Lajme

Kryetari i Bashkisë së Tiranës, Erjon Veliaj, ka dhënë një intervistë për gazetaren Eni Vasili. I pyetur për priojektin e hyrjes së Liqenit Artificial, që u debatua shumë para disa kohësh, Veliaj tha: “Në asnjë zonë publike nuk do të ketë ndërtim që prish dhe i merr Parkut të Liqenit. Ama, në një zonë publike, ku janë konviktet e Gardës, palestra e Gardës, ku është kuzhina e Gardës, lavanderia, parkingu i Gardës dhe që është një zonë komplet e papërdorur; pra, nga 10 ndërtesa të kemi një të saktë.

Një ditë pasi ka lançuar nisjen e operacionit kunder informalitetit, Kryeministri Edi Rama ka zbritur në terren. Foto është publikuar nga “Balkanweb” dhe “Panorama.online”. Rama është parë se bashku me drejtoreshën e Tatimeve Brisida Shehaj teksa konsumonin një kafe se bashku. Rama dhe Shehaj konsumuan një kafe në zonën e ish­Bllokut në kryeqytet, nga ku Rama përsëriti atë që tha edhe dje. Sipas tij, “marrja e kuponit tatimor nga qytetarët është një detyrim patriotik”. “Merrni kuponin tatimor sepse shqiptarët, nga konsumimi i 1 milion kafeve, humbin 61 milionë dollarë”, tha Rama.

Ish-ministri i Financave dhe Ekonomisë, Arben Malaj është skeptik lidhur me rezultatet që do të prodhojë aksioni i ndërmarrë nga qeveria më luftën kundër informalitetit në ekonomi dhe evazionit fiskal. Në një intervistë për A1 Report Malaj thotë se qeveria ka gjetur mënyrën e gabuar për të rritur të ardhurat e munguara në buxhet.

Drejtoresha e Tatimeve, Briseida Shehaj, ka bërë një punë shumë të mirë. Kryeministri ka dhënë vlerësimin e vet, por me gjasë edhe ndonjë mesazh, se Shehaj, mbetet e pacenuar në pozicionin e vet: "Për ta mbyllur, dua të theksoj se hop-i i madh që është bërë me TVSH-në, falë punë të shkëlqyer që ka bërë në radhë të parë Drejtoresha e Tatimeve edhe sistemi i tatimeve për të cilën meritoni përgëzime nuk është shoqëruar me të njëjtin hop tek tatim-fitimi. Dhe ky operacion duhet të vlejë pikërisht për këtë gjë.

Kryeministri e cilësoi si gjendje lufte situatën e informalitetit ekonomik e tregtar në Shqipëri.

Ka nisur beteja kundër informalitetit dhe qeveria vetë ka krijuar pritmëri thuajse absolute për këtë operacion. Çdo gjë mbetet për t’u parë, pasi jemi ende në fazën e spektaklit të kuponave në shitësit ambulantë. Ministri i Financave theksoi sot edhe shlyerjen e borxheve ndaj biznesit, si për të vënë në një bazë morale të drejtën e qeverisë që kërkon tani detyrimet që i takojnë. Mirëpo kjo është njëra anë, pasi në krahun tjetër, është vetë kryeministri që e lidh rënien e të ardhurave dhe krizën e tanishme, me një moment kalimtar që vjen nga ndryshimi i modelit ekonomik?

Tonin Tërshana, këngëtari i njohur, ka përfituar një nga 30 banesat sociale familjet, të shpërndara nga kryebashkiaku Erion Veliaj. Tërshana është shprehur i lumtur dhe shtoi një copëz nga historia e jetës së tij. "Ju falenderoj për fjalët e mira. Unë kam rreth 20 vjet që jam pa shtëpi. Kam qenë edhe në emigracion edhe ju falenderoj pa masë, sepse më krijuat mundësinë të jetoj si të tjerët me familjen time", tha Tërshana.

Jason Bourne, agjenti i “pakontrollueshëm” rikthehet. Pas 8 vjetësh, Bourne do të jetë në Greqi, në një botë “post – Snowden”, siç shprehet aktori Matt Damon. Sipas tij shumë gjëra kanë ndodhur këto vite dhe ka shumë tema për t’u trajtuar, që nga të drejtat e njeriut, demokracia etj.. “Fillon në Greqi, ku lindi demokracia dhe mbyllet në Las Vegas...”, shton Damon. Premiera do të nisë më 29 korrik 2016 dhe kjo seri e re, përfshin edhe Tommy Lee Jones, Alica Vikander dhe Julia Stiles.

Një qetësim të çuditshëm i ka bërë qeveria kosovare opinionit publik, pas marrjes së masave duke  shtuar rrethimin metalik në ndërtesën e saj. Pas qarkullimit të lajmit se këto masa ekstra janë marrë nga frika e ndonjë aksioni të dhunshëm të lëvizjes Vetëvendosje, në një sqarim të Qeverisë së Kosovës thuhet se masat e ndërmarra kanë të bëjnë me rekomandimet që kanë të bëjnë me gjendjen e sigurisë në rajon e jo me zhvillimet e fundit Brenda forcave politike. Pra, Qeveria lë të kuptohet se gjithçka ka të bëjë me kërcënimet e ndonjë sulmi terrorist nga ISIS e jo me përplasjet me VV-në.

Flitet për cilësi shërbimi dhe performancë të institucioneve, por rastet e anashkalimit të këtij kriteri nuk mungojnë. Partia Demokratike ka sjellë sot përmes deputetes Albana Vokshi raste emërimi në Ministrinë e Shëndetësisë, që nuk mund të konsiderohet i pranueshëm. “Edi Rama po ulëret për informalitetin, por shihni çfarë ndodh me ilaçet. Drejtoresha e Drejtorisë Farmaceutike në Ministrinë e Shëndetësisë, ajo që duhet të kontrollojë cilësinë e ilaçeve, ka ngelur në provimin e shtetit. Madje ka ngelur dy herë me radhë.