por pa shkelur Kushtetutën meqënëse leksioni i parë që vjen nga partnerët është shteti ligjor. 

Parlamenti shqiptar miratoi një paketë kushtetuese për reformën në drejtësi. Deri në mbërritjen te kjo votë, asistenca e SHBA-së dhe BE-së ishte strategjike, ndonëse në disa momente shumë eksesive në formë.

Pas reformës në drejtësi në Shqipëri ka një operacion ndërkombëtar që vepron për të mbikëqyrur procesin. Për këtë arsye ndërhyrja e sotme e ambasadës së SHBA dhe BE-së për një cështje teknike, gjithësesi me rëndësi politike, si interpretimi I ligjit për zgjedhjet e prokurorin e ri të Përgjithshëm, është e tepërt dhe duhet kundërshtuar.

Politika i është futur një debati ligjor nëse Adriatik Llallës i mbaron ose jo mandati dhe çfarë parashikon ligji dhe Kushteuta në këtë rast. PD dhe LSI i janë kapur pas teknikaliteteve për të kundërshtuar zgjedhjen e një Prokurori të Përkohshëm siç kërkojnë misionet Euralius dhe OBDAT, ndonëse ka një ftesë të kryeministrit për ta zgjedhur bashkarisht Prokurorin e Përkohshëm. 

Në vetvete debate të tilla bëhen sa herë nuk është mbyllur ndonjë Pazar mes palëve të brendshme për personin që do të përfaqësojë organin e akuzës.

Kryeministri Edi Rama ka ofruar dje përmes një shkrimi në faqen e vet në Facebook një pakt të ri me PD-në. pakti kësaj radhe është për Prokurorin e Përgjithshëm dhe siç argumenton Edi Rama ai do të duhet të hapte një mundësi që negociatat me BE-në të çeleshin në pranverë. 
Nisma e z. Rama është komike dhe e pasinqertë. Komike sepse pas miratimit të reformës në drejtësi, nuk mund të bëhet thirrje për pakt për zgjedhjen e prokurorit që është pjesë e detyrimeve që cakton reforma. 

Drejtoria për Monitorimin e Institucioneve të Pavarura në Kuvend këshillon që zgjedhja e Kryeprokurorit të përkohshëm të bëhet me 84. Memoja që do t’u dorëzohet deputetëve duket se zhbën çdo tentativë për të bërë zgjedhje tranzitore deri në ngritjen e organeve të reja që sipas Kushtetutës kanë të drejtë për të propozuar dhe vijuar me procedurat e zgjedhjes së kryeprokurorit të ri.

Partia Demokratike që përfaqëson partinë më të madhe të opozitës nuk ka mbajtur asnjë qëndrim lidhur me deklaratat e përfaqësuesve të lartë të BE-së se Edi Rama ka bërë një punë të lavdërueshme kundër korrupsionit dhe drogës. Këtu nuk bëhet fjalë për të kundërshtuar çeljen e negociatave të Shqipërisë me Bashkimin Europian, sepse në fund të fundit “qylit” nuk i thuhet jo aq më tepër që çdo afrim me BE-në është në interes dhe favor të vendit, por për të kuptuar mbi cilat premisa zyrtarët e Brukselit janë të lumturuar me Shqipërinë dhe udhëheqjen e saj.  

Kryeministri Rama u gradua sot si “armiku” i korrupsionit nga zyrtarët e lartë të BE-së që premtuan hapje të negociatave të anëtarësimit nëse vazhdohet me këto ritme.  Si Presidenti i Komisionit Zhan Klod Junker ashtu dhe shefja e diplomacisë europiane, Federika Mogerini folën me superlativa për kryeministrin e Shqipërisë dhe punën që ai ka bërë për të luftuar korrupsionin.

Juncker: