Arkiv-Lajme

Një video e kryeministrit rus Vladimitr Putin duke u zhytur në det me pajisje speciale dhe më pas duke u shndërruar në zbulues të një thesari nënujor është e gjitha një sajesë. Kështu shkruan gazeta The New York Times, e cila ka zbuluar se ishin njerëzit e stafit të kryeminstrit rus që morën një thesar arkeologjik të zbuluar më parë dhe e vendosën në ujë në mënyrë që bosi i tyre “ta zbulonte”. Kjo nuk është hera e parë që Putini është përpjekur të shfaqet si ‘madhështor’ duke vënë në skenë akte false për të habitur nënshtetasit e tij.

Ilir Meta e Fatos Nano ndahen me Edi Ramën edhe në raport me një pjesë të trashëgimisë së të majtës shqiptare, Ramiz Alinë. Kjo u konfirmua sot gjatë ceremonisë së varrimit të ish-Presidentit të fundit komunist të Shqipërisë i cili është përcjellë me një ceremoni gjysmë zyrtare në prani të familjarëve, dashamirësve, por edhe një pjesë poltitikanësh. Ndër socialistët janë parë anëtarë të asaj që konsiderohen si ‘Gardë e Vjetër’ e PS: Servet Pëllumbi, Gramoz Ruçi e Namik Dokle.

Në kundërshtim me ç’pritej, do të ketë një ceremoni shtetërore për përcjelljen në banesën e fundit të Ramiz Alisë. Sipas së përditshmes Panorama, ka qenë kërkesa e Ilir Metës që një gjë e tillë të bëhej me motivacionin se ka vdekur një ish-President i Republikës, dhe Berisha nuk ka thënë “jo”. Madje, burime të LSI-së thonë se nuk është bërë ndonjë diskutim kushedi se çfarë lidhur me këtë gjë. Është rënë dakord shpejt e shpejt.

Është folur shumë këto ditë për një intervistë të Ramiz Alisë të dhënë që në gjallje për t’u publikuar pas vdekjes. Ka qenë një kërkesë e ish-udhëheqësit komunist bërë intervistuesit, Gjekë Marinaj, për të cilin të shumtit kanë dëgjuar këto ditë të flitet për herë të parë (është rezident në SHBA, poet dhe përkthyes). U nënvizua aq shumë fakti, që Alia kish kërkuar nga Marinaj që intervista të publikohej pas vdekjes, sa u besua u mendua, se ai do kish thënë gjëra të forta e do kish bërë pohime tronditëse. Mirëpo, nuk kish asgjë të tillë në këtë intervistë.

Edi Rama duket se po heq shumë për ta mbajtur kompakte e të bashkuar, jo vetëm Partinë Socialiste, por edhe koalicionin opozitar. Zërat kundër brenda partisë vijojnë të jenë zëra kundër, por edhe takimet e bëra mes krerëve të partive të opozitës kanë treguar se mes tyre ka diçka që s’shkon. Njëherë shfaqet Ngjela me objeksione të vetat ndaj leadership-it të Ramës, pa e përmendur emrin e këtij të fundit, herë shfaqen  me radhë Gjinushi, Milo, Dule, etj.

Bashkia e Shkupit ua ka ndaluar shoferëve të linjave të autobusëve qytetës që në mjetet e tyre të luhet muzikë turbo-folk. Agjencia e lajmeve Reuters njofton se Bashkia ka hartuar një listë me ‘muzikë të përshtatshme’ për kasetofonët dhe radiot e autobusëve të shërbimit publik. Vendimi i administratës së kryeqytetit maqedonas u mor pas ankesave të shumta nga qytetarët.

Në një intervistë të botuar te Shekulli sot, por dhënë një shqiptaro-amerikani me premtimin që ajo të botohej vetëm post-mortum, Ramiz Alia i cili ndërroi jetë dje, ka bërë një pohim bizar. “Kemi dënuar ata që me të drejtë a pa të drejtë i quanim armiq te pushtetit dhe popullit. Ky nuk ka qenë mëkati ynë më i madh. Tufëzat, po! Tufëzat varfëruan fshatin dhe qytetin.

Mediat britanike ishin të parat, dhet të vetmet (sidomos në këtë moment të parë), në raportimin e vdekjes së Ramiz Alisë, të cilit i kanë bërë vlerësime postume pozitive. Po, e konsiderojnë si diktatorin e fundit komunist në Shqipëri, por edhe si njeriun që e tragetoi pa shumë probleme e pa dhunë vendin e vet nga diktatura në demokraci. Ka folur BBC-ja, por edhe të përditshmet the Guardian e the Independent. E dini? Duket se më shumë kanë folur mediar e Londrës, se sa mediat e Tiranës.

Në fshatin Vërdovë (hera e parë që ky fshat dëgjohet e përmendet në publik) të Pogradecit raportohet se ka ndodhur një krim I shëmtuar, një nga ato krime që gazetarët e kronikës së zezë kanë kohë që kanë zënë t’I emërtojnë si krime brenda familjes. Dhe krimi në fjalë është nga më të tronditësit që mund të ndodhë brenda familjes: Njazi Kromollari ka goditur për vdekje me sopatë të birin, Kudretin. Ngjarja tragjike ka ndodhur në banesën e Njaziut.