Lajme

Ka disa zona në Shqipëri që shalqinit i thonë karpuz. Dhe kur ta shesin të thonë: e kemi karpuzin me provë. 
Kjo puna e provës është një shenjë konsensusi se nuk.mund të shesësh diçka për të cilën askush nuk ia di cilësinë. Përndryshe çfarë po ofron? 
Ku ilustrim fare i zakonshëm të vjen ndërmend kur lexon z. Taulant Balla, drejtues i Partisë Socialiste të thotë ndër të tjera se: 

Vrimat e reformës në drejtësi duket do të kthehen në gropa për buxhetin shqiptar. Sot ambasada amerikane doli në media me këshillën e radhës duke na kujtuar se asnjë reformë gjyqësore nuk mund të quhet e plotë pa një reformë të sistemit penitenciar.

E thënë ndryshe: Perëndimi po kërkon rikualifikimin e standardeve të burgjeve në vendin tonë në mënyrë që veprimi i reformës në drejtësi të jetë efektiv. 

Tërheqja e Perëndimit me në krye SHBA nga Afganistani ka nisur të japë rezultatet e para të asaj që ishte parashikuar prej shumëkujt.

Gazeta greke “Kathimerini” raporton sot se qeveria e Greqisë ka autorizuar përpilimin e një Strategjie Kombëtare të Sigurisë nën modelin amerikan. Sipas kësaj gazete, personi i ngarkuar me këtë detyrë është Thanos P. Dokos, këshilltar për Sigurinë i kryeministrit, Kyriakos Mitsotakis pas një vendimi të marrë nga Këshilli për Çështjet e Jashtme dhe të Mbrojtjes.

Dokos pritet të ketë gati një dokument në fund të vitit

Thatësira që ka goditur shtetin e Kalifornisë në SHBA ka detyruar guvernatorin Gavin Newsom të bëjë thirrje ndaj rezidentëve që të reduktojnë me 15% konsumin e ujit. Thirrja e tij erdhi ndërkohë që në këtë shtet është shpallur gjendja e jashtëzakonshme si pasojë e asaj që po quhet Mega-thatësirë.

Një agjenci e re që do të luftojë pastrimin e parave dhe do të monitorojë zbatimin e rregullave të reja të transparencës për transferimet e kriptoaseteve pritet të ngrihet nga Bashkimi Europian. Propozimi është bërë sot, raporton Reuters. Në këtë mënyrë, Blloku u përgjigjet thirrjeve për veprim më të ashpër në lluftën kundër pastrimit të parave.

BE po i kundërpërgjigjet me një projekt konkret nismës kineze Belt&Road. Projekti i madh infrastrukturor i Pekinit ka për qëllim të lidhë Azinë me tregjet evropiane, por është parë gjerësisht si një mjet që do t’i sigurojë Kinës ndikim politik ndërkombëtarisht. Këshilli Europian ka një draft konkret konkluzionesh në të cilat kanë arritur qeveritë e BE-së.

Kryetarja e Komisionit Europian, Ursula von der Leyen ka deklaruar nga Qiprua ku ndodhet për një vizitë se BE-ja nuk do të pranojë kurrë zgjidhjen e dy shteteve për ishullin në Egje.

Dua të përsëris se ne nuk do të pranojmë kurrë një zgjidhje të dy shteteve. Ne jemi të vendosur mbi këtë dhe jemi shumë të bashkuar

citohet von der Leyen të jetë shprehur në një konferencë për shtyp.

Në një raportim të vetin sot, MCN TV njofton për blerjen me 1 euro të Repartit të Artilerisë në Brar të Tiranës nga fondacioni “Fundjavë Ndryshe”. Në raportimin e vet, televizioni në fjalë sjell dokumentet përkatëse ku flitet për shifra mbi 100 milionë lekë për një sipërfaqe prej 43 mijë m2. Ndërkohë në të njëjtin televizion, përfaqësuesja e Agjencisë për Mbështetjen e Shoqërisë Civile, Paula Bero, ka sqaruar se ligji përkatës e kufizon blerjen e aseteve ga OJF-të. Më poshtë intervista e znj. Bero dhe materiali për blerjen e truallit me objekte në Brar të Tiranës:

Kryeministrja e Lituanisë, Ingrida Simonyte ka deklaruar se në kufirin me Bjellorusinë do të ndërtohen pengesa për bllokimin e imigantëve. Ajo ka njoftuar po ashtu se kufiri do të monitorohet nga ushtria, një hap ky që përbën në vetvete moment përshkallëzimi në një zonë qysh tani të nxehtë.

Ne do të nisim ndërtimin e pengesave fizike shtesë, që ndajnë Lituaninë nga Bjellorusia, që do të ishte një shenjë e sigurtë dhe përfundimtare për organizatorët e flukseve migratore ilegale