Politikë

Një ditë pasi ish-kryetari i Partisë Demokratike Sali Berisha akuzoi ambasadorin amerikan Donald Lu për konflikt interesi në raport me Prokurorin e Përgjithshëm, Adriatik Llalla, kryetari aktual i PD-së, ka dalë me një qëndrim politik që në thelb zyrtarizon nisjen e negociatave me mazhorancën e Edi Ramës.

Sali Berisha beson se Lulzim Basha është zgjedhja e duhur për të rikthyer Partinë Demokratike në pushtet, ndonëse PD humbi 200 mijë vota në zgjedhjet e fundit. Në një intervistë për ABC News ai ka dalë hapur në mbështejtje të Bashës dhe vazhdimësisë së tij në krye të PD-së, duke gjetur gabime sa te këshilltarët e kryetarit të PD-së dhe po aq të vjedhja e votave.

Ish-përfaqësuesi i Lartë për Bosnje Hercegovinën, Wolfgang Petritsch ka dhënë një intervistë për rrjetin gjerman Deutesche Welle, përmes të cilës jep disa konsiderata për Kosovën dhe Shqipërinë. Duke vendosur një metër krahasues për lëvizjet në rajon, ai thekson forcën e Serbisë, kredibilitetin e shtuar të Vuçiç, sidomos me krizën e refugjatëve sirianë duke bërë thirrje që “Serbisë t’i jepet një bonus besimi”.

Krahasimisht me këtë përshkrim, në sytë e Petritsch, Kosova paraqitet dobët dhe madje sipas tij, Kosova është në prag të kolapsit si shtet.

Donald Lu është rishfaqur sot edhe njëherë si zëri i fortë i skenës politike shqiptare që kërkon dënim të nivelit të lartë. Përtej rolit të një ambasadori, kryediplomati amerikan në Tiranë, ka hedhur kritika të forta në drejtim të Prokurorit të Përgjithshëm, por duke lënë të kuptohet se ka një Pazar politik për të vijuar me këtë situatë teatrale krizash pa mbarim.

Saimir Tahiri, ish-ministër i Brendshëm, nuk mund të dalë më nga Shqipërisë. Gjykata e Krimeve të Rënda ka marrë sot vendimin që nuk lejon daljen e tij nga vendi, pak javë pasi ish-ministri udhëtoi drejt Gjermanisë.

Mbledhja e sotme e Komisionit të Sigurisë është shoqëruar me debate dhe akuza. Protagonist është bërë sërish deputeti demokrat Falmur Noka, i cili ka akuzuar qeverinë se ka braktisur të prekurit nga përmbytja. Noka ka marrë fjalën pa leje dhe ja ka dalë të krijojë një situatë të tensionuar, si pasojë e së cilë socialistët kanë lënë mbledhjen. Më poshtë video që tregon sesi Felaj që drejton Komisionin lë detyrën: 

Presidenti i Republikës, Ilir Meta, është shprehur sot për herë të parë për mosdekretimin e Helidon Bendos në detyrën e drejtorit të Shërbimit Informativ. Ai është pyetur gjatë një konference për shtyp me homologun e tij malazez, Filip Vujanoviç, që ndodhet në një vizitë në Tiranë dhe ka dhënë këtë përgjigje: 

Çështje keqkuptimi e quan kryeministri Edi Rama përplasjen me opozitën për zgjedhjen e kryeprokurorit të ri. Nga mbledhja e grupit parlamentar, Edi Rama i propozoi kreut të PD-së Lulzim Basha të mos i mëshojë diskutimeve ligjore, por të pranojë një zgjedhje të dakordësuar bashkarisht. 

Bllokimi i konstituimit  të Këshillit të Lartë të Prokurorisë për shkak të mungesës së kandidaturave nag shoqëria civile, duket se vjen edhe si pasojë e kritereve të forta të vendosura. Sipas drejtueses ekzekutive të Komitetit të Helsinkit, Erida Skëndaj, kërkesat për jurist që janë vendosur në këtë drejtim janë shumë vështirë që të arrihen nga kandidatët. Sipas saj një pjesë e mirë e kërkesave të vendosura janë përmbushur, por nuk është arritur p.sh përfshirja për pesë vite në shoqërinë civile.

Ambasadori i Izraelit në Tiranë, Boaz Rodkin, ka dhënë së fundmi një intervistë për Albanian Daily News, përmes të cilës flet edhe për vendimin e fundit të presidentit amerikan, Trump, për njohjen e Jeruzalemit si kryeqytet. 

Rodkin shpreh mirënjohjen e thellë për Trump, duke cilësuar vendimin e marrë si një akt kurajoz dhe të drejtë. 

“Jeruzalemi ka qenë kryeqytet i popullit hebre për 3000 vjet dhe ka qenë kryeqytet i shtetit të Izraelit për afërsisht 70 vjet. Jeruzalemi ka qenë fokusi i shpresave tona, ëndrrave dhe lutjeve tona për mijëra vjet”, shprehet ai.