Lajme

Kërkesa e Presidentit të Republikës, Bujar Nishani, drejtuar Gjykatës Kushtetuese, për interpretimin e nenit 98, pika 1 të Kushtetutës për dekretimin e dy ministrave, duket se ka brenda natyrë spekuluese dhe bazohet në sofizëm.

“Jeta osh qef”, një faqe shumë e vizituar në internet, ka realizuar një sondazh me pyetje të pazakonshme për mënyrën si zhvillohen sondazhet në Shqipëri. “Kush mendoni se ju vjedh më shumë?” është pyetja, e cila pavarësisht se ka brenda një element sugjestionues, sërish i bën apel një realiteti dhe një perceptimi. Në rreth 1 600 votues përgjigjet japin hierarkinë e “hajdutëve” me në krye Ilir Beqjan, pasuar nga Erjon Veliaj, e me radhë, Adrian Çela, Taulant Balla dhe Vangjush Dako.

Një lumë që “valon”, katër milje i gjatë është zbukuar në pyjet e Amazonës në Perur. Për lumin kishte shumë legjenda, por askush nuk besonte në ekzistencën e tij, derisa gjeologu peruan Andrés Ruzo, e zbuloi në vitin 2011. Temperatura e ujit arrin në 86 gradë Celcius. Ndonëse burimet termale nuk janë të pazakonta, lumi peruan ka disa veçanti: ai është 25 m i gjerë dhe 6 m i thellë dhe rrjedh me ujë të nxehtë për 6.24 km. E çuditshme është se lumi ndodhet 700 km larg nga sistemi vullkanik më i afërt, që do t’i jepte kuptim nxehtësisë së ujit.

Sot presidenti i Republikës, Bujar Nishani i është drejtuar Gjykatës Kushtetuese për të interpretuar nenin 98, pika 1 të Kushtetutës. Gjithçka për të kuptuar rolin e tij në procesin e emërimit të dy ministrave, proces që e ka bërë disda herë pa asnjë problem të këtillë. Me këtë rast, çdo koment është i kotë, pasi “loja” e Bujar Nishanit nuk është loja e Bujar Nishanit. Ajo është zbatim i “betejës për emërimin e Arben Ahmetajt” që paralajmëroi Lulzim Basha, por që duket qartë se dora e kujt është.

Qeveria shqiptare pranon zyrtarisht se arsyet e ikjes së shqiptarëve, pra emigrimit të tyre, janë me natyrë ekonomike: varfëria dhe papunësia. Kjo nënvizohet në një raport të fundit për emigracionin për vitin 2014, që është adoptuar nga ekzekutivi si e dhënë rëferuese për të marrë masa që kjo prirje të adresohet në politika të caktuara. “Gjatë vitit 2013, ekonomia shqiptare shënoi rritje reale prej 1.4%, ndërsa në vitin 2014, rritja ekonomike ishte 1.9%. Gjithashtu, Produkti i Brendshëm Bruto (PBB) për frymë në vitin 2013 arriti në 471 mijë lekë..

Kërkuesit në Universitetin e Cambridge dhe Queen Mary në Londër kanë arritur të realizojnë një eksperiment që hedh një dritë të re kuptimin e teorisë së relativitetit të përgjithshëm dhe kufizimeve të saj. Përmes një superkompjuteri ata kanë stimuluar krijimin e një vrime të zezë me formën e një unaze shumë të hollë, e cila nxit krijimin e disa “gungave” të lidhura mes tyre nga unaza që hollohen me kalimin e kohës. Ato bëhen kaq të holla saqë me kalimin e kohës tjetërsohen në një seri vrimash të zeza në miniaturë, njësoj si përhapja e valëve të ujit.

Kishte vite që nuk i dëgjohej më emri, por këto ditë Komisioni i Garancive Statutore në Partinë Socialiste do të duhet të shprehet për zbatimin e dokumentit kryesor të partisë: Statutin. Përmes një letre të firmosur nga disa përfaqësues, anëtarë të PS-së, kërkohet interpretim për shkeljet që ata kanë konstatuar. “Kërkojmë, zbatimin dhe interpretimin e nenit 3 pika 1 të Statutit të PS që sanksionin parimin e kolegjialitetit, në lidhje me drejtimin, funksionimin dhe veprimtarinë e Kryesisë së  PS, që prej vitit 2013, e deri në ditën e kësaj kërkese.

Ministria e Jashtme e Shqipërisë ka bërë të ditur rregullat sipas të cilave do të kryehn gërmimet për gjetjen e eshtrave të ushtarëve grekë. Top-Channel i ka shkëputur një sqarim këshulltarit të ministrit të Jashtëm, ndërkohë që pala greke ka kërkuar nisjen e gërmimeve në bazë të një marrëveshjeje që është firmosur nga të dy palët. “Gërmimet në terren do të bëhen vetëm pasi komisionet e të dyjave palëve të bien dakort, për mënyrën se si do të bëhet në praktikë zbatimi marrëveshjes.

Deputeti socialist Bashkim Fino, duke qëndruar në të njëjtën linjë shpjeguese me kryeministrin Rama se pse nuk u bënë zgjedhjet për kreun e PS-së, paçka se në shkelje të statusit i ka dhënë përgjigje deputetit Ben Blushi.