Lajme

Organizata Botërore e Shëndetësisë ka ndryshuar sërish udhëzimet e veta për pacientët e prekur nga koronavirusi. Sipas kësaj organizate nuk ka më nevojë për dy tamponë negativë në mënyrë që dikush të konsiderohet i shëruar dhe të dalë nga izolimi. Për OBSh-në tashmë mjaftojnë tri ditë pa simptoma. Konkretisht izolimi përfundon sipas këtyre kritereve:

Për pacientët simtomatikë 10 ditë izolim dhe të paktën edhe tri ditë shtesë pa simtoma përfshirë këtu që nuk duhet të kenë temperaturë dhe simptoma respiratore.

Hetimi i Organizatës Botërore të Shëndetit ndaj pandemisë së koronavirusit duhet të udhëhiqet nga një vend si Zvicra, thotë ish-shefja e OBSH-së, Gro Harlem Brundtland.

Kompania e njohur zvicerane e prodhimit të barnave, Novartis, ka ndërprerë testimin e hidroksilklorokinës si barnë e dobishme kundër koronavirusit. Shkak është bërë mungesa e pjesëmarrësve vullnetarë në këtë testim masiv që duket se janë ndikuar nga rezultatet e testeve të tjera në këtë drejtim.

Vera erdhi dhe qeveria shqiptare e Edi Ramës nuk e humbet rastin të bëhet sërish qesharake. E arrin në mënyrë të përkryer këtë me ministrin e Brendshëm, Sandër Lleshaj, që shfaqet lart e poshtë me kërcënime dhe shantazhe për gjoba dhe dënime penale. Në Sarandë dhe Vlorë vitin e kaluar, Lleshaj kërcënoi për zbrazjen e plazheve nga zaptuesit, një realitet që ka qenë aty për vite të tëra dhe kurrkush nuk është kujtuar të bëjë diçka. Këtë vit, z. LLeshaj është lëshuar poshtë për të kujtuar se askush nuk mund të bëjë ndërtime pa leje.

Sot kryeministri i Shqipërisë, Edi Rama ka konsumuar një shkelje të hapur të ligjit kur përmes një mesazhi të shtirur keqardhjeje njoftoi se Edmond dhe Robert Budina kanë rezultuar pozitivë në testin e CoVid-19. Duke mos respektuar privatësinë ky individ ka bërë asgjë më shumë sesa denoncimin publik të dy të sëmurëve zyrtarë që janë të angazhuar në aktivitet politik kundër tij. Ka përdorur tamponët kundër protestave që po organizohen kundër tij meqenëse tanimë Shqipërinë e tij e administron vetëm me gënjeshtra.

Kryeministri Edi Rama njofton sot se puna për aeroportin ndërkombëtar të Kukësit vazhdon me ritme të larta. Me këtë rast ai përcjell pamje nga terminali ku duket një holl me ca stola dhe një dalje drejt avionit. 

Ky është terminali i një aeroporti ndërkombëtar që lidh Kukësin me…nuk dihet se kë.

Për të shkuar në Kukës ka një rrugë që e kemi paguar sa frëngu pulën por e cila nuk e justifikon ekonomikisht veten. Vëllimi i transportit në të nuk është ai që u parashikua, ndaj edhe kemi kontratën e famshme koncesionare për të cilën pati edhe protesta.

Tani që John Bolton është shpallur armik i administratës Trump për shkak të librit të tij “The room ëhere it happened”, edhe idetë për ndarjen e Kosovës, mund t’i faturohen atij. Në një dalje në Fox News, emisari i SHBA për dialogun Kosovë-Serbi, Richard Grenell ka deklaruar se kjo ide është pikërisht e Boltonit. Thotë Grenell:

Ekspertët e mjekësisë duket se nuk kanë një përgjigje të qartë dhe bindëse për epideminë dhe sëmundshmërinë e provokuar nga koronavirusi.  Në krye të katër muajve nga shfaqja e virusit në formë epidemike, mendimet në vende të ndryshme nuk përkojnë.

Ka ndërruar jetë në moshën 84 vjeçare Sergey Hrushov, djali i ish-liderit sovjetik Nikita Hrushov. Ai jetonte në Providence, Rhode Island në SHBA dhe mbante dy nënshtetësi.

Ai ishte një inxhinier në priofesion dhe ka qenë pjesë e programeve të zhvillimit të raketave, nëndetëseve, anijeve kozmike dhe pajisjeve të destinuara për në Hënë.

Ai ishte aktiv në media dhe ka folur shpesh për periudhën kur vendi drejtohej nga i ati, Nikita, një njeri me rol në histori për denoncimin e veprimtarisë politike të Stalinit.

Eurostat ka publikuar sot të dhënat për vitin 2019 ku rezulton se shqiptarët kishin të ardhura për frymë sa 31% e mesatares europiane, që rezulton më e ulëta për Europën, pa përfshirë Kosovën që bën përjashtim te të dhënat.

Gjithsesi, ajo që mund të konsiderohet paksa pozitive është se në raport me një vit më parë, përqindja ka mbetur e pandryshuar, që do të thotë se vendi ynë ka ngecur në atë që quhet procesi i konvergjencës, çka nënkupton një rritje më të shpejtë ekonomike në krahasim me vendet e zhvilluara, por që gjithsesi nuk është edhe aq shpresëdhënëse.